اى واحدة عايزة تسال عن ماركة مكياج او شعر تتفضل ومش هاتندم0000000(الجزء الثالث)000000

**الفراولة 2** · 17-04-2008, 06:48 PM

عندي طلب عن احسن شامبو وحمام زيت وملطف للشعر المصبوغ
بس يكون احسن شي حتى لو كان غالي
وكمان سؤال ثاني انا صبغت شعري ويقولو مايصير نحط في زيت طيب اجلس كم يوم مااحط زيت علي
ولا على طول مااستخدم الزيت ارجو التوضيح

**هنودة هنانيدو** · 17-04-2008, 08:19 PM

ازيك يا توتى يا قمر

حبيبتى انا كنت سالتك قبل كدا عن حل نهائى لسواد الركب والاكواع ؟؟؟؟؟؟؟؟؟؟؟؟؟؟؟؟؟ انا لسه مستنية ردك لانى محتاجة انى اتخلص من المشكلة ديه ... ياترى اجيب كريم تقشير ولا ايه ؟؟؟؟؟؟؟؟؟

كمان انا شعرى عادى استخدم السيروم ؟؟؟؟؟ ده يخلينى استغنى عن كريم الشعر ؟؟؟؟؟؟؟؟؟

صلاحية المكيب بتكون احيانا 3 سنين ياترى القترة ديه مش بيتغير حاجة فيها ؟؟؟؟

عايزة اعرف اسعار جلوس حلو مكونش غالى اوى لانى عايزة اشترى كذا لون مختلف .. عامة مش بحب استخدام الروج فعايزة جلوس يكون بديل عن الروج

ربنا يكرمك يا احلى توتى في الدنيا ويجزيكى كل خير على مساعدتك لنا

**toty_lovey** · 17-04-2008, 09:26 PM

المشاركة الأصلية بواسطة الفراولة 2

عندي طلب عن احسن شامبو وحمام زيت وملطف للشعر المصبوغ
بس يكون احسن شي حتى لو كان غالي
وكمان سؤال ثاني انا صبغت شعري ويقولو مايصير نحط في زيت طيب اجلس كم يوم مااحط زيت علي
ولا على طول مااستخدم الزيت ارجو التوضيح

بصى يا حبيبتى بالنسبة لشعرك المصبوغ عايز عناية مكثفة
يعنى تغسلى شعرك بشامبو من ماركة كاريستاس للشعر الملون
وبعدها كوندشنر او بلسم يعنى من كاريستاس ايضا
وتعملى لة حمام كريم مرة اسبوعيا من كاريستاس
وبلاش زيوت خالص لشعرك سواء كان مصبوغ اوعادى لان اللى قولتلك عليهم دول مفعولهم رائع لو استمريتى عليهم كبرنامج لشعرك
والزيوت بتطفى لون الشعر
جففى شعرك جيداً بغد غسلة وعملة بحمام الكريم و استعينى بمستحضر Tecni Liss Control من L’Oreal للتحكم والتقليل من مظهر الشعر المجعد والمتقصف وكذلك تعزيز لمعانه ولونة. جففى الشعر خصلة خصلة بشكل ناعم جداً، خاصة عند الجذور وضعى المستحضر ووزعية على شعرك
وهاتى ايضا سيرم من كاريستاس للشعر المصبوغ وضعية فى اى وقت علية
وابتعدى عن المكواة والتمليس للشعر بقدر الامكان
بس كدة يا قمر

**toty_lovey** · 17-04-2008, 09:40 PM

المشاركة الأصلية بواسطة hhislam

ازيك يا توتى يا قمر

حبيبتى انا كنت سالتك قبل كدا عن حل نهائى لسواد الركب والاكواع ؟؟؟؟؟؟؟؟؟؟؟؟؟؟؟؟؟ انا لسه مستنية ردك لانى محتاجة انى اتخلص من المشكلة ديه ... ياترى اجيب كريم تقشير ولا ايه ؟؟؟؟؟؟؟؟؟

كمان انا شعرى عادى استخدم السيروم ؟؟؟؟؟ ده يخلينى استغنى عن كريم الشعر ؟؟؟؟؟؟؟؟؟

صلاحية المكيب بتكون احيانا 3 سنين ياترى القترة ديه مش بيتغير حاجة فيها ؟؟؟؟

عايزة اعرف اسعار جلوس حلو مكونش غالى اوى لانى عايزة اشترى كذا لون مختلف .. عامة مش بحب استخدام الروج فعايزة جلوس يكون بديل عن الروج

