وانا والله بحبك فالله
ولايهمك ياغاليه
انا بقول الظاهر انك عيزاني اجيب هيثم كمان
استني شويه عليه اخد نفسي
ربنا يكرمنا جميعا ويهدي اولادنا للصالح اللهم امين
انت كمان قلت انك بدات قبل ولاده اخوها .........
ركزي فالحته دي ازاي عيزاها تطاوعك وتساعدك وانت جيبالها شريك

الغيرة ياتوتا خلي بالك منها

بصي ياتوتا انا سبب تعبي مع ابني الغيرة وغيرة لاعلى المستويات
وده الي دخلني المنتدى
اني كنت بدور على مواضيع عن الغيرة علشان اعرف اتعامل معاه والحمدلله والحمدلله تخطيت حجات كتير بس لسه الموضوع مخلصش معاه بس بحاول استوعبه

شكرا ليكى يا ام الحلوين على الوصفة الحلوة دى بس موضوع الليمون قالقنى شوية لانى كنت سمعت دكتور بيقول ان الطفل ماينفعش ياكل الليمون الا بعد سنتين
واحنا رحنا للدكتور وصف له لبوس تانى دعواتكم

حبيبه قلبي مش عايزاك تقلقي انا استخدمته للولدين
3 سنين وعشر شهور
كمان انا استخدمت ادويه ولبوس وزهقت
وانا الوصفه خدتها من دكتور وجربتها وبعدين الكلام في ايه يصح وميصحش كتير وانا بقلك على حاجه جربتها ولاني حسيت بمعاناه ابني قلتهالكم

ربنا يخليكي يا توتا يا قطقوطه على الجمال دا كللو
واحب استفسر من كل ام عملت ايه علشان ابنها ميحسش بغيره من المولود الجديد ؟؟؟؟
يا ريت الاقي اقطراحات كتيره
وخصوا لو جالو توينز اخوات يا ترى ايه اللي ممكن يتعمل علشان ميكنش هناك غيره ويكون سعيد ومبسوط
تاني حاجه ازاي احببو في المدرسه وفي الصحيان بدري ؟؟؟؟

يا حبيبه قلبي يا ندوده ابداً لا شكر علي واجب اكيييد اكتر حاجه شغلانه هي ولادنا ...،،،،

ع فكره هناديك ندوده لان في معانا برده " ندي أحمد " اوووك تومام ...،،،

ام هيثم اقصد " أم الحلوين" هههههههه ...^^^ شكلي هثبتها عليك ..،،،

اه من الغيره اووووووه الغيره

بس انا من وجهه نظري الغيره درجات ولا ايه رايكم يعني!!!!

الغيره دي برده مترتبه علي الام والاب ولو وجهه نظري مختلفه عنكم منتظره ارائكم ...،،،،


بمعني لو حسسه الطفل انه فيه حاجه عن اخوه لازم هيحس بالغيره ولا ايه ..،،،

بصوا يا جماعة أسألوني انا عن الغيرة لأن عندي أربع أطفال صغار ما شاء الله
اهم حاجة في الموضوع أوعي تضربي اي طفل عشان الغيرة
ده ممكن يسبب عقدة للطفل ويحس ان امه مش بتحبه
ممكن تحسسي الطفل انك زعلانة منه بسبب انه مثلا ضرب اخوه
ولما ييجي يطلب منك طلب قوليلوا لأ علشان انت عملت كده ودا غلط وانا زعلانة منك
وحسسية انك لما بتزعلي من شيء بيبقى دي حاجة كبيرة علشان بعد كده يعمل حساب زعلك وما يحاولش يزعلك * ودةه طبعا ما بيحصلش لانهم على طول بنلاقي تصرفاتهم غلط ودا مافهوش حاجة بالنسبة لينا لاننا بنربيهم ومشوارنا معاهم لسة طويل

ارجوا ان تستفيدوا من كلامي

ايوة معاكِ يا ام خالد الخصان من الطرق الحلوه اللي بتجيب فايده

بس الواحد كتييير مش بيقدر يمسك نفسه انه يخاصم ابنه او بنته قلوبنا بقي

بس الحقيقه طريقه ممتازه طريقه الخصام للعقاب عشان يعرف حدود غلطه ...

وفعلا دي طريقه من طرق الحد من الغيره

فينكم يا حلوووين طلوا علينا وقولوا لنا بعض من ارائكم ...

