اولا ابدأ بالدعاء لاختى وحبيبتى noorelhoda
ربنا يكرمها ويحفظها
قرأت طريقتها للسويسرول وبأمانة كنت خايفة موت اصلى عارفة انه لازم نعمله بطريقة معينة ونفصل البياض عن الصفار وكده
لكنى قايست زى ما بيقولوا وقلت اعملها
وفعلا عملت طريقة الكيك بتاعة نور وطلعت تحفة الى اقصى مدى وعملتها فى صينية مقاس 26 خدى بالك مش عاوزين الكيك مرتفعة عشان كده لا تقلقى لو لاقيتى الكمية قليلة فى الصينية
والكيك كانت هشة والله وحطيتها وهى سخنة على فويل مرشوش سكر بودر وزوقتها بالمربة والكريم شانتيه من الداخل
ولفيتها وكنت خايفة جدا وكانت هتنكسر منى وانا بلفها بس لفتها بالفويل جامد(لفتها من غير ما احط الفويل جواها يعنى لفتها وضغطت الفويل عليها ولفتها بيه بعد ما لفتها) ورحت حطيتها فى التلاجى لمدة 4 ساعات وبعدين طلعتها وكنت حاسة انى لما هشيل الفويل هلاقيها متكسرة ومتفتتة
بس لا والله لاقيتها متماسكة جدا وتحفففففة
رحت فننت بأة فى الزينة زوقتها من فوق بجناش الشوكولاتة(كريمة سائلة على النار لما تغلى حطيها على الشوكولاتة الذائبة وقلبى بالمضرب) وفضل عندى شوية كريم شانتيه سايحة فعملت خطوط وطلعت شكلها جميل وعملت وردة بالمكسرات ايه رأيكم؟؟؟
الروابط المفضلة