تويت
عجة النافس
عرب مصراته وينكم .. أريد طريقة عجة النافس المكونه من الدقيق وبعض البهار وتخلط بالبيض.
-
-
انا من طرابلس بس حبيت افيدك
3بيضات+شوية ملح+3ملاعق دقيق+ملعقه كمون حوت+قليل من المعدنوس -
اهلا وسهلا بيك حبيبتي
الحق اني مش من مصراته وبالنسبة لينا نديرو في عجة النعناع للنوافس
لكن اختي مصراتية اصلية على المنتدى نزلت العجة الحمراء
وقالت انها اكلة ثراثية لاهل مصراته
ان شاء الله يكون هذا قصدك من السؤال
وتفضلي الرابط يا عسل
http://www.lakii.com/vb/showthread.php?t=568948
اهلا وسهلا بيك في اي وقت.. { إِنَّ رَبَّكَ لَبِالْمِرْصَادِ }..
تعليق
-
اهلين اختي مع اني مش مصراتية لكن حنا عندنا عجة انديرو فيها للنافس ديما وهي مقوية ومشاء الله بالنسبة للمقدار بزبط والله انا انديرفيها من غير ما انكيل بصراحة لكن انشاء الله نقدر انساعدك
بنسبة للعجة خودي مقدار متساوي من كلا من (كمون الاسود "الاسعد "+كمون حلو ) وخودي البيض طبعا العدد علي حسب كمية الكماميين
خلطي البيط وحطي عليه شوية ملح واطيفي عليهم الكمامين الاسعد والحلو وشوية بيكمبودر وخلطيهم زين واطيفي دقيق وخلطي بدقيق لين اتحسيها بدتت تتماسك بعدين خودي الطاوة وسبي فيها انقطين زيت وخليه لين تسخن وسبي مقدار العجة علي حسب كبير الطاوة امتاعك وهدي الغاز وغطي الطاوة وشوية وافتحي عليها لما تتحمر من تحت يعني اقلبيها من جهة التانية لين تتحمر وبعدين كولي بهناء وصحيحة
وان شاء الله انكون فتك وهادي العجه الي ادوري فيها بالنسبة لينا احنا هادي عجتنا وصدقيني كويسة كويسةتعليق
-
أشكركم يابناويت بلادى على الإهتمام ..تعليق
-
موووووووووووووووفقهتعليق
-
حبيبتي بالنسبة لعجة النافس عندنا في مصراتة انسموها عجة كسبر لانه المكون الاساسي فيها بالاضافة للبيض والحليب والدقيق والبيكمبودر تجهز مكوناتها المستعدة للولادة وذلك بطحن الكسبر وخلطه بالدقيق وحفظه لانها من لوازم الضيافة مثل العصيدة وتقدم معها كما تاكلها النافس في الصباح مع الشوربة والكبدة المشوية ارجو ان اكون افدتك وعن الطريقة بالضبط ان اردتها ساكتبها لك عندما اشعر بتحسنتعليق
-
حبيبتي عندنا في مصراتة عجة النافس هيا عجة الكسبر تفطر بيها النافس و يمكن تخلطيها مع الكمون الاسعد او الاسود المرحي لكن تكون نسبتة قليلة بالنسبة للكسبر يعني الكسبر يكون غالب عالطعم
تحضري الكسبر بانك تحمسيه في طاجين عالنار و بعدين ترحيه و تستعمليه، اما بانسبة للمقادير فمافيش مقادير معينة لان في ناس تكتر و ناس لا يعني حسب الدوق
بالنسبة ليا اني نحبها بنفاس و بلاه يعني ديما ندير فيهاو حتي اني ماعنديش مقادير معينة حسب الكمية اللي بنديرها يعني مثلا بيضتين عليهن نصف طاسة شاي حليب و شوي ملح و ملعقة ممسوحة كسبرو دقيق و بيكن بودر
ان شاء الله نكون افدتكتعليق
تعليق