السلام عليكم ورحمة الله وبركاتهاليوم عملت على الغداء الكفتاجى التونسى
ماما تعلمته من وحده تونسيه من 20 سنه
ومن أول ما تعلمته وهى ديماً تعمله
وعلمتهولى فى رمضان وأنا كمان شكلى هفضل أعمله
لانه حلو جدااااااااااااااااااااً
طولت عليكم فى الكلام طيب يلا نخش فى الموضوع
المقادير
كيلو لحم مفروم
2 كيلو بطاطا
1كيلو كوسه
1كيلو بكيوه
كيلو طماطم
فلفل أخضر حسب ما تحبى بس هو يكون حار أحلى
ملح
كراويه مطحونه
بيض و بقدونس للتزين
زيت للقلى
الطريقه:
اللحم المفروم يتبل بالكرويه و الكسبر المطحون وشوية زيت و يكور
تقطع البطاطا و الكوسه دوائر
تقطع الطماطم إلى نصفين
تقطع البكيوه
بعدين يقلى البطاطا والكوسه و البكيوه بس من غير تحمير يبقى طرى
ثم أقلى الطماطم والفلفل و قشريهم
وخودى كوب زيت من زيت القلى وحطى عليه ملعقه صلصه وملعقه كبيره فلفل أحمر وخليه على النار مع التقليب المستمر حتى يتماسك حوالى 3 دقائق
وبعدين جيبى طنجره حطى فيها كوب زيت وستفى فيها اللحم
وخليها دقيقتين وحطى عليها 3 أكواب ماء مغلى لازم الماء يغطيها و غطي الطنجره وخليها
ولما الماء ينشف معناها أستوت
ثم جيبى الخضارو أفرميه بالمخرطه بس مش ناعم قوى
و أفرمى كل واحد لوحده علشان ميتهرس
وبعدين خلطيهم وحطى عليهم ملح وكراويه والصلصه
وزينيه كيف ما تحبى
وهذا الشكل النهائى
ها شنو رايكم
أنا بأنتظار ردودكم
الروابط المفضلة