كورس الثوم والجرجير راح يوصلني لبيت اهلي النجددددددددده

مرحبا غالياتي

يا حبيبتي هموم الليالي :
1- بالنسبة لمدة الكورس فهي تقريبا شهر يعني تحطين الخلطة كل 3 ايام وهي عباره عن خمس مرات بس
2- بالنسبه للخلطة تضربين الثوم مع الجرجير اللي ناكله عادي وحتى النعناع كله فريش بس الحبه لازم تصير بودره وبعدين تضيفينها على الثوم بس انا ما ادري اهي تحط ماي مع الخلطه والا لا لانه مو من صالحها تقولك ايش تحط بس انا اسمعها تقول للشغالات حطي ثوم مع حلبه او ثوم مع جرجير وكانت انواع الخلطات اللي جربتها اهي :
- ثوم خالص بالبدايه
- ثوم مع يقدونس
- ثوم مع نعناع
- ثوم مع جزر
وهذي اللي ما جربتها
- وفي ثوم مع بقل (كراث)
-وفي ثوم مع بصل
وما ادري ايش راح يكون اخر نوع
بس الثوم مع الحلبه اذا كان شعرك مو ناعم لانه تنعم الشعر
ولا تستخدمين البخار لانه الثوم حار جدا على فروة الشعر فلا تحرقينها بالبخار
ثالثا : تحطين الخلطه فوق راسك لمدة نص ساعه بس وانتي تحطين الخلطه على راسك حاولي اتسوين مساج لفروة الراس علشان تتحرك الدوره الدمويه وبالتالي تستفيدين اكثر
رابعا : بالنسبة لرأي بالكورس والله يا اختي فرق علي شعري وايد اولا واهم شيئ بطل يتساقط بنسبه كبيره وطال ولله الحمد
وراح ابدأ بعد هذا الكورس كورس التطويل وراح ابلغك عنه بعد
انشاءالله وصلت لك المطلوب وانتي تامرين امر واي شيئ انا مستعده لا تترددين

اناناسه مفقوسه يا سلام عليك لا انتي بمفقوصه ولا شيئ الا مورده ومنتفخه وتهبلين
والله مثل ما قلتي فوط من الميره وايد عليهم
بس بالنسبه للصالون يا حبيبتي انا مضطره اروح تدرين ليش اولا لانه ما عندي وقت ابدا اخلط واعجن واحط على راسي انا هبابي ارد من الدوام مفتر راسي وانتي شايفه اشلون الجو هالايام فابي وحده تسوي لي الخلطه وتحطها وتدلكني وتهمزني وياريت عنهم فرش علشان انام بعد لاني خلاص اسيح عندهم واخدر ابي انام بس وبعدين تغسل شعري يعني ابي احد يريحيني يا حبيبتي عرفتي ليش هذا اهو السبب لانني امرأة عاملة اكدح طول النهار لين الساعه 2ونص
وبعدين مثل ما قلتي بالنسبه لكرستاس الشامبو والعده هذي انطر بس المعاش ينزل وووووورررر عليهم بس خلاص لازم اعتني بنفسي والا اصير هوله ولله الحمد
ونسيت اخبرك ترى انا جربت شيئ جديد تبين تعرفين عنه شيئ ولا في الاحلام
انطر ردك.

يالله حبيبتي قولي شنو عندك انا توني واصلة من السفر وعلى طول فتحت الجهاز ابي اعرف شنو الجديد ...........؟؟؟؟؟؟؟؟؟؟

مرحبا بنات شلونج ورد الصبا واناناسة مفقوسة واللة ونستونى بسوالفكم جنى قاعدة وياكم وعندى كم اضافة بقولها لكم بالنسبة للفاشكول انا لقيتة بمكان واحد بالكويت بس ما ادرى هو الاصلى ولا لا انا شريت اللى بالثوم فضيع للنعومة يعنى اللى شعرها ناعم خلقة بس تعبان من الصبغات فضيع لة بس للاسف مابين نعومتة على بنتى لان شعرها خشن خلقة وبالنسبة للكرستاس ماعلية كلام اشترية ونتى مغمضمة بس مثل ما قالت اناناسة يبيلة مبلغ وقدرة بس ماقلتيلى ورد الصبا كم الفترة اللى طال فيها شعرج وكم سانتى طال تقريبا باى باى غثيتج بكثر سوالفى

