مدارس مدارس مدارس ..الجزء التاني

[ام مريم 2008]

اصدقائي الاعزاء ..احنا حنعتبر الجزء دة مكمل للجزء لااول بتاع مدارس مدارس و البحث عن مدرسة ...
كل واحد بعد ما اولادة دخلوا المدرسة يقول لنا اية الاخبار هل المدرسة الي اختارها كويسة و لا للاسف . علشان نتبادل الاراء و نعرف اية الكويس واية الوحش و ممكن نتلافي المشاكل السنة الجاية ان شاء الله .
حبدأ بنفسي : انا كنت نقلت بنتي من مدرسة طيبة ب 6 اكتوبر الي مدرسة علوي بالمريوطية ..
مزايا علوي: - لغاية دلوقتي ملتزمين جدا - بدأوا في تسليم بعض الكتب و انتظمت الدراسة.
العيوب : طبعا بنتي مفتقدة الاصحاب جدا ..بس بتحاول تتعرف على اصحاب جدد في المدرسة. المدرسين مش متعاونين شوية و في شوية هرجلة في المدرسة .. بس بقول انة يمكن علشان لسة الامور موضحتش و استقرت . و عموما احنا حنتابع مع بعض الاخبار .

في حد تقريبا كان حيدخل اولادة مدرسة Knowledge valley الي تقريبا في الهرم على المريوطية ...يا ريت يقول لي اية اخبارها لان حاسة انها كويسة ..

و مستنية اخبار اولادكم

[bodamody]

ازيك يت ام مريم كل عام وانتم بخير ....انا سعيده جدا بالجزء الجديد ده بالنسبه لي بدايه الدراسه ان شاء الله 7 اكتوبر ادعو لي خايفه موووت

[merehan]

على فكرة الجزء دة حيبقى جميل جدا وان شاء اللة كلنا حنستفيد اما عنى انا فبنتى لسة فى مدرسة غريانى الدولية وحدخل يوم الاحد وان شاء اللة اتابع معاكو اخبار المدرسة السنة دى اية

[ندى.]

فكره كويسه يريت كل واحده تقول مميزات وعيوب المدرسه اللي ودت اطفالها فيها
ويا ريت بالتفصيل

[bent masr]

وحشتونىىىىىىىىىىىىىىىىىى كلكوا..........
كل سنة و انتم طيبين عشان رمضان و العيد و بداية الدراسة و...و....و.....

المهم....أنا ابنى لسه فى غريانى kg 2 بنوتى فى المصرية pre-school و أنا دلوقتى بأشتغل فى المصرية.
بالنسبة لغريانى لسه بادئين امبارح,ان شاء الله بعد العيد أبقى أتابع عاملين ايه السنه دى....
مريهان,انتى بنوتك فى انهى class؟؟؟؟

[ايمو]

وحشتونى ازيكم انا دخلت ولادى فى نولدج فالى طبعا الاسبوع اللى فات كان لسه مافيش دراسه اوى بس بنتى كانت مبسوطه من المدرسه اوى بالرغم انا كنت قلقانه انها تفتقد اصحاب الدراسه بس الحمد لله و ابنى حيدخل يوم 7 وان شاء الله نتابع مع بعض وكل سنه وانتم طيبين

[karmin]

طيب يا بنات فيه مدارس كويسه فى الهرم او فيصل وسعرها كويس؟؟

[merehan]

هاى بنت مصر انا بنتى فى KG2 كلاس D تتصورى اول يوم ركبوا البنت باص غلط اللى بيروح مصر الجديدة وكان يوم مايعلم بية الا ربنا ورحت المدرسة وزعقت وبصراحة بهدلتهم وقابلت اسماعيل غريانى والراجل بصراحة كان بيهدينا انا ووالدها بس بصراحة والادها كان عصبى بردة معاة عشان كانت غلطة المدرسة وانا كنت مفهمة المشرفة اللى حتركب معاها البنت فى اى كلاس واسمها اية وبردة رحت الكلاس وقلت للمدرسة وكتبتلها اسم المشرفة ورقم تليفونها وبردة غلطوا والحمد لله فى الاخر الباص جبها والمدرسة اعتذرت بس بعد اية ما اعصابة طبعا باظت ولسة حتبدا يوم الثلاثاء وربنا معانا

[kouky5]

