اهو جبت الكلوكة بس هذذي صورة قديمة السنة اللي فاتت منزلتها في هذا الرابط

http://www.lakii.com/vb/showthread.php?t=594518

وهذي صورتها




احضره بنزع البذر عن التمر ثم احمس السمسم في قليل من الزبدة واضيف التمر وامزجهم مع بعض ثم اتركهم على جنب حتى يبردو بعد ذلك اكورهم واضعهم في الفستق او اللوز او الجوز ويقدمووو بالف صحة وعافية مع الملبن بالمكسرات والمشمش والفواكه المجففة

وهذا السويسرول متاعي




الحق قبل بنحط وحدة من الصورتين مشو عجبوني الزوز قلت خلي نحطهم وخلاص


وهذا الرابط


http://www.lakii.com/vb/showthread.php?threadid=597778&s=







.........................................

عزومتي امس اللي ما لحقتش نصور فيها سفرة النساوين صورت سفرة الرجالة ووبببببسسسس

اول حاجة الكلوكة




جزء غمسته بالفستق وجزء باللوز الاحمر وجزء باللوز الابيض وجزء بجوز الهند وحطيت بينهم تمر وقراصية ومشماش مجفف قلت اهو للزينة بس اكتشفت انه كلوهم صحتين عليهم

وهني البكلاوة والكنافة






بكلاوة فستق وبكلاوة لوز احمر وبكلاوة لوز ابيض جابهم بابا من محل عمي واني نستف فيهم قريب هبلت الحق وبعد الفطور ما كليت شئ وتوة قريب نهبل نبي ناكلهم أهئ أهئ أهئ
وفي كنافة بالفستق وكنافة باللوز الاحمر جابتهم ماما من عالم البكلاوة يمي يمي يمي هي الصورة مش واضحة هلبة بس توة نبعث صورة لكيتي تكون اوضح هع هع هع هع

نجو للعشي



الشربة طبعا ما تصورتش المسكينة نسيتها
والغريب انهم كلو الشربة والدكتورة التونسية عجبتها على الاخر مع اني درتها بالدشيشة قالت ليا عندهم الشربة التونسية بالدشيشة وهيا تحبها وليها هلبة ما كلتهاش ولهذا ما خلت فيها شئ وكلهم ما خلو فيها شئ صحتين عليهم


السلايط درت سلاطة مايونيز بالفاصوليا الخضراء والسفناري والذرة والزيتون والفلفل الحلو ودرت سلاطة مشوية
ولغيت فكرة السلاطة العربية وحطيت شريح طماطم وخيار في جناب الصواني منها زينة ومنها وكانها سلاطة شرائح

بيتزا وبوريك بالسلق والجبنة والمرة هذي درت فيه جبنة فلادلفيا بالثوم المعمر وطبعا كانت النكهة غير عادية جربوها وادعولي



شيش طاووق وامبطن



محشي سلك



بالنسبة للمحشي ناخذ الحكة ونغلفها بالفويل بعدين نحط من تحت بصل او بطاطا او اي شئ يعني زي ما تغلفي الطنجرة ونستف فيها المحشي متاعي واني نحب الحكة خصوصا لو سلق او ورق عنب لانها صغيرة واني ديما مقداري صغير لان العيلة مش وكالين ولما نقلبها يجي منظرها حلو على الاخر

هني تلقي محشي سلك درته في الحكة

http://www.lakii.com/vb/showthread.php?t=587989

وهني تلقي محشي ورق عنب

http://www.lakii.com/vb/showthread.php?t=590363




رز بالخلطة










تشيز كيك متاعي حتى اني راه فالحة خخخخخ

البسبوسة بطريقة ام ياسمين ليبيا


كانت عبارة عن كوبين سميد
كوب ياغورت
كوب سكر
ملعقة صغيرة بكنج باودر
ملعقتين كبار سمن

وممكن تديري بدل السمن زبدة

تعجنيها مع بعض وبعدين تدهني الطاجين بالطحينة زي ما قالت ام ياسمينة وبعدين تصبها فيه وتخليها ستة ساعات واني طبعا قعدت عندي من الساعة اثنين ونص للساعة سبعة وربع يعني مش ستة ساعات ستة ساعات بس قعدت كويس تتنقع
لو اديريها من الليل واطيبيها الصبح يكون احسن
الله يبارك فيها ام ياسمينة












............................................






