مع الليالي الصيفية
استضفنا غالياتنا ورشيقاتنا من
رواد ركن الصحة والتغذية والرجيم
وكانت لقاءنا هنا
اللقاء الأول -اللقاء الثاني- اللقاء الثالث - اللقاء الرابع
- اللقاء الخامس - اللقاء السادس -اللقاء السابع
----
واليوم نجدد اللقاء
مع رشيقة جديدة
تبارك الله عليها
هي شعلة النشاط وبسمة الركن بل هي ضياءه حماها الله ورعاها
مميزتها قوة التحدي وفوزها بالتحدي بالكثير من المرات
هي ملكة الرشاقة للصيفنا الماضي
تتميز بأنها كالنحلة التي تجمع العسل من كل زهره بالركن
شاركت في أغل المجموعات للتنشيط وللتشجيع
رائعه تبارك الله عليها
بكل شيء
انها الغالية
هبهوبة
أرسلت لها أسئلة وردت عليه بالأجوبة
وهاهو الحوار الذي دار بيننا وجوابها على الاسئلة
- عرفيني على نفسك بإختصار ؟
متزوجة / عدد مرات الانجاب / عمرك (بالثلاثينات / الأربعينات / العشرينات )عمري 40 ,, متزوجة وعندي 4 أولاد (بنتين ووولدين )
◈◈♡ ♡◈◈
- متى فكرتى فى التخلص من حمل الوزن الزائد ؟مشواري مع الريجيم قديم ..فـ بعد كل مشوار رضاعة وفطام ببدأ بالريجيمات
بس هالمرة تحديدا بدأت في أواخر شهر مارس السنة الماضية (يعني أنا والثورة سوا) هههههه
◈◈♡ ♡◈◈
- ماهي المدة التي قمتي بعمل الرجيم خلالها ؟
سنة
◈◈♡ ♡◈◈
- ما رأيك بالرجيم الكيمائي ؟
هل جربتيه, اعطينا أمثلة والنتيجة وبشكل عام ما رأيك به؟إي جربته ,, بس ولا مرة كملته يا دوب أسبوع وبوقف ,,
والريجيم الكيميائي ما بيعجبني أبدا وكتير بعرفهن صابهن مرض ما بعد الاستمرار عليه لفترة (مرارة ..حمض البول)
◈◈♡ ♡◈◈
- ماهي النقطة التي جعلتك تبدأي بالتغيير والرجيم؟
لما شفت وزني صار 79.5 ,, كان صاعقة .
ووقتها قلت خلص لازم أبدأ بالتغيير وحارب لإسقاط الشحوم ههههههه
◈◈♡ ♡◈◈
- ما أروع شيء تجديه بالرجيم وأوقات الرجيم؟
أول شي بكون في شعور رائع وإنتي متأكدة إنك عايشة صح ..أكل وشرب وحركة كلن بطريقة صحية صحيحة
وشيء كتير رائع لما كنت كل فترة لاقي ملابسي عمتعرض عليي.. يااااي
وشيء كتير رائع لما كنت قاوم المغريات مما لذ وطاب وأشعر بالنصر على نفسي ورغباتي
وهاد كان يعطيني مزيد من الثقة بالنفس
وكمان شيء كتير رائع لما كنت أسمع عبارات الإعجاب من الناس اللي حولي ومن زوجي
هي الأشياء كانت تعطيني حماس ودافع قوي للاستمرار
◈◈♡ ♡◈◈
- ماهي رياضتكِ المفضلة وبأي وقت؟
المشي هي رياضتي المفضلة وبحبها تكون الصبح لأنو بكون أنشط
◈◈♡ ♡◈◈
- معروف ان السوريون بالحلويات ((مختلفون))
ولازم المقلي والمشوي واصناف حلويات لا تعد ولا تحصى
في العزائم الأهلية ؟ فكيف تتخلصي من هذه المواقف وتتعاملي مع العزائم بدون لخبطة الرجيم؟هلق بصراحة العزايم خففتها كتير ,, وأغلبها بتكون يوم الجمعة (بيوم الفري)
وأوقات كتير كنت أعمل نفس الأكلة بس لايت إلي ,, ومو لايت للضيوف (هي لما بكون أنا عازمة)
ولما بكون معزومة بحاول ركز عالسلطات بالأول وآكل على مهل وبكميات محدودة وقليلة
◈◈♡ ♡◈◈
- هل بتشربي خلطة من الخلطات؟؟ وما هي انفعها على رأيك؟؟
مثل الليمون والكمون والزنجبيل والقرفة...