ربنا يكرمك يا احلى توتى في الدنيا ويجزيكى كل خير على مساعدتك لنا

بصى حبيبتى مفيش حاجة اسمهاحل نهائى لسواد الركب والاكواع بس فى حاجة اسمها صبر واستمرار على المستحضر المعالج او اى شىء بتستعملوة لازم تستنو وقت طويل عشان النتيجة تكون مرضية فهمتى يا قمر
المهم انتى ممكن تستعملى الكريم المقشر دة من كلينيك مخصص للكوع والركب وتقشيرهم\\\\

SPARKLE SKIN BODY EXFOLIATING CREAMالحل الأمثل للبقع المستعصية التي تظهر علىالكوعين والركبتين والكعبين. يحفز ويقشر الجلد القاسي ليصبح ناعماً ومتألقاً.

وممكن تستعملى المقشر دة من غيرلان\\\\

SMOOTHING EXFOLIATORتركيبة ناعمة كريمية سائلة ذات تأثير مذهل. يزيل هذا المنظف الخلايا الميتة والشوائب بلطف ليجعل البشرة طرية وناعمة وجميلة بشكل متألق.

وبعد التقشير تدهنى اى مرطب عندك وتعملى الموضوع دة 3 مرات اسبوعيا ومع الاستمرار والصبر الصبر
ان شاء اللة تلاقى تحسن واضح
والسيرم يا حبيبتى طبعا للشعر العادى ولاى شعر افضل من الكريم اكيد
وصلاحية الميكب اختلفو عليها كتير عندنا
بس انا عن نفسى لما الاقى لحاجة ريحتها وشكلها اتغير برميها من غير تردد
والجلوس ممكن تجبية من فلور مار كويسة نوعا ما ومش غالية
وافضل بورجوا او ماكس فاكتور يعنى
انضف وسعرهم كويس بس اغلى من فلور مار
وانتى وراحتك برضة
ومرسىىىىىىىىىىى للكلام الحلو بتاعك يا جميل

**reham_dreams** · 17-04-2008, 11:17 PM

ازيك يامنى ميرسى قوى ياحبيبتى على ذوقك
انا نزلت النهارده علشان اجيب الكونسيلر اللى قلتى عليه من جفنشى مالقتش ممكن تقوليلى على كذ نوع كويس ويكونوا بالترتيب من احسن واحد لأقل واحد
وكمان انا كنت سالتك على كريم اساس للاستخدام اليومى وقلتيلى جفنشى او بروجوا ممكن تكتبيلى اساميهم الاتنين

**هناء مجدى** · 17-04-2008, 11:39 PM

ازيك يا توتى اخبارك اة معلش هتعبك كنت عاوزة اعرف كريم ويلا للشعر اسمة اة بالضبط لانى سالت علية فى الصيدلية قالو ان مفيش كريم اسمة ويلا كنت عاوزة اعرف اسمة وماركتة ومنين اجيبة وسعرة

**دوللى 80** · 17-04-2008, 11:56 PM

حبيبتى مونى

ياترى هل المنتجات دى كويسة للعناية اليومية انا عمرى 27 وبشرتى مختلطة ياريت تفيدينى .

**toty_lovey** · 18-04-2008, 12:37 AM

المشاركة الأصلية بواسطة دوللى 80

حبيبتى مونى

ياترى هل المنتجات دى كويسة للعناية اليومية انا عمرى 27 وبشرتى مختلطة ياريت تفيدينى .

