ღღوصفات متميزةღღسفرتك الرمضانية لشهر رمضان المبارك "متجدد" ^^ الجزء الأول ^^

**FARFORA** · 16-08-2010, 04:14 PM

سويت ياحلوة اسم علي مسمى هههههه انت قصدك بعد تخمر العجينه نديرها فا الطاجين ونستف كل شي عليها ونحطها فاالتلاجة باهي ماتزيديدش تخمر بعدين ولا يتوقف التخميرلانها بالتلادة

حنونة ماشالله عليك هبلتينا بالملسوقة وجو رمضان ليبيا وقوليلي انتي مجربتيها انك طيبها بكري وبعدين فالاخير تحطي الجبنة باهي البيتزا تقعد كويسة ماتيبسش

**SwEeT BeBa** · 16-08-2010, 04:18 PM

اولا بنشكر الامورة كيتي على هاللمة الحلوة اللي خلتنا نشوفوا كل الغاليات ونطمنوا عليهم الله يرزقها خير الذرية ويفرح قلبها هي وكل المشتاقين

وكل الحبوبات بدون ذكر اسماء ليكم وحشـــــــــــــــة والله العالم وربي يسعدكم ويرزقكم كل ماتتمنوا

نشارككم بسفرتي المتواضعة ليوم امس وتتكون من

شربة عدس أحمر
سلطة باذنجان وطماطم مشوي
سلاطة فواكه بالمكسرات والعصير
باييلا باللحم
طاجين الباذنجان
بيتزا مطبقة

والحلو

كان من افكاري بس طلع روووووووووعة وسميته
كويرات جوز الهند المعسلة ههههههه

سلطة الباذنجان

طاجين الباذنجان

الشوربة

الحلو

وصحة فطوركم مقدماً

**SwEeT BeBa** · 16-08-2010, 04:26 PM

فرفورة يا أمورة والله انتي اللي قمر تسلمي .....
بالنسبة للبيتزا ايه خمريها قبل وديريها عادي كانك بتطيبيها وقتي وحطي كل شي عليها اني نحط حتي في الجنبة الحق وغطيها وفعلا الثلاجة تقلل من التخمير ومتخليش العجينة خمرتها تنكسر ... وبعدين اخبزيها قبل المغرب بشوية باش تقعد سخينة اني زوجي ميحبهاش الا سخونة فديما نخبزها وقت المغرب .... ومرة من المرات مسخرش ربي نطيبها بنفس اليوم فخليتها في الثلاجة لثاني يوم الصراحة رووووووووووعة هشة وخفيفة المهم انك تخمريها شوية بعد ماتطلعيها من الثلاجة

واتمنى تعجبك واي استفسار اني بالخدمة

**omarafa** · 16-08-2010, 04:33 PM

السلام عليكم ورحمة الله وبركاته ,,

آنستم بعض ,,

وكل عام وانتم بخير ,,,

أشتقت لكن حبيباتي ,,,

نفره نفره,,,

وشكرا للغاليه كيتي على هاللمه الحلوه ,,,

ومشاركتي الخاطفه للميضوع عباره عن حلو للحلوين ,,,,

وصورتين فقيرتين ::

كيكة الشطرنج معروفه للجميع (متاع منال العالم )::

**FARFORA** · 16-08-2010, 04:50 PM

سويت مشكوووووووووووووووووووووووووووووووورة ياعسسسسسسسسسسسل

ممكن طريقة الحلو طاجين البدنجان

**مغتربة 2** · 16-08-2010, 04:55 PM

كيف الحال جميعا ويعطيكم الصحة بالمختصر مبكري كتبت رد شرحت فيه قصة حياتي لكن الكمبيوتر راسة وراسي في عز القصة وقت الحبكة الدرامية بالزبط طفي ركبت اني راسي معاش ولعته تاني المهم صفركم يجو في الخاطر وانا قاعدة كل مانقدر نصور فطوري ونضيفة لفطور العام اللي فات بالك ربي يسخرلي ونزلة بعد عمر طويل بعيد السو وبنحط الرد فيس قبل الكمبيوتر يديرها فيابعدين نخبركم علي فطوري

