تويت
عشاء لبناني خفيف .... الفول اللبناني وتوابعه
السلام عليكم
اليوم كان عشايا خفيف كتير و100% لبناني
عملت صحن فول مدمس، بطاطا مقلية، سلطة خضراء وكبيس خيار.
تعوا شوفوا
عملت صحن فول مدمس، بطاطا مقلية، سلطة خضراء وكبيس خيار.
تعوا شوفوا
هيدا الأكل
وهيدي صورة الفول عن قريب
انا دمست الفول بالبيت وهاي الطريقة
نقي الفول منيح وغسلي منيح وانقعي ليلة كاملة في دماسة الفول مع ماء. اليوم التاني بتغيري الماء وتحطي في الدماسة مع حبة بندورة وبصلة و 4 فص ثوم و2 معلقة رز و 2 ملقة عدس والماء لازم تكون لآخر الدماسة.
أنا عندي دماسة على الكهرباء بتركون الليلة كلها والصبح بتكون ريحة المطبخ بتجنن وما بدها الا الأكل.
أنا عندي دماسة على الكهرباء بتركون الليلة كلها والصبح بتكون ريحة المطبخ بتجنن وما بدها الا الأكل.
طبعا نتبل الفول لما يجهز،انا حطيت ثوم، ليمون كتير، ملح وبهار وطبعا زيت زيتون كتير وزينته بالبقدونس المفروم. نحنا في لبنان نضيف الحمص على الوجه بس اليوم ما حطيت.
طبعا حتى تكمل لقمة الفول اللبنانية لازم يقدم مع جاط خضرة تفتح النفس بس انا بصراحة كنت جاية من الشغل وتعبانة وجوعانة فاختصرت بصحن سلطة صغير وكبيس خيار كنت عملتو امبارح.
طريقة كبيس الخيار كتير سهلة، يغسل الخيار جيد، ثم يقطع ترانشات كبيرة ويوضع في مرطبان (قياس 1 لتر تقريبا) مع كم فص ثوم وكم بصلة ثم نضيف الملح تقريبا 4 ملاعق وكوب خل أبيض والباقي ماء. هذه الطريقة سهلة كتير وسريعة يعني بالكتير يوم او يومين ويكون الخيار جاهز للأكل.
تعليق