كورس الثوم والجرجير راح يوصلني لبيت اهلي النجددددددددده

**شهلاء** · 05-08-2003, 01:24 PM

الله يعينك ويساعدك الصراحة موقف لا تحسدين عليه,

الصراحة ما عندي حل بس حبيت ادعيلك.

**ورد الصبا** · 05-08-2003, 01:59 PM

تسلمين لي يا اختي الغاليه على مواساتك لي
بس ارد واقول
Helllllllllllllllllllllllllllp
sid

الزنبق* · 05-08-2003, 02:01 PM

الله يعينك دوامي على الأستحمام الى ان تشوفين الريحه راحت والبيت بخريه 24 ساعه

والله انا لو ايش يصير ما اقرب لثوم لا في اكل ولا في شعر.

**ورد الصبا** · 05-08-2003, 02:07 PM

المصيبه اني كل ما تحممت تزززززززززززيد وتصير اوحش بالمره وبالنسبه للبخور انا على طول اولع الشمع اه قبل ما يولعون فيني
ما قصرتي على التواصل
يا اختي
ودمتم

**أم يارا** · 05-08-2003, 06:19 PM

يقولون التبخر بالمستكة يشفط الروايح ,,,,,,,,

جربي .........

**بشوره الأموره** · 05-08-2003, 09:22 PM

حطي فحم في البيت بس يكون فحم خشب مو أي فحم لأن فحم الخشب معروف إنو يشفط الروائح مثلا أنا ماما حطتو في البيت لمن انصبغ بوية وكانت تفتح الشبابيك شوية وتقفلها والريحة ولا حسينا فيها حتى البويجي صار يقول لبابا إنتو إيش سويتو علشان مايصير فيه ريحه أنا جايب بويه ريحتها مافي أقوى منها ؟؟؟؟

**om deema** · 05-08-2003, 11:58 PM

عزيزتي ورد الصبا... جربي حنة الشعر مع اضافة ملعقة خل لها. ضعيها لمدة ساعتين و اشطفيها بعد ذلك بشامبو ذو رائحة حلوة ( هيربال ايسانس ) مثلا و ستزول رائحة الثوم باذن الله.

**ضوءالقمر** · 06-08-2003, 05:49 AM

مسكينه والله انا جربت هل الوصفة وتعبت كتير من ريحتها
ممكن تكتبي لي الكورس كيف شو بتحطي فيه
وكم الوقت وكل اديش
وتسلمي

**حورية الارض** · 06-08-2003, 08:07 AM

احسن شي قولي للكوافيره تسويلك خلطه ريحتها حلوة، وكل شوي حطي بخور (في البيت) واستني الانتيجه وتفاهمي مع زوجك..

**ورد الصبا** · 06-08-2003, 08:52 AM

تسلمون لي على النصائح ولكن

**اختي أم يارا تسلمين على الرد بس المستكه اشبها مثل البخور ؟

**الغاليه بشوره الاموره اولع الفحم والا لا لانه عندي فحم الخشب بس ما ادري اولعه ؟

**عزيزتي ام ديما لا يمكن لايمكن وضع الحنه حاليا لانها راح اتخرب علي كل اللي سويته وفعلا الحلاقه قالت لي ان الحنه اهيا اللي تقدر تروح الريحه بس بعد ما انتهي من كورس الثوم واللي باقي لي جلستين بإذن الله وتسلمين

**اختي الغاليه ضوء القمر اتصدقين اني واصلت الكورس لاني شفت نتيجه مذهله علشان جذيه واصلت الكورس أولا بطل شعري يتساقط وبسرعه طال وهذا بس من ثالث مره والكورس عباره عن :

1- أول مره تحطين ثوم خالص بس ثوم وتضربينه بالخلاط بس اختي اهو شكله صاير مثل الروب يعني ما ني عارفه اشلون وصلته للحاله هذي المهم انتي حاولي بس للعلم للعلم راح تنسلخ فروة راسك من الحراره لانه يعمل على تنشيط الدوره الدمويه فيها وبعدين لازم المساج لفروة الرس لازم بعد ما تضعين الخلطه.
2- ثوم وجرجير بالخلاط انا اشوفه تجيبه مثل الصلصه بس للعلم تراها ما تحط زيوت لانه تقول انها تخرب مفعول الثوم ونفس الشيئ مساج للفروه
3-ثوم ونعناع
4-ثوم وبودرة الحلبه
5- ثوم وبصلsid sid sid
ملاحظة :
-- يجب عمل مساج للفروة في كل مره
-- احذري الجلوس تحت جهاز البخار لانه اساسا فروة راسك حاره راح تصير
-- في حالة عدم وجود جرجير او نعناع تستطيعين وضع البقدونس
-- في كل مره تحطين الخلطة تنتظرين نص ساعه
والله يا اختي الغاليه لاني وجدت نتيجة طيبه تشجعت اكمل الكورس
وبعد هذا الكورس راح اتوريك الشعر الصغير اللي راح ينبت بإذن الله وبعدها تبدأ بكورس التطويل بس لاني ما بدأت بكورس التطويل ما اقدر اساعدك فيه الا بعد ما اجربه واهو بعد اسبوعين بإذن الله
انشاءالله عطيتك الفكره

**اختي الغاليه حورية الارض انا ما اقدر احط اي شيئ في شعري حاليا غير الخلطات تبع الحلاقه وشاكرة لك تواصلكي معاي

ودمتم لي

**عقيق يماني** · 06-08-2003, 09:11 AM

حاولي تغلي ريحان في ماي وتحطيه على راسك لمدة ربع ساعة
وبعدين غسليه بماي
والله يعينك!

**ورد الصبا** · 06-08-2003, 09:28 AM

تسلمين يا حبيبتي الغاليه واليوم راح اجربها وادعيلك في جميع الاحوال
ودمتي لي

**Laian** · 07-08-2003, 06:02 AM

الله يعينك اختي ورد الصبا
والاخوات ماقصرو

**اناناسه مفقوصة** · 07-08-2003, 01:08 PM

اختي حاولي تغسلين شعرك بشامبو رحيته حلوة وبعدين حطي بلسم قوي اشوي وبعد الحمام استشوري شعرك يعني لاتخلينه رطب وبعدها حطي بخور وخمرية وشوفي الريحة اشلون تصير

كورس الثوم والجرجير راح يوصلني لبيت اهلي النجددددددددده

كورس الثوم والجرجير راح يوصلني لبيت اهلي النجددددددددده

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق