ღღوصفات متميزةღღسفرتك الرمضانية لشهر رمضان المبارك "متجدد" ^^ الجزء الأول ^^

سامحيني حبيبتي ام تدليل والله توا راجعت ردك لقيتك طالبة حتى عجينة البيتزا ..

تفضلي من عيوني


3 اكواب دقيق + 4 ملاعق طعام حليب بودرة + ملعقة صغيرة ملح ممسوحة + ملعقة طعام بيكنج بودر ونخلطهم مع بعض

ملعقة طعام خميرة في نصف كوب ماء دافئ ونصف ملعقة طعام سكر ونخليهم حتى ترتفع وتكون رغوة

نعمل حفرة في وسط الدقيق ونزيد ربع كوب زيت ومزيج الخميرة ونعجن بشوية ونزيد ماء دافئ اضافي حتي نتحصل على عجينة متماسكة و غير لاصقة وطرية بنفس الوقت
نتركها تختمر وبعدين نفردها ونزينها بالصوص ومكونات البيتزا ولو بتخبزيها بنفس الوقت خليها تخمر شوية ثاني ولو مش مستعجلة غطيها وخليها بالثلاجة لوقت الخَبز

وان شاء الله بالصحة والعافية

هههههه سلمها يارب ولا يهمك انتي تؤمري ... وبارك الله فيك على كلاك العسل حتى انتي ماشاء الله ربي يسعدك

بالنسبة لكيكة السلك او السبانخ هيا فكرة جت فجاءة هههههه وما تطمنتش حتى فطرت وذقتها وكانت النتيجة مُرضية والحمد لله

كوبين سلك مفروم + بيضتين + 2 ملاعق كبيرة جبن فيلادلفيا + ربع كوب حليب سائل + 6 ملاعق دقيق كبار + ملعقة صغيرة بيكنج باودر + ملعقتين زيت كبار +ربع ملعقة صغيرة (ملح _ فلفل اسود )

حطيهم كلهم بخلاط الفروبي وخليهم يمتزجوا تماماً وبعدين افرمي بصلة صغيرة ناااااعم وضيفيها للمزيج ( لو كان سائل هلبة زيدي ملعقة دقيق )

حطي نصف الكمية في قالب متوسط مدهون ومرشوش بالدقيق واخبزيها علي 200 درجة حتى تشتد طلعيها وحطي علي الوجه جبن شرائح وصبي باقي المزيج ورديها الفرن حتي تنضج ( حتلاحظي انها كونت فقاعات مش مهم اوخزيها بعود حيطلع الهواء منها )

خليها تبرد وقصيها مربعات وحطي بين كل مربعين جبن فيلادلفيا وامسحي حتى الجناب وبعدين اغمسي الاطراف في معدنوس مفروم ناااااااااعم ... وبس .... وصحتين وعافية

ان شاء الله تعجبك

حبيبتي صحتي بارك الله فيك ومشكووووووورة على تعاونك والله الاالليبيات لاقبلنا لادونا ولابعدنا
ماشاء الله علينا متعاونات ونحبو الخير لبعضنا ربي يهنيك ويفرحك وان شاء الله صحتين حبيبتي علي قلبك واكيد حاتعجبني مدام من تحت يديك اكيد عسل يكفي انك اتحطي لمساتك السحرية عليه متاكدة حيولي حاجة ماصارتش بالمختصر المفيد انتي صاحبة اسلحة الدمار الشامل ياسويت ههههههههه

الله يمسيكم بي انوار النبي ان شاء الله

ماشاء الله ماشاء الله صفر علي دردشة مطابخ تهبلوووووو يا وخياتى

سويت حرام عليك رمضان تسفهى فينا قسما بالله منظر صوانيك يجننو فامابالك البنة ماشاء الله عليك طباخة ورايقة لتزيين الله يسعدك يارب انتى وعيلتك المهم ارقي روحك يا وخيتى

لولو ضحكتينى بي تاج راسي خطرها علي المستكة جبتها معاي من ليبيا وقاعدة مسكرة خلي نجربها في الدبلة امالا حتى انى على فكرة انتى تحبي الجوز الهند وانى ما عنديش عليه نهائي معناها الاقطاب المختلفه تتجادب هههههههههه

ام سومة حبيبتى استاحشتك حلوة دبلتك تجنن

حنونة المعجنات متاعك ماشاء الله كيف منظرهم وتشكيلتهم حلوة بالمرة

نوسة صفيرتك تجنن الحق ويسلمو ايديك والبسبوسة منظرها يقول يا ام السنفور تعالي كولينى

