اى واحدة عايزة تسال عن ماركة مكياج او شعر تتفضل ومش هاتندم0000000(الجزء الثالث)000000

بصى حبيبتى الروتين عبارة عن الغسول لتنظيف البشرة من كلارنس والتونيك تمسحى بية بشرتك بقطنة مبللة بة لقبض المسامات واغلاقها ودول ب320ج
وكريم النهار تضعية بعد التونيك عادى وتدلكية بحركة دائرية لتتشربة بشرتك ودة حوالى ب215ج
وكريم الليل قبل ماتنامى زى كريم النهار تضعية بعد الغسول والتونيك
وكريم العين تضعية صباحا ومساءا حول العين بطريقة التربيت وليس التدليك ودة ب140ج
واستعملى الاسكراب اللى هى السنفرة للبشرة مرة اسبوعيا لتجديد الخلايا ببشرتك
يارب اكون قدرت افهمك يا قمر

بصى حبيبى برفانات افون كويسة والغالى منها كمان افضل من الرخيص فيها

والبودرة دى مش حلوة للبشرة فى طبعا احلى منها بكتييييييير اوى

وكريم الشعر ممكن تستخدمى بالمرز الامريكى حوالى ب28ج وهاتية الابيض اللى بجوز الهند هو كويس نوعا ما يعنى للشعر الجاف وبيلمعة
مع انى افضل ويلا اللى قولتلك علية و لوريال انضف
بس براحتك حبيبتى

واللة يا جميل هو بانتين مش وحش بس فى افضل منة
ولكن لو هو كويس على شعرك يبقى استمرى علية لانة كماركة مش وحشة يعنى شغالة
بس انصحك تغيرى الشامبو بتاعك كل فترة لصحة الشعر

شكرا يا توتى على ردك وجزاكى الله خيراا

مشكورة اختي توتي لوفي على مساعدتك للبنات

ماتتصوريش اد ايه انا مبسوطه جدااا انى لقيت المنتدى بتاعك فعلا خطير جدااا انا باشكرك على المجهود الرائع والمعلومات اللى بتحطيها يامنى انا مصريه واسكندرانيه بس عايشه فى دبى وحاولت من فتره انى اشترى مكياج وبرنامج عنايه للبشره بس توهت من كتر الماركات الموجوده عندى من اقل حاجه لأغلى حاجه وحاولت ابحث على النت وطبعا كانت مشكله بسبب اختلاف الأراء الا فى بعض حاجات كانت برأى جميع السيدات ولما لقيت الموقع ده استفدت كتير قوى وقلت اخيرا هاقدر اشترى اى حاجه وانا ضمناها واتكلم مع حد عنده خبره زيك انا امبارح اكتشفت المنتدى بتاعك وسهرت لغايه الساعه 3 الصبح علشان اقرا الثلاث اجزاء والنهارده حاولت انى برده اقراهم تانى علشان ماطولش عليكى واتعبك فى اسئله انتى جاوبتى عليها قبل كده وانا عندى اسئله كتير ليكى بس هاحاول اسالهم على فترات علشان ماضيقيش
انا عندى 30 سنه ولونى عادى ولا ابيض ولا اسمر بس احيانا باسمر من الشمس هنا لانها جامده جداا وبشرتى عاديه مع وجود هالات سودا لانى عندى بيبى عنده 7 شهور ومش بانام كويس وكنت عايزه اشترى برنامج للعنايه اليوميه للبشره واعتقد من قرايتى لموقعك انه اللى هيناسبنى انتى كتبتيه فى الجزء التانى فى الصفحه 27 او 28 مش فاكره بالظبط بس عايزه اتأكد منك فعلا هو ده اللى يناسبنى وكنت عايزه اسال برده على مجموعه نيفيا انا نزلت النهارده علشان اشتريها مؤقتا ولقيت بالنسبه لكريم الصباح والليلى وكريم العنايه بالعين فى منتج من نيفيا اسمه
Q10plus
هوكريم مرطب ومقاوم للتجاعيد يعتبر كويس ليا ولا اجيب من العادى ؟
وفعلا المجموعه اللى انتى ذكرتيها فى الصفحه 27 و 26 من كلارنس وكلينيك هى مناسبه ليا ولا فى حاجه تانيه
دى بس اسألتى مؤقتا لغايه ماقرا كويس تانى كل اللى كتبتيه واكمل معاكى جميع خطوات الماكياج لانه كمان مغرررررررررررى جدا هنا
واشكرك واسفه اذا كنت هاتعبك