حبيبتي اذا قصدك فاشكول اللي لونه ابيض تري مو هذا المقصود حتي انا توهقت وشريته حلو بس مو مثل فاشكول اللي لونه بنفسجي وغطاه بنفسجي انا شريته من البحرين فظييييييييييييييييييييع لدرجة ما تتصورينها نتيفة بس وتخلي شعرك حرييييييييييييير وايد حلو انصحك فيه انا لو اعرف احط الصور كنت حطيت لك صورته بس المسامحة على قولة البحرينيين ههههههههههههههههههه على فكرة انا من كثر ما سمعت عنه قلت الا اشتريه وكل المنتديات تتكلم عنه انصحك تشترينه وهو موجود بكل الجمعيات اللي بالبحرين وعند نزيه

هلا واللة اناناسة وانا مستانسة على بالى لقيتة من كثر مدح البنات فية ما ركزت ان اللون يختلف عاد تصدقين زوجى واخوى توهم من شهر بس جايين من البحرين حسافة لو كنت ادرى كان قلتلهم يجيبون لى كمية يلة خيرها بغيرها بس تهقين اناناسة ينعم شعر بناتى لانهم ياعمرى شعرهم خشن حيل وكل شى جربتة عليهم خصوصا الصغيرة متعقدة من شعرها محتارة ما ادرى شسوى جاوبينى اناناسة اذا ينعم شعرهم اودى ابوهم يجيب لهم ومشكورة حبيبتى على الافادة

هاااا طحت عليكم من وراي تتفقون

مرحبا اختي الهنوف اشلونك اختى بالنسبة لشعري فهو طال يعني كذا سانتي بس ما قسته بصراحه ولعلمك كورس الثوم يخشن الشعر ويخفف لمعته وهذا مثل قالته الحلاقه لانه بعدين راح اخذ كورس التطويل والتلميع وطبعا انا مستانسه لانه شعري صار جني مسويه له بيرم منتفش وايد حلو لاني كنت اعاني من نعومة شعري اللي مللتني ما اسوي تسريحه الا نامت
المهم هذا اللي اسمه الفاشكول ما تلقونه عند الحواج انا عمري ما سمعت عنه بس راح اتقصى عنه وادوره واذا لقيته راح اخبركم عنه لا تحاتون
ويا حبيبتي الهنوف والله انا هذا الصالون اللي اروح له اشوف بنات يجون لها علشان تنعيم الشعر فتحط موز ومرات اشياء وايد وما اقدر كل مره اتليقف واسألها بس انتي جربي ومره شفت وحده جايبه بنتها عمرها يمكن خمس سنوات وشعرها مو ناعم وما ادري شنو اللي حطته لها علشان ينعم بس لازم من التكرار علشان النتيجه
ويا هلاااااااااااااا اناناسه مفقوصه الحمدلله على السلامه انا اقول وينها هالايام لا حس ولا خبر
على العموم الحمدلله على السلامه
اختي اللي كنت ابي اقوله لك خبر ماله علاقه بالثوم والبدقونس خبر له علاقه بالجسممممم




انا يا حبيبتي رحت لمنتج خاص بالمساح واللللللللللللللللللخ انهو ررررررررررروعه ما اقدر اوصفه لك شيئ خيالي وايهبل وارح اذبحك اذا قلتيلي ايه اعرفه مثل سالفة الصالون وانا وي وجهى خابه روحي اقولك عنه
هذا المنتجع اسمه SPA اذا سامعه عنه يسوي جلسات مساج شيئ مو طبيعي الهدوء والاضاءات الخافته والشمع بكل مكان وشيئ شيئ
هاااااااااا اعجبك الموضوع اكما والا لا والل يا خوفي انك تعرفيه بس حق التفشل انا رازه ويهي بعد انا ماني مكمله الا لما تردين علي

يالله انطر الرد
باي

لا رزت ويه ولا شيء عادي هالمرة صج ما اعرفه بس انا ما احب احد يمرس فيني تدرين الحيا مقطعني .... هههههههههههه على العموم بالنسبة للاخت اللي تسأل عن الفاشكول واذا ينعم بصراحة حلو بس اذا بنتك شعرها خشن اكو منتجات للشعر من ماركة اسمها KMS روعة اخذي FLAT OUT RELAXING CREME فظيع بعد ما تغسلين شعرها حطي اشوية وفركي الشعر واشتسوري شعرها واذا تبين لمعه حطي السيريم من نفس الماركة ... على فكرة هذا مفعولة مثل التمليس بس من تغسلين الشعر يروح يعني تأثيرة على الشعرة حلو بالاستشوار
وهذي الماركة هم مو موجودة بالكويت وانا اخذها من البحرين مجمع السيف او السعودية المجمعات الكبيرة .... عاد اذا لقيتيها بالكويت قولي لي وين علشان انا محتاجتها بعد
ونفس الماركة اكو لها حبوب لتقوية الاظافر والشعر بس ما استعملتها لاكن اسمع الناس تمدح فيها
وسامحيني على القصور

الصراحة سوالفكم توسع الصدر .

الشهلاء حبيبتي سولفي معانا شاركينا يالغالية ... اذا عندك شيء لا تخلين واذا ما عندك هم عادي المهم القلوب صافية

لالالالالاللاالالالالاا لاتسشورينه ترى والله يزيد الطين بلة

مرحبتين كبار كبر التنكر على القار شلونكم بنات ورد الصبا واناناسة حلوة شخباركم واللة سوالفكم ماتنمل بس الواحد هالايام مو فاضى يحك راسة قاعدة اغير اثاث البيت عقبالكم وبالنسبة للفاشكولالاصلى ورد الصبا لا دورين ما خليت عطار بالكويت ما دورت عندة ومشكورة ياعمرى على المساعدة بالنسبة للصالون بنت مو قادرة عليها بالبيت شلون بالصالون وترى هى صغيرة 5سنوات مهما كلمت فيها ماكو فايدة عكس اختها الثانية يا حياتى اقتنعت ان هاذى طبيعة شعرها وصارت ترضى انى اسويلها خلطات طبيعية ادرى بتقولون قاعدة تكتب قصة حياتها بس واللة من حرتى شسوى اناناسة حلوة حرام اسمج مفقوسة وانت بخفة الدم هاذى قولى لى اذا حصلت ياعمرى الماركة اللى تقولين بالكويت عشان انا كنت استخدم لها ماركة كرستاس بس غالية حيل وما طول بسرعة تخلص على بناتى

كرستاس حلوة بس اذا شعرها جعد يبيلها شيء قوي وبعدين لا تنسين انها صغيرة يعني بتعرق وبتقوم الكشة [Automated by GetSmile]بس ماركة KMS روعه لها بس هم لازم سشوار .... تبين الصج انا دورت ودورت
وافتريت الديرة كلها ولا لقيت الفاشكول اللي البنات يتكلمون عنه الا لما شفت صورته وتأكدت اني ماراح الاقيه بالكويت لان لونه بنفسجي واللي انا شريته ابيض ولما زرت البحرين وانا احوس بمجمع جيان بالجمعية ولا مكود عندهم وين ما تروحين تلاقينه وماركة KMS هم لقيتها بمجمع السيف جدام عيني بس تبين الصج الفاشكول لا يعلي عليه عاد استانست يوم اني شريته
ومشكورين على المدح وااااااااايد استانست
اختكم اناناسه مفقوصة [

هلا وغلا فيكم كلكم باركولييييييييييييييييي الحمدلله على السلامه راحت الريحه بس مو وايد بس خفت لاني خلصت الكورس وافتكيييييييييت مت من الريحه والخياس ولا صادف الايام اللي طافت رطوووووبه على الاخر ما يسوى على اشوف احد يتلفت وعافس وجهه يتروالي شام ريحة شعري وانا بالدوام بس ارش رش من ماي الورد حول مكتبي
يالله كلكم ما قصرتوا معاي وكافي طلتكم علي اللي تشرح الصدر
تحياتي لكم واركم في الكورس المقبل الخاص بالتطويل

انا دايما بعد ما اغسل شعري ابخره وكل ما كان البخور قوي وريحته تظل وما تروح بسرعة كل ما كان احسن

وشصار على جلسات المساج ....؟؟؟؟؟؟؟؟؟؟؟؟؟؟ طااااااف..!!!!!!