المشكلى اللى عندى السوس اللى بيبقى فى الفول والبقوليات انا بشيل الحاجات ديه فى دولاب الخزين فى المطبخ والصيف جاى يعنى هلاقى سوس هلاقى سوس اعمل ايه عشان ما يطلعش تانى انا بضطر اشيلهم فى التلاجة وطبعا بتتملى على الفاضى ياريت حد يقولنا علىحاجات ليه حاجة كمان بلاش تحطوا ورق جرايد فى المطبخ لانها احلى مكان الصراصير بتعيش فيه
منزل انيق نضيف وشيك
تقليص
X
-
المجموعه جميله جدا ويارب نفيد ونستفيد ام تسنيم بالنسبه لتنظيف السجاد ماما بتعمله بنفس الطريقة دى بالظبط ويوميا والله سجادها بقاله سنين وتقولى لسة جديد السجاد من عمري انا والله بس هه كل يوم الصبح تعمله وفعلا الجاز ده خطير للحيطة اللي بتبقا ورا البوتجاز في ثوانى ومن غير دعك ولا حاجه تحطى شوية جاز على اسفنجه تغسلي الحيطة وكمان مياة مسح السيراميك او البلاط تحطى معاها شوية جاز بيبقا السراميك بيبرق من اللمعه والبلاط كمان اختى ميرو بالنسبة للسوس انتى اهم حاجه تنضفى دولاب التخزين يعنى مايبقاش فية سوس وتحطى حاجات جديدة اكيد هتسوس بس فعلا اهم حاجة البقوليات كلها احسن مكان لها الفريزر او درج التلاجه ولو فضلت سنه مش هيجرالها حاجةتعليق
-
الاخت فرح بالنسبة للاماكن اللي فيها صراصير تحطى عليها مياة مغلية عشان تموت البض بتاعها لانك انتى بتموتى الصراصير بالمبيد لكن البض مش بيجراله حاجة فا المياة المغلية باتقضي علية ولو تقدري تغسلس مطبخك غسيل بالمياة المغلية وتحطية ف الشمس لحد مايجف خالص يكون افضل والامبوبة اهم حاجة والله بتجيب البلاوي من الشارع واحزروا من الكراتين اللي فى المطبخ بردة لانها بتعيش فيها وربنا يزيحها من عندك بس انتى حاولى تقاوميها قبل ما يدخل الصيف وبردة البلاعهبتاعة الحوض كل يوم بليل حتى السداده عليها او علبة فيها مياة عشان بيعيشوا فيها وربنا معاكى تخلصي منهم بلا رجعهتعليق
-
ميرو أحسن شئ علشان تخزين البقوليات هو وضعها في الثلاااااااااااااااااجة لا كيس ولا علبة بينفعوا أنا بحطهم في أكياس واكتب على الكيس وارصهم فوق بعض في باب الثلاجة لكن لو كمية كبيرة زي الفول مثلا بحطها في برطمان كبير فوق درج الخضار مثلاتعليق
-
ياجماعه لو انتى عايزة ريحة البيت تبقى حلوة هاتى زجاجه بخاخ وحطى فيها فنجان كلور وفنجان كمفورت وفنجان ديتول وكملى الزجاجه مياة واي حاجه عايزة تمسحيها بفوطة ورشي من الزجاجه دى هتلاقي ريحه البيت جميلة ونظيفة علطول وكمان بتوفرلك فى ادوات النظافة دى ونصيحة اي حد بيعصر مثلا لمونة بتقسيميها نصين خدى بعد ما تعصريها وادعكى بيها رخامة المطبخ الليمون معقم رهيب واى بقعه بيشيلها لو افتكرت حاجه هقولهاتعليق
-
كان ليا سؤال يا جماعة بالنسبة لموضوع الجاز دا ... انا خايفة تكون ريحة الشقة جااازبعد كا المع مثلا بيه السيراميك...وهل الجاز ممكن انظف بيه البوتاجاز ...عيونه يعني او الحاجت اللي عليها دهون ولا ايه ... وعجبتني اوي يا ايمي فكرة البخاخ دي ...ان شاء الله هاجيب بخاخ واعمها ... وبالنسبة للسجاجيد ماما فعلا كتير بتعملها ... وانا ان شاء الله هجربها بس لما اغسلها الاول غسلة محترمة ... وبعدين ان شاء الله هابقى اعملها زي ما قولتم ... الف شكر للجميع على المعلومات القيمة ...
وهاجرب موضوع الخل دا على عيون البوتاجاز ...
امنية حياتي ان البوتاجاز يرجع نظيييييفففف زي ما جبته ...
وانا فعلا بحط كتير عليه ورق فويل ... بس مش على طول الصراحة ... بس بفكر والله استخدمه دايما او اشوف الورق الافرخ المخصوصة اللي بتتباع بتاعته ... افتكر هتفرق وهتفضل محافظة عليه ... ربنا يسهلها على الجميع ...
وبجد جزاكم الله خيرا كلكم .......