مشكورة اختي توتي لوفي على مجهودك الرائع
انا عندي سؤال وهو ان بشرة اختي جافة و بتقشر وكل ما تحط كريم اساس بشرتها تتقشر
وهي عاوزة كريم اساس يناسبها ويخفي العيوب وسعره مناسب وهل ماركة ميبيلاين يناسبها
ياريت تحطيلي الصورة والسعر وتقبلي احترامي

تعبك راحة يا عيونى
انا تحت امرك يا قمر
وفعلا ص27 من الجزء التانى فيها الروتين المناسب لكى للبشرة العاديةهنا للتاكيد\\\\\http://www.lakii.com/vb/showthread.php?t=420335&page=27

وبلاش نيفيا فيزاج ليكى لانة للصبايا افضل اقل من 22سنة
والصفحة فيها كونسلر للهالات من جفنشى يوضع مع الميكب
اما لو عايزة علاج ليها دة كريم من ايستى لودر لتخفيفها واشراق المنطقة \\\\\

WHITELIGHT EX EXTRA BRIGHTENING EYE CREME SPF 15يضفي إشراقاً فورياً على منطقة العين بالكاملتركيبة منعشة ومرطبة وحريرية تزيد من إشراق منطقة العين إلى 70% ويزيد من الترطيب إلى 69%.

اوكىىىىىىىىىىى يا جميل
وانا فى انتظار استفساراتك

انا متشكره على ردك السريع عايزه اسأل بس لكريم ايستى لودر كام مره فى اليوم
وبالنسبه لكريم نيفيا اللى باسأل عليه هو مكتوب عليه مرطب ومقاوم للتجاعيد ودى صورته
ده كريم الصباح وفى منه الليلى وفى منه للعين

ايه رأيك فيه
ومعلش حابه اسالك على كريم الاساس جوزى كان جايبلى ديور البخاخ بس حاسه انه خفيف مش عارفه ايه رايك فيه ولو حابه انى استخدم كريم اساس تانى تنصحينى برده باسيتى لودر اللى انتى قايله عليه فى صفحع 27 ولا فى كريم اساس احلى من ديور مثلا اى اى ماركه تانيه عايزه كريم اساس يبين بشرتى صافيه وناعمه ويكون رائع فاهمانى يعنى حسب ماقريت فى مواقع كتير ان ديور من احسن الشركات اللى بتنزل كريم للاساس ايه رايك وبتنصحينى بانى نوع من ديور او اى ماركه
وبرده نوع كريم اساس يكون كويس وللاستحدام اليومى ومش غالى قوى لانى بانزل كل يوم ينفع استخدم مايبىلاين اللى انتى قايله عليه ولا فى حاجه تانيه يكون كويسه جدا وسعرها معقول
وانا عارفه انى هاتعبك باسئلتى لانى عايزه اعرف كل حاجه عن الميكب وبالتفصيل
وشكرا

معلش وانا باقرا تانى مواضيعك لاقيتك كاتبه عن كريم اساس من ديور
dior skin pure light
ده احسن ولا ايستى لادور او نوع تانى
وايه رايك فى مايبلاين للايتخدام اليومى او تنصحينى بحاجه تانيه استخدمها كل يوم وبرده تبين بشرتى صافيه
انا خايفه لاكون باضايقك