سنفوووورة اما خبيزتك طلعت حاجة تحفة

شوفو كيف خفيفات من داخل



تعرفي خوي قالي هذي حاجة قوية من الاخير



اني حشيتها بكبابات بس درتهم على شكل كفتات وشويتهم في الكوشة
وحشيت طريفات بحشو شاورما دجاج تبلته بالطحينة والهريسة والسماق والليمون والبصل والملح والفلفل الاسود ممممممممم وشنو ثاني مممممممم خلاص هذاكا هوا ساد



بس اني درتها خبيزة صغنطوطة يعني توة ما يطلعش اسمها قوارب يطلع اسمها دوائر خخخخخ
هي شنو رايك ؟؟؟؟؟؟؟؟
ان شا ءالله يا سنفورة حنزل تطبيق لخبيزاتك الحلوات

وهذو القوارب والكلوني اللي مشو للمستشفى



ودرت حتى لكلوكة للدكاترة مساكين قاعدين يستقبلو في حالات
وحارمين روحهم من لمة العيلة في الشهر المبارك يوم الجمعة
والصورة جبتها مخصوص للبنات اللي يحبو الحلوووو





................


وهذي جزيرتي اليوم



على فكرة يا بنات اني ما عمري ما نحافظ على طريقة في التثبيلة كل مرة شكل
يعني قبل نزلته بشكل واليوم بشكل جديد

وهذي بيتزا اليوم بشكل جديد شفت بنوته منزلة شكل فطاير الغيرة في الركن حبيت شكلها ودرت زيهم بيتزا






.................


تفضلو يا بنات
موضوع قديم عندي اليوم نزلته ان شاء الله يعجبكم

دجاج كنتاكي على طريقة ماما ،، من مطبخ الاء

المرقد


تفضلو يا بنات المرقد

فلفل مرقد ،،، من مطبخ آلاء




الكلوني متاعك خطر عليا كلونيا الاخضر ههههههه





اني غالي عليا الكلوني الاخضر ونحشي فيه بالدجاج مش كيما
يتاكل كله ما شاء الله خفيف على الاخر لين خلاص هههههههه


...............
تفضلو هذي فطاير الغيرة

الغيرة الفرنسية بنكهة ايطالية،، مشاركتي لوصفات تحت الضوء لسمراء العرب،، من مطبخ الاء






.............................

تفضلو
صفايح على بيتزا



كنتاكي




.................
طاجين الملسوقه
خودى طاجينك وادهنية بشوي زيت او زبدة وديري فيه ورق الملسوقه من تحت ومن الجناب وبعدين دهنت القاع ( فوق طبقة الملسوقه طبعا ) بهريسة عربية وفوقها بطاطا مكعبات مقلية وفوق منها دجاج قطع صغيرة مسلوق او من غير سلق وتشوحيه في بصل وزيت وزعتر وفلفل اسود وبعدين جبنة مبشورة او شرايح وتضربي دحي وتصبي فوق الحشوة ورشة زعتر وبعدين حطي ورق ملسوقه تانى ونزلي الملسوقه اللي في جناب الطاجين واضربي دحية وصبيها فوق الملسوقه وحطي في الكوشة لين اطيب وخليها تبرد شوي وقصى وصحتين عليكم


كبتى الكدابة
تاخدي توست محولتيله الحاشية وتحطيها في ست البيت وتفرميه لما يتفتت صبي عليه شوي حليب حكة وشغلي الماكينة لين يبدا عجينة وبعدين شكلى واحشي ايي حشوة تبيها واقلي في الزيت




موزات محمرة،، مشاركتي في ملف الذ قلوب ولحوم ،، من مطبخ آلاء




.................






كنتاكي ،،، مشاركة بطبقي المفضل للحبيبة لالي لافندر،، من مطبخ الاء






امس في حوشنا كانت انتفاضة التشيز كيك


خوي اليوم عازم جماعته فيبي تشيز كيك وتراميسو

درت امس التشيز كيك والتراميسو

قاعدين في الثلاجة فحنجيب ليكم صورهم بعدين


ناض بابا قال شنو مافيش حصة لينا

درت تراميسو لينا احني





طبعا يهبل من غير ما نقول ههههه





بعدين اختي قالت حتى اني بنرفع للمستشفى تراميسو ماهو عندها ديوتي مشي درنا للدكاترة تراميسو