وان شاء الله يا فرح حاولي تجربي طريقة ايمي يمكن تنفع ...وتفيدك ... واديكي جربتي كل حاجة ... فجربي دي كمان ... وان شاء الله يارب هتفيدك ...
صحيح بالنسبة لموضوع السوس انا اعرف ان ماما بتحط ملح في شوال الرز مثلا عشان ميسوسش وهكذا ... فمش عارفة بقى الصراحة ...
عامة فعلا الصيف بيجي وكل الحاجات المستخبية للاسف بتطلع ... ربنا يلطف بينا جميعا يااااارب اللهم امينتعليق
-
تعليق
-
النفس المطمئنة اولا ازيك ثانيا الجاز طيار يعنى ريحته بتروح بسرعه ونتيجته هايلة وهو بيستخدم لأي حاجه فيها دهون بيشيلها بسرعه انا اختى بتمسح بيه ضلف المطبخ تخيلي بتحط على قماشة وتمسح وتفتح الشبابيك شوية وبالنسبه للسجاد فعلا اغسلية الاول وبعد كدة دازمى ع الطريقة دى بس مش كل يوم زى ماما لان ماما موسوسة وفعلا داومى على الفويل للبوتجاز لانه بيحافظ علية فترة وكمان مش بيتوسخ قوى زى ما بيكون مكشوف وكل يوم وانتى بعد ماتخلصي الاكل مع تشطيب المطبخ امسحى البوتجاز حتى لو مفروش قصدير كدة بتحافظى ع القصدير انا بردة بحط مع اي بقوليات شوية ملح خشن بس دايما هى فى التلاجة او الفريزرتعليق
-
اختى فرح لقيتلك فكرة بس متعبه شوية بس تعب ساعه ولا كل ساعه اولا فكى المطبخ بتاعك واغسليه غسيل واغسلي كل حاجه فية بمياه سخنه خالص ولو عندك سطح سبيه ينشف ويجف كويس وبعدين امسكى الحيطان بخرطوم ومياة مغلية من السخان وكلوركس وديتول ونشفية كويس وبخى البوتجاز والانبوبة ولو التلاجة فى المطبخ بخيها من تحت وبعدين وبعد ما تتاكدى ان مفيش حاجه خالص افردي المطبخ وحاولى لاتحطى حاجه فيها كراتين او جرايد فيها المطبخ لانها هى اللي بتلم القرف ده وباذن الله تتخلصي منهم خالص وكمان ابقى غيري بخاخ الصراصير لانهم بيبقا عندهم مناعه لما بيبقا نفس النوع وعندى طريقة عجينه صراصير كنت كاتبها كانوا ناس مشكرين فيها فقلت اكتبها عندى مش بخسارة هطلعها واجيبهالك معلش انا نصيحتى متعبه شوية بس هترتاحى لما تلاقيهم الله يقلعهم اتخفوا وغاروا في ستين داهية انا خايفة حد منهم يسمعنى ويجيلى ههههههههتعليق
-
ايمي
متشكرة قوي يا حبيبتي على تعبك معايا والله ربنا يرزقك الذرية الصالحة يارب عاجلا غير اجل
بالنسبة للطريقة دي هيا متعبة بس انا شبه عملتها قبل كدة وبعدها الاقيهم بيتفسحوا زي ما بيكونوا بيغظيوني
والمشكلة انهم مش في المطبخ بسسسسسس
دول واخدين البيت بيتهم مخليين عنيا في وسط راسي لان عندي اطفال صغيرة 3 سنين و6 شهور فكل حاجة انظفها كويس وبابقى خايفة ييجوا ناحيتهم عشان كدة فكرت في حوار شركة التنظيف او البخ ديتعليق
-
منورررررررررررره المجموعه يا ايمي وانا ادعو جميع اعضاء المنتدي اللي عاوزين يشتركو يتفضلو لو بودي ابعت دعوه لكل الاعضاء حبايبي معلومااتك خطيره يا ايمي
انا بقترح نكمل بند التنضيف لحد ما نخلصه بحذافيره كامل مكمل من سجاد لحيطان لبوتاجاز لفرن لكنب الانتريه هاه كنب الانتريه لسيراميك الخ الخ الخ وبعدين نتنقل لبند التنظيم كامل مكمل وبعدين بقه ندخل ع الشياكه عشان يبقي موضوعنا تحت السيطره اوكيه اعذروني لعدم تواجدي الدائم بسبب مشاكل في النت وفي هذه الاثناء هحاول الم لكو معلومات من هنا وهناك عشان يبقي الموضوع ثريتعليق

حول هذه المجموعة
حتي تصبح منازلنا العربيه رمزا لنظافتنا واناقتنا وجمالنا
نوع:
عامة
المواضيع:
1
تعليقات:
899
المالك
تصنيفات المجموعات الاجتماعية
تقليص
Latest Group Topics
تقليص
لا توجد نتائج تلبي هذه المعايير.
تعليق