ღღوصفات متميزةღღسفرتك الرمضانية لشهر رمضان المبارك "متجدد" ^^ الجزء الأول ^^

**omsuma65** · 18-08-2010, 12:05 PM

السلام عليكم ورحمة الله
كيفكم ياغاليات
سفركم تجنن بدون استثناء اني قاعده نتفرج
ماشاء الله عليكن
والله حابه انشارك وطبعا صورت اغلب السفر
اليومين اللي فاتوا
بس صراحه توا اليوم حبيت انحط الصور القيت الكاميراء خاشلها
فيروس ملعون وزعلت
وانتم تعرفوا لما تتعبي اكثر من يوم وتصوري وتفتلكي واااااك ويريح عليك
لكن الاستاذ قالي ان شاء الله انديروا حل
هيا توا عندي سفر امتاع السنه الماضيه لي ولبنتي ممكن انحطهم؟
ردوا علي بسرعه ههههههههههه
اختكم ام سوما

**ماما الاء** · 18-08-2010, 12:08 PM

وهذا السويسرول متاعي

الحق قبل بنحط وحدة من الصورتين مشو عجبوني الزوز قلت خلي نحطهم وخلاص

وهذا الرابط

http://www.lakii.com/vb/showthread.php?threadid=597778&s=

**النرجس الغالي** · 18-08-2010, 12:13 PM

صباح الخير والانوار والابداع على احلى لمه وربى يهنى صاحبة الللمه وينولها اللى فى بالها
مشاء الله سفر تهبل وفن مش عادى سفرة احلى من سفره من غير ما اذكر اسماش باش مننساش وحده من المبدعات
كيتى الغاليه كيف حال الوالدان شاء الله احسن
حنان ليبيا والله مشتاقه لك حيل يا صاحبة الحلو التركى اللى دار دورته على سفر الحبايب
ماما الاء منوره الله ياعينى على الابداع اللى راح نتفاجا بيه منك

**ميلا** · 18-08-2010, 12:16 PM

ماما الاء;ميلاااااااا كل عزومة وانتي بخير ان شا ءالله معليشي خنبت منك طريقة الكيكة شكلها حلوة وتشبه طريقة بنت عمتي بهوجة في التراميسو سبق ونزلت طريقتها بس الحق انتي حاطة النوتيلا ومع النوتيلا اكيد الطعم احلى واحلى يسلموووو الايااااديالله يسلمك ماما الاء ،، اخنبي على راحتك صح هي قريبة من التراميسو وطيبة كثير بس لما تكملي تحضيرها لازوم تبرديها ولو شاعتين ولكي تحياتي

**ملكة بنقابي~** · 18-08-2010, 12:19 PM

صباح الخيرات

الحالمه * غيدونا * الاء * كيتي

بارك الله فيكم علي دعواتكم

ان شاءلله تصادف ساعه استجابه و ربي يتقبل منكم

الحالمه
بارك الله فيك ياحبيبه أني ياسمحه في كندا

كاني قريبه راهو جيتك لعندك الله يجزاك خير ماقصرتي والله

بس دعوه منك بس بظهر الغيب تفرحني هلبه

أذن الفجر بنوض نصلي

**ميلا** · 18-08-2010, 12:21 PM

ميلاااااااا كل عزومة وانتي بخير ان شا ءالله
معليشي خنبت منك طريقة الكيكة شكلها حلوة وتشبه طريقة بنت عمتي بهوجة في التراميسو سبق ونزلت طريقتها بس الحق انتي حاطة النوتيلا ومع النوتيلا اكيد الطعم احلى واحلى يسلموووو الاياااادي

يسلمك ماما الاء ،، اخنبي على راحتك صح هي قريبة من التراميسو وطيبة كثير بس لما تكملي تحضيرها لازوم تبرديها ولو ساعتين

ولكي تحياتي

**kittygago** · 18-08-2010, 12:30 PM

sama 2 ... اهلين بيك يا حبوبة نورتي موضوعنا

و مشكورة جدا

omsuma65 ... نورتي موضوعنا يا حبوبة و تفضلي نزلي حتى صور السنة الماضية ... لكن احنا نراجو حتى في صور رمضان هذا

اجري وراه الفايروس و تو يهرب

ماما الاء ... مشكورة يا حبوبة على السويسرول .. ما شاء الله طريقة مرتبة و حلوة

و هذا الموضوع شايفاته من السنة اللي فاتت

سامحيني صايمة ما عادش بديت نركز

النرجس الغالي ... بارك الله فيك يا حبوبة على السؤال .. الوالد حاله احسن من قبل و الحمد لله