تحيااااااتي

مساء الخير عليكم كلكم اية اخباركم اية بتتكلموا عن الغيرة بين الاخوات هنا فى المغرب بيعملوا اية بيجيبوا هادايا وحاجات للطفل الا بيحبها وبيقولوا لة اخوك او اختك الصغيرة جابتها لك علشان بيحبك وعملت كدة والحمد لله ما بقاش بينهم غيرة

طبعا الغيرة بين الاطفال لازم تكون موجودة بس نحاول نحبب الطفل فى اخوه او اخته من ايام الحمل مثلا نقوله فى نونو جاى لازم نحبه ونلعب معاه وطبعا الام لازم تخلة بالها ان متقضيش وقتها كله مع النونو الجديد بس لازم تراعى طفلها الاول وتحببه فى اخوه او اخته يعنى مثلا لو جابت حاجة للنونو لازم تجيب لطفلها الاول برده ولازم المعارف والاقارب يخلو بالهم برضه ميخلوش اهتمامهم بالطفل الجديد وينسوا القديم لان ده يسبب الغيرة والحقد وممكن يؤذى الطفل الاول النونو عشان احساسه انه اخد مكانه
ده راى ومش عن تجربة بصراحة لانى عندى طفل واحد

ولازم يا جماعة نعدل ما بين الاطفال كلهم مش مثلا نشترى حاجة للصغير ومنجبش للكبير على اساس انه كبير بقى ولازم يعقل ومش مهم نجيبله الوقتى لا طبعا لازم المساواة بينهم فى كل حاجة ونخلى الطفل الكبير يعلم اخواته كمان الصح ايه وينصحهم تحت اشراف ماما طبعا

ارائكم حلوه في موضوع الغيره حبيباتي وخصوصا ام الاربعه ام خالد السويس
فاطمه وهدان تسلمي انا فعلا كنت بفكر من زمان من اول خبر الحمل اني حجيب كل يوم لعبه لاسامه وفعلا حعمل كدا ان شاء الله تقريبا كل العالم بيعمل فكرة انو يجيب لعب ويقول النونو هوا اللي جابها هيا حلوه في اول مقابله بين الاطفل الاول والبيبي
بس على طول بيزهق من اللعب لان مفعولها مؤقت مهما كانت الكميه هوا لازم يكون الاهم المعامله فعلا وانو لو ضرب البيبي منضربهوش او نزعلو بس فعلا ممكن اخدو على حجري والعبو شويه واقوللو ميضربهوش حرام دا صغير خالص وبيحبك ونفسو لما يكبر يلعب معاك وكدا
انا بخليه يحط ايدو على بطني لما التوينز يتحركو وبقولو شوف فرحو ازاي لما سمعو صوت اسامه هما بيحبو اسامه جداااا وانت بتحب النونوهات ؟ فبيقولي اه الله نونو حلو ودا اللي قولتيه فعلا يا جنى ان لازم نحببو فيهوم من قبل ما يتولدو علشان لما يجي يكون فرحان ونفسو يشوف الليب كانو بيلعبو جوا هههههههههههههههههههه
توتا ماشي قولي ندوده من بقك زي السكر يا حلو انت يا حلو هههههههههههههههههههههه فينك مش بتدخولي ليييييه وحشاني

هههههههههههههههههههههه انا بقا ابني مبسوط ان في نونوهات جايه بس لما اقوللو بنات بيقول بنات لاااااااااااااااااااااااااااااااااااااااااااا وبيصرخ ههههههههههههههه عايز ولاد ههههههههههههههه شكلو حيبهدل البنات

توتا حبيبتى مفيش مشكله انا مقدره طبعا

انتى وحشانى اوى اوى .. والله مبسوطه اوى انى معاكم وخصوصا انى كنت غايبه عنكم بالمنتدى

اشكرك يا wbabyكتير على نصيحتك اكيد اعمل بيها ان شاء الله

انا برحب بندى صديقه عزيزه عليا ... وبرحب بكل العضوات اللى معانا .. وحشتنى صحبتكم .. لو تفتكروا قطه شرسه سابقا .. ههههههه

على فكره انا ليا رأى بخصوص الكحه انا بفضل لو الكحه طولت اغير الدكتور لو مفيش فايده من الدوا وتفضل الأم بالأدويه والمشروبات الدافيه كتير لحد ما تروح ربنا الشافى

وعاوزه اقول بالنسبه للأم خالد مشكلتك مع اولادك حلها العقاب بس مش بالضرب طبعا لا احرمى اللى يضرب اخوه من حاجه بيحبها او وقفيه فى ركن من اركان البيت وحيد عشان يحس بالغلط اللى عمله مره على مره هيتعلم انه يحب اخوه او اخته