تويت
كبة مقلية وتومية ولبنيه شهية مع هدية من مطبخي بالصـــــــــور
السلام عليكم ورحمة الله وبركاته
حبيت قدملكم مجموعة كبب الشهية من مطبخي بمناسبة الملف المميز
ان شاء الله بتعجبكم وبتجربوها وطبعا بتدعولي
الكبة
عجينة الكبة
كيلو برغل ناعم
ربع كيلو هبرة
ملعقتين طحين
ملح كمون فلفل اسود مجروش
حبة بصل كبيرة
ماء للعجن
طريقة تحضير عجينة الكبة
ينقع البرغل في ماء بارد لربع ساعة يطحن مرتين مع البصلة بمكنة الكبة ومرة ثالثة مع الهبرة
ثم يدعك مع الملح والكمون والطحين حتى تتماسك مع اضافة الماء على ان يكون بارد طبعا يضاف على دفعات حتى تتماسك
ا انا هون ما عندي مكنة فدعكتها ع ايديي لحتى تكسرو
طبعا ضليت عم ادعكها شي تلت ساعة متواصلة بس الهبرة طحنتها بمفرمة اللحمة الصغيرة تذكرت تي وترحمت عليها قلت شو كانو يتعذبو بالكبة ههههههههههمنجي للحشوة
نص كيلو لحمة ناعمة
بصلة متوسطة مفرومة
كوب مكسرات (جوز ولوز وصنوبر )
ملح وفلفل اسود وبهار حلو
تحمس اللحمة في مقلاة مع رشة ملح ثم تضاف البصلة المفرومة وتقلب حتى تذبل وترفع عن النار وتضاف البهارات والمكسرات
الكبة المقلية الدراويش
بصراحة انا ايديي ناعمين وصعب كتير اعملها ع اصبعي وما عندي مكنة حتى يكون عندي قالب فشوفو شو عملت
اخدت شقفة من العجينة وكورتها وحطيتها على كيس
وحطيت فوقها كيس تاني
وجبت صحن عادي
وحطيتو فوق الكرة وضغطت عليه يعني خليت قفا الصحن على الكرة (لانو متلا ما بتلاحظو الصحن من الاسفل الو شكل قرص
وبعدها حطيت ملعقة من الحشوة على القرص وبليت ايديي وسكرتها من الاطراف لحتى حصلت على شكل الدرويييييييييييييييييييش
وممكن تعمليه على شكل اقراص بانك تعملي قرصين بنفس الطريقة وتحطي ملعقة حشوة على الاول وتحطي القرص التاني فوقو وتبلي ايديكي بالماء وتسكري القرص من الاطراف
وهاي الصنية الي عملتها
وتقلى بزيت غزير بس لازم يكون الزيت حامي وبعدها بتقلي لانو اذا كان الزيت بارد بتفرط الكبة وبتتفتت
تفضلوا مدو ايديكن لا تستحو
الكبة المقلية الكذابة
ما بدها حشوة بس بتضيفي للعجينة تبعها رشة كزبرة ناشفة وفليفلة حمرا يابسة مطحونة وكمون وبتشكليها على شكل اقراص
بتوتي بتحبها كتير من شان تحافظ على وزنها ههههههههههههه
وتقلى بزيت غزير
يتبع باذن الله
تعليق