[ 1 ] شجع في ابناءك حب حفظ القران الكريم
السعادة الحقيقة الفعلية للكبير والصغير هي اتصاله بالله
وارتياحه الكبير في حفظ وقراءة كتاب الله عزوجل وتعليم الأطفال يرسخ كثير
وبالتالي إجعلي جو حفظ القران جو محبة وألفة وكافئيهم على ذلك
لو لديكِ طريقة رائعه ضعيها لنا لنستفيد منها
************************************************** *****************
حلمي الكبير إن ربنا يقر عيني برؤية أبنائي حفظة لكتاب الله
فأبوهم حافظ للقرآن كله
وأنا كذلك وفقني ربي لحفظه كاملا واستظهاره عند إمام المسجد
لكن للأسف مع انشغالي بالبيت والأولاد حصة المراجعة قلت كتييييير
ونسيت منه جزء كبير
ودايما شايلة الهم ده
من فترة ابتديت مع ابني البكر واتبعت معاه طريقة المكافأة والحصالة
وكنت أوردت الموضوع هنا في ركن الأمومة
http://www.lakii.com/vb/a-9/a-788464/
والفكرة جابت معاه نتيجة رااااااااااااااااااااائعة ولله الحمد وقطع جزء كبييير ماشاء الله
في أجازة الصيف سجلتله في تربص قرءاني وقطع شوط لا بأس به والحمد لله
بعد بداية السنة الدراسية لاحظت فتور في همته
قلت أسيبه شوية ومش هضغط عليه
في أيام العيد كان فيه حفلة في المسجد في بلدنا لتكريم حفظة القرءان
تابعتها عبر ال أف أم
واتأثرت حد البكاء وهما بينادو عالصبيان وبيكرموهم وكلمات أولياؤهم والكلمة اللي ألقاها شيخ الجامع في تحفيز أبنائنا لحفظ كتاب الله
وكيف أنه هينور طريقهم
وأثرت فيا عبارة
( خلي ابنك وعاء لكلام الله )
حسيت بطاقة رهيبة وحماس و رغبة حقيقية إننا لازم أقف جنب ابني وأساعده عشان يبقى حافظ لكتاب الله
اللي هينور طريقه في حياته بإذن الله
امبارح قعدنا مع بعض وكلمته عن الحفلة اللي حضرها وفكرته بكلام الشيخ وشرحتهوله
وكنت دايما بحكيله هو واخواته عن تجربتي
وإزاي حفظ القرءان بيعلمنا الصبر والمثابرة وقوة الإرادة
واتفقت معاه على إننا نحفظ سوا
كل يوم نحفظ جزء معين سوا وأسمعهوله وهو يسمعهولي
هو يحفظ وأنا أراجع اللي نسيته
حط إيده في إيدي واتفقنا
انبسط أوى من الفكرة والفرحة نطت من عينيه
فالأولاد يحبو جدا مشاركة أمهاتهم وأباؤهم ليهم وكل شيء وعمل بمشاركتهم بيبقاله عندهم طعم تاني وبيتحمسوله بشكل كبيييير
ربنا يوفقنا يااااااااااااااااااارب لحفظ كتابه الكريم وتطبيقه والعمل به
ويوفق أبناء المسلمين جميييييييعا
الروابط المفضلة