كيف نربي ابنائنا ...،،،

**sondos2010** · 23-02-2009, 03:36 AM

ازيكوا يابنات انتوا واولادكم
ربنا يعينكم على تربيتهم
وانا شايفاكم بتتكلموا عن مراحل فى التربية انا تخطيتها من بدرى
لان اولادى كبروا ماشاء الله
عقبال ماتشوفوا اولادكم فى الجامعة والثانوية العامة
وبماانى اكبركم فاى واحدة تحتاج لمشورة نتاج خبرتى خلال تلك السنواااااااات
انا فى الخدمة وتحت امركم

**marwasamy mosta** · 23-02-2009, 06:08 AM

اهلا بيكوا اخواتى فى الله انا مبسوطة انى هكون معاكم وجزاها الله خير من دعتنى الى المجموعة
عندى سؤال اتمنى تفيدونى
هدير بنتى 13 سنة عاوزة تقلدنى انا وماما فى كل حاجة بمعنى امى مثلا صارمة وحازمة قوى بتيجى هدير من عندها عاوزة تعمل زيها احاول اتفاهم معها واعرفها ان جدتك دة سنها ودة طبعها تقولى انا كمان زيها لو لقتنى بحب حاجة تحبها ولو اشتكيت من الم فى جسمى فى اى مكان تانى يوم تشتكى منة خدوا عندكم كدة علطول اما تقلدنى او تقلد امى
مش عارفة اعمل معاها اية ؟؟؟؟؟؟؟؟؟؟

**_سمآت_** · 23-02-2009, 08:37 AM

اولا حابه ارحب بضيفتنا الجديده " مروه" واقولها اهلا وسهلا بك معنا حبيبتي نورتينا

وجزانا الله واياك ....

وسؤالك باذن الله هنفيدك فيه بس معنديش خلفيه كبيره اوووي بس هقولك ع اد ثقافتي البسيطه

ماشاء الله هدير في سن المراهقه وطبعا سن المراهقه بتكون فتره صعبه ع الام والبنت او الولد

الام مش عارفه تتعامل مع بنتها ازاي
والبنت عايزه تثبت وجودها

فانت تعامليها حبيبتي بالمسيسه وتشعريها دايما بحنانك وانك متعصبيش عليها ده رايي المتواضع ومش عارفه صح ولا غلط ...،،، بس ده مش عارفه حل للمشكله ولا ايه بس حبيت ادلي براي لغايه لما حبايبي يقولوا رايهم ...،،،،،
واكتر حد يفيدنا اكتر في النقطه دي طنط " سندس" ماشاء الله عندها اولادها برده في سن المراهقه

***************************

طنط سندس ازي حضرتك اخبارك ايه تنورينا دايما باطلالتك الحلوه دي علينا ....

**_سمآت_** · 23-02-2009, 08:54 AM

والله ما اخدت بالي من ضيفتنا الحلوه الجميله ووردتنا الحلوه " ورده مصريه" ولا قطه احسن

المهم نورتيييييييييينا يا احلي ورده ومعلش غلط غير مقصوود مشفتش ردك اعذريني

اخبارك ايه حبيبتي

والشكر ليك حبيبتي انك وافقتي ع الدعوه وشرفتينا

ماشاء الله اعمار اولادنا من قرب بعض
توتا برده سنتين بس و7 شهور
وكلامك مضبووط ميه الميه
الصبر ثم الصبر ثم الصبر

شكرا حبيبتي لانضمامك مره اخري ونورتينا ومتحرمناش من طلتك ولا ارائك الحلوه ,,,

لكِ سلااامي ...ــ

**_سمآت_** · 23-02-2009, 09:46 AM

حبيبتي "أم خالد"
مشكلتك
ام خالد السويس
اول مشكلة ليا هو الاستاذ** خالد **
تمللي يضرب اخته الاصغر منه سلمى
وبصراحة مش بعرف اعمل معاهم ايه*والأخر بقعد متفرجة
واخر ما بزهق بضربهم الأثنين
خالد في سنة رابعة وسلمى في سنة اولى ابتدائي
ما حدش يعرف طريقة تخليهم يبقوا كويسين مع بعض
والسلام لكن جميعا

والله يا ام خالد كان الله في عونك ده في الغالب طبع الصبيان الله يهديهم

بس عندي اقتراح انك تنبيه لو ضرب اخته هيتعاقب من شيء معين بيحبه اوووي يعني لعبه ، خروجه حلوه كده
ولو برده مفيش حل يبقي بقي مفيش الا الحبس انك تحبسيه في اوضه لوحده لمده دقيقه الي خمس دقايق حسب قوه استحماله عشان يعرف خطئه
ده رايي المتواضع وياريت اخواتنا لو عندهم راي يقولوا عليه ....