صورة من الثلاجة وما تركزوش على باكووو الدقيق





تفضلي هذا مهرجان التشيز كيك

✿*موضوع متميز*✿مهرجان التشيز كيك على شرف كل الحبايب ... من مطبخ الاء

منزلة فيه تشيز كيك وتراميسو على كيف كيفك
هما ما يجو شئ جنب ابدعاتك ويا رب يعجبوك



شوفي المفرش هذا بكشي يطلع ليكم حتى هو هههه






ولتوة ما شفتش اختي مش نعرف طلع حلو او لا هههه


والعشي كان بوريك ملسوقة بالبطاطا طايب في الكوشة





ام يسمينة امس تسال فيا على الشيش طاووق خطراته عليا فدرت شيش طاووووووق





ودرت للدكتورة اختي شاورما مش يتسحرو بيها خذينا منها طريفات خخخخخ





والحمد لله على النعمة

يوم الخميس كان عندي ضيوق خوي


ودرت ليهم كنتاكي وجزيرة








وخبيزة ماما سنفور وبيتزا
تفضلو يا بنات الخبيزات

خبيزات ماما سنفور المقليات بنكهة البصل،، مشاركتي في ملف الخبز المقلي ،، من مطبخ الاء







ورز بالخلطة وشربة عربية وسلاطة مشوية وسلاطة خضرة بالمايونيز وضولمة سلك





الحلو تشيز كيك وهذا شكلها بعد التزين مع التراميسو اللي حتى هوا هذا شكله بعد التزيين





طبعا التشيز كيك ما خلو منها شئ ولهذا ما قدرتش نصورها وهيا مقصوصة بس حصلت طرف تراميسو كليته مع فنجان قهوة يمي يمي يمي





ومشت العزومة على الخير والحمد لله


امس كان فطوري خبيزة بالتن وبيتزا ولاول مرة نديره كبابات ملفوفات بعجينة الباف بس جو يهبلوووووو





واختي كان عندها ديوتي كالعادة فحسبتها في بيتزات وخبيزات ودرت ليها طاااااجين لاااااازااااااانياااااا
على فكرة يا كيتي اللازانيا درتها خضراااااااااااااااااء هههههههه












والحلوووو كاان تشيز كيك ولمرة ثاااانية هذا الاسبوع هههههههه
بس ماما وجعها خاطرها ما ضاقتش من متاع خوي فقلت نديرها مرة ثانية





وقصيتها على عجل قبل ما تبرد قلت خلي نلحق لان مش حنلقى شئ اليوم الثاني كلها حياكلوها في السحور







اني ما كليتهاش الحق لان كانت عيني على

امس خشيت الحوش لقيت ماما تحلم بدجاج مشوي
واختي متبلاته ومتكماته
طبعا شكلها فاتحة الدولاب وما خلتش اي فازو كله خذت منه شوية شوية
وعلى قولتها تبلاته بـ
بصل+ليم قارص+خل+ياغورت+سماق+مستردة+مايونيز+كاتشب+صوص الباربكيو+الصوص الحار+ملح+فلفل اسود+حبهان+شيش الورد+بزار+زنجبيل+زعتر+اكليل
هذا بس خخخخخخخ

اني لقيت الدجاج هبلت قلت لازم من الفطيرة
بعد ما عجنتها لقيت مافيش زبدة ولا سمن
شنو الحل ممممممممم مافيش غير الزيت
ودرت فطيرة مطبقة مورررررقة كبيرة على كيف كيفم بالززززيت



وبعدين شويت الدجاج
وقلت لازم نشوق كيتي شوية مش تنوض حتى هيا تشوي دجيجات



وشويت معاهم بطاطا بالاعشاب




ومع عمك الدجاج درت سلاطة مشوية على الفحم طبعا وسلاطة بابا غنوج حتى هيا متفحمة المسكينة



وبيتزا دارتها ماما لاني لهيت في الشواء فوق الحيط
وخضراء على حسب طلب خوي يحب مع الشواء خضرة مقرضة كبير

وهذا الدجاج عن قريب



وما كانش ي حلو هي بكلاوة وخلااااااااص خخخخ

صحتين على الجميع


تفضلووو يا بناااات

سمبوسك الاجبان،، مشاركتي في ملف ماما تغريد لحشو السمبوسك،، من مطبخ الاء