بصى حبيبى كريم ايستى لودر مرة يوميا
وكريم نيفيا دة كويس بس افضل ليكى المجموعة اللى قولتلك عليها
وكريم اساس ديور طالبخاخ طبعا تحفة يا حبيبتى وخفيف ومغطى للبشرة
وايستى لودر برضة حلو جدا
وللاستخدام اليومى ممكن تستخدمى من ماركة جفنشى او بورجوا وممكن ميبلين كويس اوى برضة
اوكىىىىىىىىىى حبيبى

ميرسى جدااا انا معجبه بيكى جدا من قبل ماشوفك وانشاء الله اول مانزل اسكندريه نفسى اشوفك
ممكن تقوليلى اسم كريم الاساس بتاع جيفنشى ايه
ولو فى كريمات اساس بلمعه ومضيئه للوجه ممكن تقوليلى عليها انتى كنتى كاتبه ا\
dior skin pure light
ومن جفنشى
givennchy skin tonic
ايه رايك انى احسن ولو فى حاجه تانيه قوليلى عليها بالنسبه للكريمات اللى فيها لمعه ومضيئه وكفايه جدا كده النهارده لانى اكدي ضايقتك

حبيبتى انا عندى 38 سنة وبدات تظهر بعض التجاعيد الخفيفة حول العين اشترى كريم ايه لازالتها واجيبة منين انا عايشة فى الاسكندرية وكمان فى سؤال معلشى هتعبك معايا انا سمعت عن كريم باراشوت وزيت باراشوت فجبتهم بس مش عارفة استخدمهم ازاى .وشكرا على تعبك

ماتقوليش ضايقتينى حبيبة قلبى انتى شرفتينى واسعدتينى لثقتك فيا يا قمر
المهمdior skin pure light كويس جدا جدا وروعة للبشرة ويعطى ضى خفيف واضاءة للبشرة عجيب 0
وانا تحت امرك يا جمييييييل

بصى يا قمر باراشوت دة اصلا مش عندنا وماعرفش بيستعمل زاى ممكن تسالى صيدلية وهو اصلا مش حلو اوى للشعر
وللتجاعيد والخطوط حول العين فى كريمات للموضوع دة والتخفيف منها زى دة من ايستى لودر\\\\\
RE-NUTRIV INTENSIVE LIFTING EYE CREMEكريم فريد لمنطقة العينيشد منطقة العين ويضفي عليها مظهراً أكثر شباباً وتألقاً. يخفف من ظهور الخطوط الدقيقة والتجاعيد حول العينين. يخفف من الهالات الداكنة ويقلص من ظهورها مرة ثانية.


ودة مصل او سيرم للعين من غيرلان\\\\\\
EYESERUMAnti-wrinkle eye-contour fluidيقوم هذا المصل الذي يمتاز بخصائص مقاومة للتجاعيد ولعلامات التقدم بالعمر بتنعيم البشرة وترطيبها ليمنح عينيك تألقاً وشباباً يدوم طويلاً.


ودة كريم من لانكستر\\\\
SURACTIF EXCELLENCE EYE LIFTING REVITALIZERشباب رائع، تجديد كامل للبشرة الناضجةأقوى كريم مقاوم لعلامات التقدم في العمر لمنطقة العين يجمع بين التقنيات الخاصة والمواد النفيسة والفعالة + فعاليتين قويتين خاصتين: فعالية لتفتيح البشرة ومقاومة التنفخ بالإضافة إلى فعالية مزيلة للسموم. تركيز قوي من مركب الرتينول 2 ومركب خاص مقاوم لعلامات التقدم في العمر.

اختارى واحد منهم وكلهم اروع منم بعض وانا قولتلك كذا مستحضر عشان تقدرى تلاقى واحد منهم لو مالقتيش واحد
وممكن تجديهم فى كارفور او مول سان ستيفانو او صيدلية العزبى
اوكىىىىى يا قمراية