السلام عليكم
بصراحة موضوع جميل جدا وانا حبيت اشترك معاكم
ابني السنة دي بيبي كلاس في المصرية ....هما ابتدوا يروحوا المدرسة من يوم عشرة الشهر اللي فات لكن الدراسة الحقيقية من يوم 7 اكتوبر باذن الله...وربنا يوفقه و يوفق الجميع

[bodamody]

وحشتونى ازيكم انا دخلت ولادى فى نولدج فالى طبعا الاسبوع اللى فات كان لسه مافيش دراسه اوى بس بنتى كانت مبسوطه من المدرسه اوى بالرغم انا كنت قلقانه انها تفتقد اصحاب الدراسه بس الحمد لله و ابنى حيدخل يوم 7 وان شاء الله نتابع مع بعض وكل سنه وانتم طيبين

ازيكم كلكم وحشتوني موووت والله النهارده اول يوم لابني كان صعب عليا قوي بس الحمد لله ايمو ممكن طلب الله يكرمك هي صاجبتك اللي بنتها في مدرسه سيتي كانت عند مين وايه رايها تفصيلا في المدرسه وشكرا لكم

[ايمو]

ميرهان حبيبتى معلش هو دايما كده اول اسبوع بيبقى فى مشاكل خصوصا فى الباصات اجنا برده كان عندنا مشكله بس الحمد لله اتحلت علشان التوزيع الدورات كان مش مظبط .

بودامودى انا زى ماقلتلك قبل كده اعتراضها كان على ايه هيا بنتها قضت سنه واحده بس kg2 و المدرسه كانت جنب بيت مامتها بس هيا حتعزل علشان كده كمان نقلتها من دلوقت

[bodamody]

شكرا ايمو وجزاك الله خيرا

[bent masr]

هاى بنت مصر انا بنتى فى KG2 كلاس D تتصورى اول يوم ركبوا البنت باص غلط اللى بيروح مصر الجديدة وكان يوم مايعلم بية الا ربنا ورحت المدرسة وزعقت وبصراحة بهدلتهم وقابلت اسماعيل غريانى والراجل بصراحة كان بيهدينا انا ووالدها بس بصراحة والادها كان عصبى بردة معاة عشان كانت غلطة المدرسة وانا كنت مفهمة المشرفة اللى حتركب معاها البنت فى اى كلاس واسمها اية وبردة رحت الكلاس وقلت للمدرسة وكتبتلها اسم المشرفة ورقم تليفونها وبردة غلطوا والحمد للة فى الاخر الباص جبها والمدرسة اعتذرت بس بعد اية ما اعصابة طبعا باظت ولسة حتبدا يوم الثلاثاء وربنا معانا

لا اله الا الله.........موقف يبوظ الأعصاب.....و طبعاً والدها له حق يتنرفز و يبهدلهم كلهم.....ربنا يحفظهالك.
أنا ابنى فى kg 2 F و يا دوب ابتدوا شغل جد من أسبوع بس لكن حاسة ان مدرسة ال english أحسن من السنة اللى فاتت....ربنا يهدى

[bent masr]

السلام عليكم
بصراحة موضوع جميل جدا وانا حبيت اشترك معاكم
ابني السنة دي بيبي كلاس في المصرية ....هما ابتدوا يروحوا المدرسة من يوم عشرة الشهر اللي فات لكن الدراسة الحقيقية من يوم 7 اكتوبر باذن الله...وربنا يوفقه و يوفق الجميع

أهلاً بيكى يا كوكى....
ابنك عامل ايه فى baby class???? شغالين معاهم كويس؟؟؟

[kouky5]

اهلا بيكي bent masr
ربنا يوفق ابنك ويحفظهولك ..... وشكرا علي سؤالك
الحمد لله الامور حتي الان كويسة... وربنا يوفق الجميع ...ابني لما بيرجع من المدرسة بحاول اقرره علشان اعرف عمل ايه او اخذ ايه في المدرسة بس ما يحكيش كتير بيقولي مختصر الكلام وانا ببقي نفسي اعرف كل حاجة عنه.....فالاسبوع ده ان شاء الله في اجتماع مجلس الاباء ...ودي فرصة كويسة علشان نقابل المدرسات ونتابع الامور بالتفصيل وبشكل اقرب... واضح ان المدرسة كويسة والادارة هناك حازمة وده شيء جيد والمدرسات متعاونات لحد كبير وده اهم حاجة ...