**مغتربة 2** · 16-08-2010, 05:00 PM

واااااااااااو ماصكرش مزال ياحنة فطوري امس كان رز ابيض وكباب وسلسلة حارة وكب كيك يالمفروم وشربة عربية وبريكات (محشي) وسلاطة والحلو جاهز بكلاوة بالقشدة والذي منوووووووووووووو اما اليوم نعدة مهبلتني بندير طاجين بطاطا بالجبنة واللي فاضل من امس لانهم امس ماكلوش بكل الجماعة قعد في خلقتي وبندير كان صار وحصلت دقيق لقمة قاضي وياسر وشربة وسلاطة هديم ضروري طبعا

**عبير لجين** · 16-08-2010, 05:29 PM

منورات كل سفرة احلى من التانية نبى الاخت حبيبة زوجها تقوليلنا على المقادير امتاع الارز بالقالب والاسكالوبمنورات كل سفرة احلى من التانية نبى الاخت حبيبة زوجها تقوليلنا على المقادير امتاع الارز بالقالب والاسكالوب

**lola9670** · 16-08-2010, 06:26 PM

مشاء الله ع الابداع
فعلا كل سفرة أحلى من الثانية
بس نحن مفتقدات كلا من:
المصراتية
النطاحية
أم المعز
زينب محمد
Juri
عاد السمحة معتذرة وانشاء الله المانع خير
نتمنى لكم رمضان مليان طاعات

**gudona** · 16-08-2010, 10:17 PM

السلام عليكم ورحمة الله وبركاته
كيفكم ياحلوات وشن اخبار الي في ليبيا سمعنا درجه الحراره مرتفعه ربي اعينكم امين يارب العالمين
المهم انا اليوم كان فطوري شربة عدس وقلايه وسلاطه مشويه بالبادنجان وحمض بطحينه وسمبوسه علي طريقة كيتي الصريقه الاولي وجت اكتر من روعه واعتمدناها ههههههه ودرت كالوني بالتن والزيتون وطاجين همبورقر وسلامتكم وهدي الصور

هدا سلطه المشويه بالبادنجان

حمص بالطحينه

الكالوني

طاجين همبرقر

وهدا عن قرب يامييييييييي

وهده السمبوسه

والقلايه

والشربه

وهدا الصفره المتواضعه لفطورنا اليوم ياحبوبات

**gudona** · 16-08-2010, 10:22 PM

مشكوره ياكتي صار ضحكتك ربي ان شاء الله يجعل ايامك كلها ضحك وفرح ومسره
وصحيتي علي الكلام الحلو
الطائر الازرق ماشاء الله هده اول مشاركه وهك عيني عليك بارده علي قولت كتي بسم الله ماشاء الله
الاء صار الزقلامه ههههههههه كتي حتي هيا غلطت مزال مجربتهاش ماكان لما اديرها كيف سويت ماشاء الله شن هلابداع ياودي معندي منقول ربي يحفظك وخلاص والجميع صحه فطوركم وصحتين قيامكم

**ام تدليل** · 16-08-2010, 11:05 PM

السلام عليكم

حبيبتي سويت ياريت اعطينا طريقة الحلو حت عيني فيه هو وسلاطة الباذنجان

غيدونا ماشاء الله صفيرتك مرتبة وحلوة وخفيفة ربي يعطيك الصحةوالعافية
وصحتين يارب

**هناء&خالد** · 17-08-2010, 12:05 AM

صحه فطوركم جميعا وأن شاء الله تكونو بخير وعافيه يارب
واليومين يلي فاتو أسفه غبت والله لأني كنت مرهقه وتعبانه لكن صورتلكم امس فطوري وكان شربه طبعا وسلطة زبادي وسلطة مكدوس وكباب وبطاطا وبوريك لحم وبيتزا والحلو كان ترايفل توه نزله وشوي ثاني نزل فطور اليوم

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

**هناء&خالد** · 17-08-2010, 12:13 AM

وهذا فطوري اليوم كان شربه رز وبفتيك وفليفله وكروكيت بالجبنه واللحم والحلو كان سويسرول

[IMG][/IMG]

[IMG][/IMG]

[IMG][/IMG]

[IMG][/IMG]

**الحالمه3** · 17-08-2010, 12:18 AM

السلام عليكم امممممممممممممممممممممممممممممممم صحة ايدياتك يا هناء نبي طزيقة الفليفلة باش انديرها بكرة

ღღوصفات متميزةღღسفرتك الرمضانية لشهر رمضان المبارك "متجدد" ^^ الجزء الأول ^^

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق