السلام عليكم ورحمه الله وبركاته

كيفكم يا احلى بنات وحشتونى كتير

طلبت الاخت كنوزه ولولو طريقه عمل المكرونه بالباشمل بالطريقه المصريه

انا بعتذر اختى الحبيبه على التاخير

ان شاء الله هشرح ليكى الطريقه بالتفصيل المملل وكل خطوة بالصوره

وان شاء الله تظبط معاكى

المكرونه بالباشميل

المقادير عمل اللحمه المعصجه

-بصله مفرومه

-لحمه مفرومه

- طماطم معصوره

- صلصه

- فلفل اخضر

- جوزه الطيب رشه خفيفه

- ملح وفلفل وبهار لحمه

- سمن وزيت

الطريقه

- نسخن ملعقه سمن مع زيت فى طاسه على النار ثم نضيف البصله

ونشوحها حتى تذبل وتصبح شفافه لو البصل لونها اغمق بتغير طعم اللحمه

- نضيف اللحمه ونقلبها مع البصل

-حتى يتغير لونها مع اضافه البهار والفلفل الخضر مع الورق اللورى

- نضيف الطماطم والصلصه

- نتركهم على نار هادئه حتى تمام السوه بس متنشفش قوى تقريبا ربع ساعه

وده شكلهاااااا ونتركها جانبا

بنستخدم مكرونه قلم عى الافضل فى المكرونه

- نغلى ماء ونضع فيه 2 ملعقه زيت وملح ونضع فيها المكرونه

- تقريبا 10 دقائق وتكون استوت او اكتر شويه

- تصفى فى المصفاه وتغسل بالماء وتصفى جيدا من الماء وترد للحله ونتركها جانباا

طريقه عمل الباشميل

- فى حله نضع سمن بلدى على النار حتى تسخن قليلا

- نضيف الدقيق تقريبا كوب ونصف

-هتلاحظى هنا ان الدقيق والسمن متكتل

- هناتزويدى سمن او زيت ذره

-ده بيكون سمكها بتتقلب معاكى بسهوله

-بنضيف لبن مغلى مع شوربه الافضل دجاج او بط
وانا كتير بعملها بلبن فقط
( ممكن تستعمل كريمه لبانى خاصه بالطهى)
بيكون طعمها رائع
انا ضفتها مره واحده وقلبت بسرعه ممكن انتى تضيفى بالتتدريج علشان ميتكتلش والافضل فى التقليب استعمال مضرب سلك يدوى

- انا بحب الباشميل خفيف او اخف من خليط الكيك بشوى زى كده

- انا ضيفت بيضه للخليط بعد ماهدا شويه
مع ملح وفلفل وجوزه الطيب
وكده خلص بالباشميل
- فى حله المكونه بنضع 4 ملاعق باشميل مع ملعقتين لحمه ونقلب كويس

- ندهن صنيه مستطيل بالباشميل يا دوب يغطى الصنيه
- نضع نصف مقدار المكرونه وفوقها اللحمه

- نضع الاجزء الخر من المكرونه

- نضع الباشميل فوق الوجهه

- فى بعض الناس بضيف بيضه مع فلفل اسود
لاكن انا افضل الجبنه الرومى والخطوه دى اختيارى ليكى

- ندخلها فرن ساخن على درجه حراره 200
فى الرف الوسط حتى تحمر

تترك لتبرد قبل التقطيع تقريبا 30 دقيقه

اتفضلو معاناااااا

ويارب يكون الشرح وافى وتعجبك
ومنظره تتطبيقك باسرع وووووقت
بالف هنااااااااا

ما شاء الله عليكى يا شخبوطه
تجنن
انا و الحمد لله اكيد شاطره زيك عشان بعملها بنفس الطريقه
كل البشاميل لبن
وعلى فكره جربيها بالمكرونه الإسباجيتى
خفيفه و تحفه

منظرها فظيع فظيع فظيع .... تتاكل من الصورة يا شخبط.... روووعة فعلا
لكن إنت مقلتيش قد إيه لبن أو مرقة مع الدقيق؟
شكرا حبيبتى... وتسلمى للمصريين دوما وللعرب أجمعين

يا سلام على ذوقك و اخلاقك يا حبيبتي
و يا سلام على مكرونتك بالبشاميل

أشكرك جزيل الشكر يا عمري و الله مش عارفة اشكرك ازاي بس انتي اكيد عارفة مشاعري

فعلا الطريقة رائعة و بسيطة و شكلها رائع و لذيذ خصوصا اني من عشاق الأكل المصري

تسلم ايديكي يا رب
و ربنا يوفقك

انا عندي عزومة بكرة لأقرباء زوجي و ان شاء الله ناوية أعملهم مكرونة بالبشاميل لكني للأسف مش هذوق منها حاجة لاني عاملة ريجيم و مانعة العشاء

بس ان شاء الله تطلع حلوة زي ما بتطلع معاكي

اشكرك مرة اخرى و بارك الله فيكي

بسم الله ما شاء الله
مكرونه روعه روعه
تسلم ايدك يا غاليه و تتحرم على النار
و التزيين رائع جدا جدا
بالصحه و العافيه حبيبتى
ربنا يبارك فيكى و يعطيكى الصحه و العافيه

ايه الشطارة دي ماشاء الله
بس المنتدى كله ماشاء الله مكرونة ولزانيا والوزن راح في داهية
نرجع لصينية المكرونة بتاعتك
حلوة جدا جدا جدا جدا
وبالنسبة لي انا باعمل العصاج بدون طماطم او صلصة
زى الفتة برضه بدون طماطم
تسلم ايدك يا شخبط بإنتظارك كل يوم مع طبق جديد

ماشاء الله وصفة اكتر من رائعة والصور مشهية وجميلة جدا
يسلموا ايدكي يااحلى شخبوطة ولو انك مش شخبط شخابيط انت نسمة عليلة ومرتبة
الف صحة وهنا ليكي ياقمر

تسلم ايدك يا شخبوطة بعمل البشاميل زيك بالضبط ونفس طريقتك تقريبا في كل حاجة بس اكيد من ايدك احلى يا غالية يا قمر
ربنا يبارك فيكي وفي شطارتك يا شخبوطتي

واااااااااااااااااااااااااو رااااااائعه ما شاء الله تسلم ايديك