لا ما بشرب ولا خلطة
بس من كم شهر كنت أشرب خلطة (زنجبيل وقرفة وكمون وليمون )
وكنت سميها خلطة ورد ..لأنو الغالية ورد هي دلتنا عليها
وكنت أرتاح عليها كتير لأنو كانت تخلصني من نفخة البطن
أما للتنحيف ..ما بقتنع إنو في خلطة منحفة أبدا
◈◈♡ ♡◈◈
ما هي خطتكِ في تثبيت وزنك؟
بصراحة الخطة كانت وما زالت قيد التنفيذ ويوم بيزبط ويومين لأ خخخخ
هلق أنا كان هدفي وصل للـ55 والحمدلله وصلتلهن بس بصراحة بمجهود كبير وكان نزول الوزن كتييييييييييييير بطيييء
وبدو كمان مجهود كبييير للحفاظ عليه
وأنا وقتها قلت خلص الحمدلله مقتنعة بشكلي وجسمي فخليني آكل شوي زيادة هههههههههه
وخصوصا إنو صار غالب وقتنا بالبيت خوفا من الحوادث اللي عنا
وطبعا زاد وزني شوي بس عمحاول حافظ عليه هيك (بين الـ 56- 58) مع العلم أنا طولي 158
وفعلا هلق حاسة براحة بأكلي
ما زلت مستمرة عالطبخ بطريقة صحية غالبا
وبراقب أكلي يعني لاهو قليل ولا فاتحته عالبحري (على قولة حبيباتي المصريات )هههههه
شرب الماء بكميات مناسبة يوميا مو أقل من لتر ونص أو لترين
أكل الخضار والسلطات
وممكن مرق قطعة آيس كريم بقلب الأسبوع أو أكلة دسمة اشتهيتها
ويوم الجمعة طبعا فري كالعادة
يعني بالمختصر (كل هاد ومختصر) عمحاول أعمل توازن بين أيامي ,, يوم بكون زيادة بيوم تاني بقلل وهكذا
◈◈♡ ♡◈◈- ما هي نصيحتك للأهالي في تغذية اولادهم نصائح خفيفة بعد إذنك؟
الاهتمام بطبخ البيت وعدم الاعتماد على الأكل الجاهز
طريقة الطبخ تكون صحية بالابتعاد تماما عن السَّمنة واستعمال القليل من الزيت
والتركيز على الأكل الصحي الطبيعي والابتعاد عن الأكل المصنع مع التوضيح للأطفال ضرر و مساوئ الأكل المصنع
بطريقة لطيفة فيها ترغيب وترهيب وتكون قريبة لذهن الطفل
مثلا بشوف أمهات ابنها ما عمياكل الطبخ بتقوم بتقليله بطاطا(حرام مشان ياكل) !!!!!
وعدم السماح للطفل من البداية بشراء البسكوتات والشوكولا والآيس كريم في أي وقت ودون تحديد الكمية
وتعويده على شراء نوع واحد ومرة واحدة عالأغلب يوميا
يعني كتير بدايق وفعلا بستغرب كتير ,, لما لاقي طفل طالع من محل البقالة ومعو كيس في أشكال وألوان من
هالأكلات ونازل أكل فيهن وحدة ورا التانية ,,والأغرب لما يكون الأب بإيده آخده وشاريله !! يعني هاد مو ابنه ؟؟ معقول ما بحبه وعمبيؤذيه بإيده؟؟
هلق في أهل عندهن جهل بهالموضوع وفي أهل بيعرفو بس يا إما ما بيقدرو على ابنهن !!أو بقولو معلش
خليه ياكل بسكوتات يا حرام مافي قابلية للأكل !!!!!!!!
وطبعا من شب على شيء شاب عليه
بنوتة قالت نصائح خفيفة وأنا ما سدقت سيرة وانفتحت
وبتمنى كون ضيفة خفيفة عليكن
مع تمنياتي بالتوفيق والرشاقة للكل
وسنفتح المجال لعضواتنا ومحبات هبهوبة