أهلا بيكم حبايبي عجبني أوي موضوع الأخت deep ocean ( نتغدى إيه النهاردة) وشجعني أصور غداي وقلت بالمرة انزل طريقتي في عمل المحشي.
أنا عارفة إن الكل بيعرف يعمل محشي بس أنا حبيت انزل طريقتي لعل فيها تغيير بسيط يعجبكم وتطبقوه وصورت كل الخطوات وقريب هنزل كمان ورق العنب والكرنب أو الملفوف عشان تبقى ملف كامل وصدقوني المحشي بتاعي دايما له مذاق خاص وطيب مستنيه رأيكم
الطريقة:
1- يغسل الأرز جيدا ويصفى ثم يضاف له خضروات المحشي ( حزمة كسبرة- بقدونس- شبت ) بعد فرمها جيدا بالسكين.
2- يضاف للأرز الخضار صلصة المحشي ( طماطم معصورة بالخلاط ومصفاة ترفع على النار مع بصلة كبيرة مفرومة و2ملعقة كبيرة سمن ويترك على النار مع المتابعة حتى يثقل القوام ثم تملح وتستعمل.
3- يحشى الباذنجان أو الفلفل أو أي نوع تفضل حشوه ثم يرص بالجدر أو الحلة ويغطى بالشوربة ( يذاب ملعقة من صلصة الحشو للشوربة قبل إضافتها للمحشي لمزيد من الطعم المميز) ويتابع حتى ينضج ثم يغرف بالأطباق ويقدم.
بالهنا والشفا مستنية ردودكم
الروابط المفضلة