بنسبة للي سالت علي الفرق في الطعم في الدبلة لما بيضة كاملة ولما ببياض بيضة انى عن نفسي ماشفتش فرق في الطعم لما نبي مقدار سعيرون اندير في البياض بس ولما مقداري عادى نديرها كاملة
وزي ماقالو البنات الفرق في اللون لما الدحية كاملة اللون بيكون ادكن لان الدبلة بالمفترض لونها مايكونش متحمر يادوب طايبة ( بس انى نحبهاش بيضاء الحق نحبها فيها لون )

بنسبة للي سالت علي طريقة القطايف
كوب دقيق - ملعقه صغيرة خميرة - طاسة الا شوي امية دافيه - علي راس الكاشيك ملح - علي راس الكاشيك بزار -
تخلطى المقادير مع بعض وتخليهم لين تخمر وبعدين طيبي الطبقات علي قلاية تيفال واحشي مكسرات مهروشة واقليهم وعسلي طبعا العسل متاعهم يكون فيها شوى قرفة مرحية

== ملاحظة هادا مقدار صغير لانى صغرت مقدار حناي تعرفو الكبار مايتعاملوش بطاسة يتعاملو بالمالقي ههههههه

اما القوارب طريقتهم حتستغربو شوي
بيضتين - بصلة متوسطة الحجم - 4\3 كوب حليب - ملعقة صغيرة خميرة - ملعقه صغيرة بيكنج باودر - ملعقة طعام ممسوحة كركم - ملح
تفرمى البصل في الفرامة وتزيديه البيض والحليب وتفرمى كويس وبعدين تصبى الدقيق وباقي المقادير وتعجنى بيدك لين تحصلي علي عجينة متماسكة
غطيها وخليها علي جنب لين ترتاح افرديها علي سطح مرشوش بالدقيق وقصيها دوائر كبيرة الحجم واقلي في زيت وبعدين كل دائرة اقسميها بين نصفين واحشي الحشوة اللي تبيها وتطلع زي السفينة

حنونة هادو قوارب مش زي قوارب اللي بالقالب لالا هادو قوارب تانيات سفينات هههههه

اما فطوري اليوم بسيط جدا
وخيتكم خدت راحتها بعدين روح الشنبير وقالي هي نمشو شوبنق طلعت وروحت متاخر فا يادوب درت رز ابيض وزينته باللوز المقلي في السمن ومعدنوس مفروم ودجاج حمرته زي طريقه ابريكة طلع يجنن ودرت سلاطة البادنجان زي ماقالت عليها سويت بيبيا متاع البادنجان والطماطم مشويات وجت خفيفة وحلوة بس انى بدل الجوز درت كاجو لان ماعنديش لوز خزاينى والحلو درت لقيمات
بس اعدرونى هالمرة زي ماقلتلكم تاخرت بتطييب فا يادوب جهز حطيته في صوانيه وتعشينا من غير مانصور

السلام عليكم
بنااااااااااااات أنى متابعه معاكم ماشاء الله هليكم
شيفااااااات تعتبروووووووووووو
ربي يبارك
أم السنفور صفرتك ماشاء الله إماله الدبله إممممممممممم
غيدون ماشاء الله
هناء ماشاء الله
بريكه ماشاء الله
ومنو تاني
الأزرق تبارك الرحمن
لي عوده

تسلم الايادى سفرة عامرة ما شاء الله

مشاء الله تسلم الايادى اختى سويت روعه روعه سفرك ووصفاتك
اصلا اطباقك توكل قبل ما كلتك
اما كيف اللى يذوق ما كلتك بالهنا والعافيه عليكم وربى يعطيك الصحه باش ما تحريمناش من ذوقك وفنك
لكن ما قلتيلى ويييييييييييييييييين انتى
شن حالك ام السنفور وشن حال سنفورك ان شاء الله بخير وتسلم ايدك يا غاليه على كل ردودك الطيبه على كل من يسال على قولت اخواننا السوريين ست معدله
ام تدليل صحه فطورك اسالتك جات كلها على خاطرى ربى يخليك لى حتى تسالى باللى يدور بفكرى صحيى يا حبيبه

ما شاء الله تبارك الرحمن
اللموضوع اصبح الصراحة بيجوووووووووووووووووووووووع
استسمحكم بغلق الجزء الاول
و ادعو الغالية كيتي لافتتاح الجزء الثاني
و متابعتكم بشغف
بارك الله في كل من شاركت بهده السفرة من وصفات و اضافات و ردود حلوة
كل سنة و انتم طيبين و بانتظار الجزء الثاني