هى المستحضرات دى حلوة جدا بس مش ليكى
لاقل من22او23س
انتى استعملى الروتين بتاع كلارنس او كلينيك

**toty_lovey** · 18-04-2008, 12:52 AM

بصى يا قمر جفنشى ممكن تلاقية فى محلات فورتشن
انا هاقولك على بورجوا كريم اساس تحفة
بس ممكن تنتظرى ثوانى

**toty_lovey** · 18-04-2008, 12:59 AM

المشاركة الأصلية بواسطة reham_dreams

ازيك يامنى ميرسى قوى ياحبيبتى على ذوقك
انا نزلت النهارده علشان اجيب الكونسيلر اللى قلتى عليه من جفنشى مالقتش ممكن تقوليلى على كذ نوع كويس ويكونوا بالترتيب من احسن واحد لأقل واحد
وكمان انا كنت سالتك على كريم اساس للاستخدام اليومى وقلتيلى جفنشى او بروجوا ممكن تكتبيلى اساميهم الاتنين

بصى حبيبى بالنسبة لكريم الاساس من بورجوا للاستخدام اليومى اسمة\\\\\ ودة رائع جدا للبشرة وخفيف

ودى درجاتة\\\\\

rose clair 72

beige clair 73

beige 74

abricoté 75

rose 76

والكونسلر فى دة من ايستى لودر\\\\\\
LUCIDITY CONCEALERمصحح عاكس للضوء مع عامل وقاية 8قلم رشيق يخفف من مظهر الشوائب من خلال عكس الضوء. ينعم من مظهر الهالات التي تحت العين والشوائب.

ودة من لانكستر\\\\
LIGHT ENHANCING CONCEALERمصحح كريميمصحح لما تحت العين بتركيبة كريمية ملونة تخفي الهالات الداكنة وغيرها من العيوب التي تحيط بالعين طوال اليوم. تركيبة غنية مريحة لمنطقة العين الحساسة.

ودة من لانكوم\\\\

EFFACERNES LONGUE TENUEمصحح منعم ويدوميخفي الخطوط الدقيقة ويخفف من الظلال المحيطة بالعينين من أجل نتائج متناغمة تدوم. مادة ناعمة غنية بالنشاء والبابونج تعطي بشرتك إحساساً فورياً بالصحة.

ودة من ايف سان لوران

ANTI-CERNESمصحح متعدد الفعاليةتغطية ذكية. إصبع برأس منحني من أجل سهولة الاستخدام. منتج لين لطيف مناسب للبشرة التي تحيط بالعيون متميز بالأصباغ التي تخفي الشوائب.

اختارى اللى يعجبك فيهم وكلهم احسن من بعض لدرجة انى ااحترت اضع انهى فيهم الاول فوضعتهم مرة واحدة

**kind_heart2008** · 18-04-2008, 01:35 AM

شكرا ياتوتي للمرة المليون على مجهوداتك ومساعدتك لنا ربنا يجزيكي كل خير

كنت عايزة اسالك على مكياج عين مناسب ليا (مش الماركة) اصل انا جفني بارز وبحس انه مش بيليق عليا الاي شادو
فياريت تقوليلي اعمل مكياج عين ازاي وازاي اداري العيب ده؟

**هناء مجدى** · 18-04-2008, 02:12 AM

ممكن تقوللى صيدلية العزبى فين بالضبط ممكن يكون فيها السيروم ولا ممكن يكون فىاى صيدلية وكريم ويلا فى نفس الصيدلية ولا ممكن يكون فى كارفور0

**الرااااااااجية** · 18-04-2008, 03:57 AM

ارجو منكـ مساعدتي ياغالية
هذا موضوعي
هنا

**barbie 555** · 18-04-2008, 10:43 AM

عاوزه رد ضرورى

لو سمحتى انا بيضه وبشرتى دهنيه وعندى حبوب وبقع بسيطه وسواد تحت العين عاوزه حل لمشاكلى دى يعنى افضل كريم اساس و كونسيلر معلشى عاوزه اخد رايك بكريم الاساس من برجواز

**toty_lovey** · 18-04-2008, 02:28 PM

المشاركة الأصلية بواسطة هناء مجدى

ممكن تقوللى صيدلية العزبى فين بالضبط ممكن يكون فيها السيروم ولا ممكن يكون فىاى صيدلية وكريم ويلا فى نفس الصيدلية ولا ممكن يكون فى كارفور0

بصى يا قمر انا فى اسكندرية والعزبى عندنا فى محطة مصر ومحطة سيدى جابر وسموحة فى جرين بلازا
وممكن تلاقى فيها الكريم او فى اى محل تجميل فى كارفور او مول سان ستيفانو او رشدى

اى واحدة عايزة تسال عن ماركة مكياج او شعر تتفضل ومش هاتندم0000000(الجزء الثالث)000000

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق