تجمع فريق العزيمه لنزول 30 كيلو خلال 3 شهور الجزء السادس

**ام ملك وادهم** · 05-11-2009, 04:18 AM

صيف بلا شمس

اهلا وسهلا بيكي معانا نورتي الجروب

ياريت تكتبي بياناتك اسمك ووزنك وطولك والوزن المطلوب

وتلتزمي بكتابه يومياتك كل يوم

وعندك في اجزاء الموضوع اكتر من نظام ريجيم

ربنا معاكي ومعانا

**ام ملك وادهم** · 05-11-2009, 04:22 AM

rania1512

ربنا يبشرك بالخير بخصوص ايام الفاكهه

بس انا بحب الفاكهه وعموما انا بعتمد على التفاح

وعلى فكره انا اصلا مش من هواه اللحمه انا باكل فراخ وسمك اكتر

قوليلي نزلتي كام كيلو على الريجيم ده؟

وكنتي بتلعبي رياضه ولا لا؟

لاني فعلا مش بعرف العب رياضه لاني على طول شايله ادهم لانه بيعيط ياحبيبي العلاج بيوجعله عينيه

فطمنيني الله يخليكي

والف الف مبروووووووووووووك ياقمر على ال2كيلو وعقبال ما يبقو 20 يااااااااااااارب

وتعرفي لو نسيتي تكتبي يومياتك تاني هعمل فيكي ايه؟
هعضك اتفقنا؟؟؟؟؟؟؟؟؟؟؟؟

**ام ملك وادهم** · 05-11-2009, 04:25 AM

ميسو 2009

ربنا يتقبل صيامك ياااااااارب ومتنسيش تدعي لادهم وانت بتفطري ان ربنا يشفيه وميحتاجش للعمليه

ربنا يقويكي ياااااااااااارب

**ام ملك وادهم** · 05-11-2009, 04:28 AM

اثينا
ربنا يخليكي ياقمر ويخليلي كلامك الحلو
ويلا وريني الهمه في ريجيم 12 يوم وربنا يقويكي يارب
والف الف سلامه عليكي قوليلي مالك طمنيني عليكي ياقمر

**ام ملك وادهم** · 05-11-2009, 04:30 AM

zoza1975
فاكهه الجروب العسل ربنا ما يحرمني منك ولا من كلامك العسل ياعسل
وربنا يقويكي ويقوينا يااااااااااارب
ومتنسيش تدعي لادهم وانتي بتصلي

**ام ملك وادهم** · 05-11-2009, 04:33 AM

ليدي من مصر

معلش ياقمر حقك عليا والله ادهم مجنني والقلق قتلني خلاااااااااص
ياطفسه بتاكلي اكل الواد يا مفتريه؟
طب والله لاجرسك

انتي فين مش باينه عالمسنجر يعني؟
التزااااااااااااااام بقى علشان خاطر ربنا

**رحمه2113** · 05-11-2009, 04:48 AM

السلام عليكم ورحمه الله.. انا وزنى 99 وطولى 165 وان شاء الله اكون معاكم

**ام ملك وادهم** · 05-11-2009, 04:49 AM

7awa
صباح العسل على عينيكي ياقمر

وربنا يباركلك على اقتراحك بس انا فعلا وديت ادهم المستشفى الوطني للعيون عند الدكتور رامي وهو اللي قالي على موضوع العمليه
انا ممكن اروح المرادي للدكتور فتحي ولو ان جوزي بيقولي على المستشفى الدولي للعيون في عمار ابن ياسر
ربنا ييسرلنا الخير ياااااارب

وبعدين ياحبيبه قلبي مش عيب ان الواحده فينا تمر بتجربه فاشله وحسبي الله ونعم الوكيل على اي حد ظلمك او سببلك اي الم او اذى لانك فعلا انسانه جميله وربنا يعوضك كل خير ويجازيكي خير في اولادك يارب
وان شاء الله لو شافك السنه الجديده صدفه هيضرب نفسه مليون جزمه على القمر اللي سابه علشان هتكوني ارشق مما اتجوزك ان شاء الله

والف الف مبروك على ال2 كيلو ياقمر
ربنا يقويكي ويقوينا على الاستمرار

**ام ملك وادهم** · 05-11-2009, 04:53 AM

salmadodo

اهلا بيكي يا سلومه
بصي ياقمر انا كمان لفيت على دكاتره كتير وغاليين ورخاص مخليتش بس تعرفي انا اكتشفت ان المساله كلها احنا
يعني المرادي انا داخله ناويه بمشيئه الله التزم واخس ورحت لدكتور ولا مشهور ولا غالي ده ب10 جنيه بس الحمد لله محققه نتايج مرضيه جدا والكل ملاحظ التغيير

تعرفي انا كنت في سبينس ولاقيت قسم كامل للدايت وقفت وقلت دي الحاجت اللي كنت بضحك بيها على نفسي واقول انا بعمل دايت وانا بلغ زر بسمتي ومكرونه بني وسكر دايت

فعلا اريجيم اراده وتوفيق من ربنا وقفل بق

اقفلي بقك هتخسي

وانا كمان اكتشفت سبب حلو قوي للخسسان

جروب حلو وزي العسل زيكم
ربنا معانا كلنا ياااااااااااارب

**ام ملك وادهم** · 05-11-2009, 04:56 AM

رحمه

اهلا وسهلا بيكي يا رحمه معانا
متتخيليش انا بفرح قد ايه لما الاقي واحده مسجله في المنتدى واول رد يكون في موضوعنا

التزمي معانا واكتبي يومياتك وان شاء الله هتلاقي كل التشيع وهتلاقي اخوات بجد
ربا معاكي ومعانا

**ام ملك وادهم** · 05-11-2009, 05:01 AM

اما عن يومياتي النهارده

الافطار كوب نسكافيه بحليب خالي الدسم من غير سكر

الغداء جمبري مشوي

العشاء ربع دجاجه مشويه

انا عارفه انه كتير بس فعلا كان الاكل واحشني جدا
3 ايام مباكلش غير زبادي
اعذروني يابنات

الجوع وحش

**ميسو 2009** · 05-11-2009, 10:14 AM

المشاركة الأصلية بواسطة ام ملك وادهم

ميسو 2009

ربنا يتقبل صيامك ياااااااارب ومتنسيش تدعي لادهم وانت بتفطري ان ربنا يشفيه وميحتاجش للعمليه

ربنا يقويكي ياااااااااااارب

تسلمي يا رب وان شاء الله ادهم الغالي يخف بقدرة رب العالمين بدون عمليات يا رب....

انا اليوم كمان صايمة ان شاء الله رح يكون فطوري قطعة لحمة ستيك مع صحن سلطة زي مبارح وبس...

يا رب انزل عشرة كيلو خلال 20 يوم ... معقول يا ريت...

لعبت مبارح نص ساعة على الاوربترك...

واليوم الصبح لعبت ربع ساعة بس لاني صايمة وخفت ارهق خالي زيادة...

يا رب الصبر يا رب

انحف اكبر قدر ممكن قبل العيد...

انا وكل البنات بالجروب العسل

**ليدي من مصر** · 05-11-2009, 10:47 AM

صباح الخير علي الكل .. سلمي و حشاني يا جميله .. ازي ادهم باشا النهارده يا رب يكون في أحسن حال ... الريجيم مشي كويس الحمد لله امبارح فطرت شاي باللبن و ربع رغيف جبنه قريش و شربت العصر كوباية نشكافية باللبن و اتغديت بامية باللحم المفرومة من غير سمن و 3 شوك مكرونة و صباعين كفته و العشاي تفاحة ....فطرت النهارده واحده دانش صغيرة و كوبايه شاي باللبن و الغدا ان شاء الله بيض مسلوق و جبنه قريش و ربع رغيف و العشا ها يكون تفاح برضه ....

**7awa** · 05-11-2009, 11:25 AM

صباح الخير يا قمرات كلكوا

مبروك الجزء الجديد وربنا يجعل تجمعنا ده بفايده
ونفتح مواضيع فى اقسام الدردشه وربنا يتوب علينا من الرجيم بعد ما نخس

تجمع فريق العزيمه لنزول 30 كيلو خلال 3 شهور الجزء السادس

تجمع فريق العزيمه لنزول 30 كيلو خلال 3 شهور الجزء السادس

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق