تويت
❤ سلطة الخس والبرتقال ❤ من مطبخ بيرو ❤
حبيبات قلبى
وحشتووووونى موووووت
غبت عليكم كتير معلش ظروف والله
ورجعنا لأغلى الحبايب
ونبدأ ننزل احلى الوصفات لعيونكم
بما انى اميرة البرتقال .. فـ هانزل النهاردة بإذن الله سلطة خطيرة يارب تعجبكم
سلطة البرتقال والخس
أول حاجة نقشر ثلاث برتقالات وناخد الفصوص بتاعتها
وصورت الطريقة بس بشكل سريع
نقطع الجزء الأعلى والجزء الأسفل علشان البرتقالة تعرف تقف
ونقشرها بإننا نمشى بالسكينة من اعلى البرتقالة لأسفل ولكن بزاوية علشان نشيل الجزء الابيض منها
والصورة دى توضح لما تتقشر البرتقالة بالكامل
وبعدين نمرر السكينة الرفيعة بين الفصوص يعنى على شمال الفص وبعدين على يمينه علشان يطلع بدون ألياف نهائى
اتمنى يكون الشرح واضح
ثلاث برتقالات مقشرة ومفصصة
نصف خساية مقطعة قطع متوسطة
ملعقتين بقدونس
الصوص
ربع كوب عصير برتقال طازج
ملعقتين كبار دبس الرمان
ربع ملعقة صغيرة ملح
ملعقة كبيرة سكر
ملعقة كبيرة خل ابيض
للتزيين
ملعقتين سمسم محمص
نغسل الخس والبقدونس وننشفهم كويس ونخلطهم ونرصهم فى طبق التقديم
نرص عليهم فصوص البرتقال بشكل دائرى
نخلط مقادير الصوص مع بعض
ونصبهم على طبق السلطة
وأخيراً نزينها بالسمسم المحمص
وبالف هنا وشفا يارب
تعليق