انا بقى بمووووووووت فى الاوريو
بجد بحبه اوى
مستعدة احطه فى اى اكله حتى المسقعة
ف جت لى فكرة انى احطه فى المهلبية بس بجد طعمه جنااااااااااان
طريقتى فى المهلبية سهلة و بسيطة
كل كوب لبن (ممكن نستبدله بكوب ماء+معلقة كبيرة لبن بودرة)
له معلقة كبيرة سكر و معلقة كبيرة نشا
نحط اللبن و السكر على النار
ندوب النشا فى شوية ماء فاتر
لما يغلى اللبن نرفعه من على النار و نحط له رشة فانيليا
و بعدين نحط النشا المذاب بالراحة مع التقليب
و بعدين نرجعه على النار تانى مع التقليب لغاية ما يغلى و نطفى عليه
نكون مكسرين الاوريو فى طبق من الاول
نكسره بس بايدينا مش نطحنه
نحطه على المهلبية و نقلب عشان يتخلط كويس
و نصبها فى الاطباق و بالهنا و الشفا
الروابط المفضلة