لكِ سلااامي

**_سمآت_** · 23-02-2009, 09:54 AM

أمس 11:48 PM
wbaby

عزيزتي توتا طبيعي انه ساعه وساعه
والبنت ماشاء الله هتفهمك لما تبقى ماشيه صح شجعيها ووريها قد ايه انت مبسوطه وكافئيها بحاجه مميزة
والعكس بيني انك زعلانه واعملي بتعيطي وكده لما تعملها على روحها بس لازم التدرج بالعقاب
وانت كل نص ساعه خديها الحمام وفهميها انها لو عمليتها على روحها انك هتزعلي وهتتعاقب
استخدمي فالاول الزعل
النظرات الحاده
time out
وبعد كده لو حسيت ان الموضوع دلع وداخل فعند ممكن تضربي على خفيف
وانشاء الله تعدي

ايوة فعلا يا أم هيثم كلامك مضبوووط جدا وانا والحمد لله بعمل معاها كده بس لما احس انها
هتعملها بزعقلها وعارفه ان ده غلط بس غصب عني
بس بحاول الوقتي امسك اعصابي عشان الموضوع يعدي الخير

انا كنت بقعدها ع البوتي من بدري بس مكنتش اخدت خطوه تقليعها البامبرز الا قبل ولاده اخوها
وطبعا كنت تعبانه ولوحدي والكلام ده
فاخرت تقلعيها ليه

بس دعواتكم بس انها اتم الخطوه دي بسلاااام

شكرا لكِ wbaby لاهتمامك وردك

ولكِ تحيااااتي ..،،،

**جنى 23** · 23-02-2009, 01:39 PM

السلام عليكم ورحمة الله وبركاته
ازيكم يا بنات انا سعيدة انى انضم معكم فى المجموعة الحلوة دى بس للاسف النت وحش اوى ادعولى يتحسن
ابنى احمد عنده سنة و5 شهور
تعبان انا وهو من شهر بس الكحة كانت راحت لما اعطيتة لبوس بعد كده رجعت تانى بكرراللبوس مفيش تحسن نصايحكوا ايه
كان اللبوس واصفه دكتور وهو بيرفض الدواء مش عارفة اعمل ايه ؟
دعواتكم بالشفاء
وشكرا ليكى يا توتا على دعوتك لى بالانضمام

**_سمآت_** · 23-02-2009, 04:48 PM

اهلا "جني" حبيبتي نورتييييينا ..،،،

الف سلامه عليك وعلي احمد يااااه المرض طوول اوووي يا بنتي
الف سلااامه

هو الجو متغير ولا ايه !!!

برده والله ميرو حبيبي بيكح هو توتا جامد بس بعطيهم دواء بتاع سعال بس بيطلعوا عيني
لما يخدووووه
والله ما اعرف طريقه غير انك تروحي للدكتور تاني او تروحي لدكتور تاني اصل الحكه كده تبقي طوولت اووي
ربنا يحفظه يااارب

نورتي يا عمري المجموعه ومفيش شكر ده انتي اختي ..،،،،،

والنت عندي شرحه عندي سيء بطريقه غير عاديه
بدعيلك وبدعي لنفسي ربنا يصبرنا علي ارف النت ده ..،،،،،
سلاااااااامي

**wbaby** · 23-02-2009, 05:08 PM

عزيزاتي
بالنسبه للكحه في طبيب فالتلفزيون قال وصفه جربتها مع ابني كانت كحه صعبه جدا
والحمدلله راحت تماما
ليمونه تغليها زي مهيه على النار
لحد مقشرتها تطرى تسبيها تبرد
بعدين تقطعيها وتعصريها كويس هيطلع عصير الليمون واللب الابيض كمان
مع معلقتين صغيرين جلسرين طبي متوفر بالصيدليات ورخيص

وكوب صغير عسل او نص مج
وتقلبيهم كويس
وتعطيه معلقه صغيره قبل النوم
ولما يصحى وفوسط اليوم
وربنا يشه اني عملتها لابني وليه ولزوجي والحمدلله بفضل الله الكحه خفت تماما

**_سمآت_** · 23-02-2009, 05:23 PM

والله فكره حلوه يا ام هيثم

وان شاء الله اعملها لهم وجني تعملها لابنها

بس انا اعرف ان العسل للي اقل من سنه غلط ايه رايكم .....

**ندي احمد11** · 23-02-2009, 08:20 PM

فكره حلوه المجموعه دي بس سؤال احنا هنبعت المشاكل بتاعتنا ازاي عشان انا مش عارفه ومعلش اعذروني علي جهلي

**ندي احمد11** · 23-02-2009, 08:21 PM

يعني المشاكل والكلام كله عن طريق الصفحه دي بس ولا من طريق المنتدي

**wbaby** · 23-02-2009, 08:33 PM

حبيبتي توتا انا اسفه بس انا ام محمد وهنا فالمنتدى بيقلولي ام الحلوين
مش ام هيثم

ولايهمك ياقمر
بالنسبه للعسل انا استخدمته لابني التاني 10 شهور والحمدلله محصلش حاجه
ومتقلقيش هما بيخافوا انه في حالات نادرة من الحساسيه للعسل قبل السنه

**_سمآت_** · 23-02-2009, 08:33 PM

اهلا ندي نورتينا بانضمامك لينا يا سكره

ايوة حبيبتي تتواصلي معانا من خلال كتابتك هنا

وبعدين متقوليش جهل

انت سكره

تحيااااتي ...،،،،

**_سمآت_** · 23-02-2009, 08:37 PM

انا اسفه يا ام الحلوين

وانا قولتلك يا قمر يا ام هيثم ع الحول اللي كان شغال عندي معلش ههههههههههه

كنت شايفه هيتم هيثم اعذريني غلط غير مقصود وشكرا انك نبهتيني

اصل كنت زودتها هههههههههه
بحبك في الله يا ام الحلوين
لكِ سلاااامي ....،،

وشكرا انك رديتي عليا ربنا يكرمك ...،،،،،

كيف نربي ابنائنا ...،،،

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

حول هذه المجموعة

المالك

الأعضاء (190)

تصنيفات المجموعات الاجتماعية

Latest Group Topics