تويت
بانتظارك باذن الله
وسلامى لبنوتك
وسلامى لبنوتك
-
-
أهلا بالحلوين...يالا على لانشون الفراخ!!!
أهلا بكم صديقاااتى...شكرا على سؤالكم عليا و على بنتى مليكه هاااانم..أرجو منكم ان تبتهلوا الله جميعا و تدعولها انها تااااكل لأنها مغلبانى فى الأكل و انا مرارتى ما بتستحملش بقه قولة..كلى يا حلوة .افتحى بقك يا كتكوته و كل الحاجات دى...
يالا بينا على الموضوع...
اللانشون اللى بنشتريه من السوق تقريبا مافيهوش لحمه سواء كانت فراخ او لحم بقرى..ده فيه هبااااااااااابه..على رأى مش عارفه مين..يعنى لحسة لحمه و الباقى خدااااع بصر و خداع لحاسة تذوق المستهلك المسكين....
انا توصلت لطريقه لعمل شبيه للانشون الفراخ....هيعجبكم ..جربوه و ولادكم هيحبوه جدا..كمان العجيب انه لانشون فراخ و كمان معمول بالفراخ...ههههه
يالا على المقادير يا كتاكيت
نص كيلو صدور فراخ
بصله كبيرة
بيضه كبيرة
كوب بقسماط
2 ملعقه كريمه لبانى
توابل..قرفه ,قرنفل ,جنزبيل.فلفل ابيض.جوزة الطيب..و طبعا ملح
طيب فيكى تنوعى ممكن ,اعشااب ..ممكن بابريكا ممكن مستطردة..حسب النكهه اللى بتحبيها ..اخترعى يا ستى نكهه خاصه بيكى و سجلى ليها براءة اختراع..
ما المصانع كل يوم بتتحفنا بس الفرق انك لما تحطى اعشاب هتحطى اعشاب مش "طعم اعشاب مضاهى للطبيعه"...هكذا يكتبون على منتجاتهم و المستهلك الغلبان مش فاضى يقرأ ..بياكل و خلاص.
طيب افرمى لحم الدجاج كويس و ضيفى عليه البصل و كله فى المفرمه و اديها و ابدئى ضيفى باقى المقادير لحد ما تتشكل عندك العجينه.
شيليها من المفرمه..او الفوود بروسيسور.
و انا هنا خلطت عليه شويه زيتون اسود...مفصص طبعا ماحدش يحطه ببذره...ههههه
هنشكل اسطوانه و نقفل عليها كويس بالفويل.
نغلى حله ميه و نحط فيها مكعب مرقه بس للتنكيه مش اكتر و ننزل فيها القالب بتاعنا... و نتركه يستوى.
بعد تلت ساعه او نص كل حاجه هتكون تمام.
طيب ..بعد ما خلص سيبته يبرد كويس و قشرت الورقه من عليه...و حبيت اديله نكهه مدخنه....
و ده علشان اقوم بالواجب معاكم رغم ان الطبيب محذرنى لأنى يا حلوين مريضه بالربو و الحساسيه..يعنى اى صنف حساسيه تلاقوه عندى.. و الدكاتره بيقولولى :انتىكل المنهج اللى خدناه فى الكليه...هههه
يالا بلاش رغى...
المهم حضرت عده التدخين...فى صينيه اى صينيه...افرشى فويل و حطى عليه..شويه شاى و سكر و قرفه خشب و ملعقه عسل اسود..و حطيت شبكه و حطيت عليها اسطوانه الانشون..و غطيتها بفويل و ولعت النارو عينكم ما تشوف الا النور هتشوفوا بث حى دلوقتى...عادى يا بنات ..بس لا انصح ضعاف القلوب و ضعاف الصدور بخوض تلك النجربه...طبعا اخد قالب اللانشون لون جميل و ريحه مدخنه حلوة... و بس خلاص ,,,شيليه فى التلاجه و قطعى و اعملى سندوتشات و ابقى ادعيلى و فهمى عيالك أو كل حبايبك اللى هيدوقوه ان ده هو اللانشون و ان اللى بيعمله المصنع "ضحك على الدقون"...ابقوا اسألوا عليا فقد اتعرض للاغتيال فى أى لحظه.....الحقووووووووووووووونى!!!!!
يالا على الصور
و غطينا النونو!!!!!
حد حافظ هنا نمره المطافى.....؟؟؟؟؟
يالا يبقى الجيران تبلغ بقه...اصلا أنا مركزه اوىىىىىىىىىىى.
و النتيجه يا كتاكيت...
يالا مين هتتطوع و تعمل السندوتشااااااااات...
اه يااااانى....و أشوفكم المره اللى جايه يا حلوين...
استنووووووونى و ما تمشووووش...
بنات ان شاء الله ارد اكيد على اسئلتكم بخصوص الجبنه...بس اروح اخد البخاخه...ههههههه
ملحوظه هاااااامه....أرجو الحفاظ على حقوق الملكيه الفكريه....تعليق
-
عايزة اكون اول واحدة ترد ... تسلم ايدك يا قمر ... والله تحفة الله اكبر
ان شاء الله هاجربه قريييييييييييييييب جدا باذن الله وانزل صوره
بس كنت عايزة اسال معلش كام سؤال
انت كاتبة في التتبيلة توابل يعني توابل مشكلة الل بتتباع دي بجانب التوابل اللي انت حطاها ...والقرنفل يا شوشو طبعا مطحون مش كدا ؟؟؟؟
معلش سؤال كمان هل ينفع اشيل نصه في الفريزر ؟؟؟ عشان هاخاف يبوط مني ...ولا لازم يبقى في التلاجة وممكن يقعد اد ايه في التلاجة من غير ما يبووووووووووظ ؟؟؟؟
معلش تعباكي معايا بس بجد تسلم ايدك عشان فعلا ناوية اطبقه باذن اللهتعليق
-
أهلاااااا بأول زبونه...أولا قبل ما انسى قولى لفيفى ..هههههه..فهمتينى..أو بطه.....ههههه
انى متعطله عن المسيره بسبب ظروف صحيه طااااااااااارئه...فهمتينى برضه؟؟؟؟
بحب انا اتكلم بالألغاز...هههههههه
بصى يا ستى انا قلت توابل و بعدين فسرتها يعنى توابل ..ألا و هى...كذا و كذا و كذا
ماشى و طبعا ممكن تعملى نص المقدار و تشتغلى و ممكن تعملى المقدار و تشيلى فى الفريزر
كمان اللانشون ده بحطه فى التلاجه و ما بيجراش ليه اى حاجه و لمدة فتره طويله كمان مش زى اللانشون الجاهز بنجيبه و تانى يوم نرميه.
اهم حاجه تشيليه فى علبه محكمة الغطاء
و يالا اتشجعى و ورينا الابداعاتتعليق
-
بس كدا من عنيا ان شاء الله لما اكلمها بكرة هاقولها دا اذا هيا مدخلتش ونطت علينا دلوقتي ...
وتسلمي يا جميل على ردك ... وفعلا والله انا بخاف موت من الانشون عشان بيبوظ ...فبخاف اجيبه اصلا وفعلا بفكر اجرب في نص الكمية ...
جزاكي الله خيرا يا قمر ... والف سلامة عليكي ....وعلى بنوتك ...تعليق
-
اروح اعملي سندوتش على رواااااااقة
يسلموا يا غالية
مبدعة ما شاء الله تبارك الرحمن
ربي يحميك و يحرسك ياربتعليق
-
ام البنات....مشتاقه لركن المخبوزات
اهئ اهئ اهئ
خدينى معاكى الله يخليكى
اهئ اهئ اهئ
و الله هعيط بحب اعمل عيييييييش يا ناس
الخميره وحشتنى خاااااااااااالص
سلمى لى عليهم....."الدقيق و الخميره طبعا"
اهئ اهئ اهئتعليق
-
حبيبتي شهيرة
جزاك الله خيراً
موضوع قيم و أكثر من
تعليق
-
ابدااااااااااااااااااااااااااع يا شهيره
تحفه فعلا
انا بنتي بتموت بالانشون و انا دايما خايفه عليها لانه زي ما حكيتي
اللي في السوق هبااااااااااااااااب مش فراخ!!!
رح اجربها قريبا جدا ان شاء الله
تسلم ايديكي يا رب
و منتظرين ابداعاتك القادمه
انا ضفت اللانشون على الصفحه الاولى للتسهيل
تعليق
-
تسلم الأيادى يا شهيره
يا جميله
هنفتح لك محل بقاله هنا على السيت
وهنعمل مزادات و اللذى منه
وهنبتدى نشوف الأسعار
هههههههههههه
ربنا يكرمك و يديكى على اد ما بتعملى و اكتر شووووووووووووووووويهتعليق
-
ماشالله ياشوشو
ربي يخليك
ويبارك فيك
ويبعد عنك الامراض والحساسية
وعن كل اهل بيتك
يَا نَارُ كُونِي بَرْداً وَسَلاماً عَلَى عراقي الحبيب
انستجرامي ام مرمر و ليلوكنوز من الحسنات
اللهم اغفر للمؤمنين والمؤمنات الأحياء منهم والأموات
سبحان الله وبحمده سبحان الله العظيم
قراءة ما تيسر من القرآن, قول الحمد لله
لا حول ولا قوة الابالله
لا إله إلا الله وحده لا شريك له 10 مرة
اللهم صلى على محمد وعلى آل محمد كما صليت على إبراهيم وعلى آل إبراهيم ..
ستبقى محبتكم بالقلب ما حييتتعليق
-
ما شاء الله على الافكار
سوالى فيه بديل للكريمه اللبانى يعنى ممكن الريم شانتى بتاع العطار مهو مفيهوش سكر
كمان انتى ولعتى العسل الاسود او التوابل تحت اللانشون
قصدى الصينه تكون تحت النارتعليق
-
ما شاء الله .. لا قوة إلا بالله
ما شاء الله عليكي يا شهيرة يا أميرة ويا كبيرة الخبيرات
اللآنشون شكله خرافي و حقيقي مش أي كلام و نظيف و يفتح النفس
تسلمي حبيبتي على الوصفة والشرح الوافي والمفصل بالصور
و يعطيكِ الصحة والعافية يا رب وجزاكِ الله كل خير
و دايما في إنتظار جديدك يا جميلتعليق
-
معلش استحملينى
او ينفع قشطه بدل الكريمه اللبانىتعليق
-
مااااا شاء الله يا شوشوووووووووو ... هي الواو هدية مني ليكي
انتي عارفة انا بعزووو متل عيوووني ههههههههههه
ما شاء الله تبارك الله
ومن ايد ما ننحرم منها يااارب
تسلم ايدك
انا لسا دايخة ضمن حلقات البحث عن المنفحة هون بالامارات
بس لاااااابد ان الاقيها والا .........
بس يالله رح اتسلى بعمل اللانشون ريثما يحين موعدي المتفق عليه بيني وبين المنفحة
اراكم في لقاء قريب مع تطبيق
بإذن الله
شوشوووووووو يسلموووووووووووووووووو خخخخخخخختعليق
مدونتي مطبخ ام مرمر و ليلو
تعليق