|
للبحث في شبكة لكِ النسائية:
|
عضو جديد
السلام عليكم ورحمه الله وبركاته
انا عندى مشكله كبيره وخايفه جدا
انا مغتربه فى الكويت واولادى فى المدارس الباكستانيه الانجليزيه
وان شاء الله نويت انزل مصر واستقر فيها بس مشكله المدارس اكبر مشكله محيرانى ومخوفانى
خاصه ان لى اولاد ولدين وبنت الاول فى الصف الخامس وبنتى فى الصف التانى وابنى الصغير سن الحضانه 4 سنوات
وانا اسكن النزهه الجديده ونفسى ربنا سبحانه وتعالى
يوفقنى لمدرسه تكون مناسبه لهم واسلاميه
يعنى المعادله الصعبه
اللغات + الدين
ارجو مساعدتكم ورايكم
وجزاكم الله كل الخير
عضو جديد
السلم عليكم ورحمة الله وبركاته
اولاً اشكرك جدا على مجهودك وفعلا موضوعك مفيد جدا
انا بقى محتاااااااااااااااااااااااااااااااااااااااااره وتقريبا مش عارفه انام من تفكيرى فى موضوع التقديم لبنتى فى المدرسه المناسبه وبعد ما قررت ادخلها معهد قرطبه لقيت شكوتك من المعهد ..فتراجعت
ارجو ان تساعدينى فى اتخاذ القرار
اولا ....انا عاوزه البنت تتعلم فى الازهر
المتاح امامى وانا ساكنه فى منطقة الهرم
1.ازهر حكومى خاتم المرسلين ميزته الوحيده ان المدرسين خبره كبيره لكن اعتقد ان حاله حال اى مدرسه حكوميه اهمال وعدم اهتمام وطبعا هحتاج دروس خصوصيه وكمان مش ضامنه المعامله الحسنه مع التلاميذ
2.ازهر خاص الاندلس و كامل عوده مصاريفهم بسيطه كامل عوده 1700 جنيه لكن الاندلس مستواه احسن ومش عارفه مصاريفه كام عيوبهم ان المدرسين خريجين جدد ومعندهمش اى خبره ولما المدرس يكون موجود من فتره ويطالب بزيادة مرتبه عن 200 جنيه يمشوه ويجيبوا مدرس جديد وده اللى عرفته من مدرسه كانت عندهم وهى عمرها 22 سنه وكانت بتدرس لغه عربيه لرابعه ابتدائى هى خريجة اداب لغه عربيه لكن طبعا ما فيش خبره بالتدريس
التلاميذ لا يهابو الاساتذه لصغر سنهم...
3.معهدلغات قرطبه مش عارفه عنه حاجه غير اللى قولتيها بالاضافه انه بعيد عنى
ارجو ان تقدمى لى النصيحه ولو تعرفى معاهد ازهريه قريبه منى
عضو جديد
موضوع المدارس دا موضوع مؤلم فعلا
انا بدور على المدارس لغاية دلوقتى على النت بس مش عارفه اوصل لحل
مدرسة دياموند جنب بيتى فعلا و انا شوفت ناس بتتكلم عنها انها جامدة وفى ناس قالت عليها مش قد كده مع ان المدرسة اصلا فاتحة من سنتين بس
بفكر فى مدارس الراهبات علشان المستوى الاخلاقى و اهتم انا فى البيت بموضوع القراءن و الدين
بس برضه سمعت اعتراضات حتى من اهلى
لو فى حد بناته فى مدرسة راهبات ياريت يقول لنا تجربته
و كمان انا سمعت عن الطلائع اللى المهندسين
بس عايزة اعرف مصاريفهم كام اللغات
و كمان مدرسة المصرية دى ليهم موقع او جروب على الفيس بوك ممكن الواحد يبص عليه يارب تفيدونا بتجاربكم السابقة
النجم البرونزي
http://rapidshare.com/files/35236721...haram.rar.html
اللنك ده فيه تجميع للمدارس في فيصل والهرم يارب كلكو تستفيدو يارب وتعرفو تختارو ان شاء الله صح وان شاء الله هجبلكو لنكات موضوع مدارس مدارس من اول جزء الى الان الجزء ال13
النجم البرونزي
بصو يا جماعه مسلمه مجمعه كل ماقيل في الاجزاء ال 13 من مدارس مدارس في جميع الانحاء بجهد جماعي من المشاركات في موضوع مدارس مدارس ممكن توصلولها في اللنكه دي
http://www.lakii.com/vb/showthread.p...04#post9820504
هي هتجاوب عليكو ان شاء الله في كل حاجه ولو عاوزين مساعده مني انا على استعداد للخدمه
النجم البرونزي
مدارس ... مدارس ... الجزء الأولمدارس ... مدارس ... الجزء التانىمدارس ... مدارس ... الجزء التالتمدارس ... مدارس ... الجزء الرابعمدارس ... مدارس ... الجزء الخامسمدارس ... مدارس ... الجزء السادسمدارس ... مدارس ... الجزء السابعمدارس ... مدارس ...الجزء الثامنمدارس ... مدارس ... الجزء التاسعمدارس ... مدارس ... الجزء العاشرمدارس ... مدارس ... الجزء الحادي عشرمدارس ... مدارس ... الجزء الثاني عشرمدارس ... مدارس ... الجزء الثالث عشر
النجم البرونزي
ويارب اكون افدتكم
عضو جديد
لو سمحتو تعرفو ايه عن مدرسة سان جوزيف اللى فى الزمالك
او اى مدرسة راهبات فى وسط البلد انا سمعت ان المدارس جامدة موووت
وبفكر اقدم فيها
بس يارب تفيدونى بخبرتكم
عضو جديد
انا عندى بنت فى شهر اكتوبر اللى جاى هتكون 3 سنين و 11 شهر
النجم البرونزي
وياريت كل اللي بيقدم ودي نصيحه مني لاني مريت بخبره المدارس دي السنه اللي فاتت متخدوش بالرأي على النت فقط لا روحو المدرسه واقضو يوم كامل هناك واسألو اولياء الامور اللي اولادهم في المدرسه وكمان الطلبه واولا واخيرا صلاه الاستخاره مره واثنين وعشره عشان الاختيار يكون صحيح وربنا يوفقوا
أعضاء قرؤوا هذا الموضوع: 0
رد مع الاستدلال
الروابط المفضلة