ملكه بنقابي ... ربنا يكتبلك الشفاء العاجل يا الله و تقعدي ديما نوارة عيلتك يا رب

**ميلا** · 18-08-2010, 12:36 PM

السلام عليكم و رحمة الله

ميلا .... صحة فطوركم يا حبيبة ... ما شاء الله عليكم و يعطيكم الصحة

[CENTER]فطور امبدع ... بس نبي نعرف ما شاء الله امتى خشيتو الكوجينة باش لحقتو عليه ... أني على حاجتين تلقيني حايسة في روحي ربنا يحفظكم من كل شر

الله يخليك اختي كيتي

والله تبي الصراحة اني غبت من العمل على شانه

ونضت الساعة 9 درت الحلو ،وبعدين قعدت انكمل في الباقي واخواتي ساعدوني بس كل شي من تحت ايديا ..

**ميلا** · 18-08-2010, 12:42 PM

السلام عليكم

الاخت الملكة بنقابي

ان شاءالله ربي ما يوريك سوء يخليك لعويلتك

**ماما الاء** · 18-08-2010, 12:48 PM

رجعت من ثاني

كيتي ،،، والله جاية بنقولك انتي رادة عليه الموضوع بس قلت اكيد صايمة نربح فيك اجر ونجيبهولك ثاني

صحيتي على الصور مش عاديات بكل تحففففففففة عجبوني على الاخر
توة هكي بنشدها عليك ونبعثلك هههههه

عزومتي امس اللي ما لحقتش نصور فيها سفرة النساوين صورت سفرة الرجالة ووبببببسسسس

اول حاجة الكلوكة

جزء غمسته بالفستق وجزء باللوز الاحمر وجزء باللوز الابيض وجزء بجوز الهند وحطيت بينهم تمر وقراصية ومشماش مجفف قلت اهو للزينة بس اكتشفت انه كلوهم صحتين عليهم

وهني البكلاوة والكنافة

بكلاوة فستق وبكلاوة لوز احمر وبكلاوة لوز ابيض جابهم بابا من محل عمي واني نستف فيهم قريب هبلت الحق وبعد الفطور ما كليت شئ وتوة قريب نهبل نبي ناكلهم أهئ أهئ أهئ
وفي كنافة بالفستق وكنافة باللوز الاحمر جابتهم ماما من عالم البكلاوة يمي يمي يمي هي الصورة مش واضحة هلبة بس توة نبعث صورة لكيتي تكون اوضح هع هع هع هع

نجو للعشي

الشربة طبعا ما تصورتش المسكينة نسيتها
والغريب انهم كلو الشربة والدكتورة التونسية عجبتها على الاخر مع اني درتها بالدشيشة قالت ليا عندهم الشربة التونسية بالدشيشة وهيا تحبها وليها هلبة ما كلتهاش ولهذا ما خلت فيها شئ وكلهم ما خلو فيها شئ صحتين عليهم

السلايط درت سلاطة مايونيز بالفاصوليا الخضراء والسفناري والذرة والزيتون والفلفل الحلو ودرت سلاطة مشوية
ولغيت فكرة السلاطة العربية وحطيت شريح طماطم وخيار في جناب الصواني منها زينة ومنها وكانها سلاطة شرائح

بيتزا وبوريك بالسلق والجبنة والمرة هذي درت فيه جبنة فلادلفيا بالثوم المعمر وطبعا كانت النكهة غير عادية جربوها وادعولي

شيش طاووق وامبطن

محشي سلك

رز بالخلطة

وسامحوني على التقصير معاكم

شكرا لكيتي على شغلها الصور سامحينااااااا بالله عليك وربي يعطيك الصحة والعافية وتتهني انتي ورويجلك وعزوزتك يا بختهم بيك

**FARFORA** · 18-08-2010, 12:56 PM

ماشاالله صفر تجنن من غير دكر اسماء باش مننسوا حد

كيتي حبيبتي بنسالك عالسمبوسة الي بالفرن الزبدة قصدك بحرارة الغرفة ولا سايحة عالنار

الوءة ان شاالله توفقتي في عزومتك عاد ماينخافش يالولو

**kittygago** · 18-08-2010, 01:03 PM

العفو يا ألو .... غير الحساب راك تنسيه يع يع يع
و العزومة ما شاء الله

ربنا يعطيكم الصحة على العزومة المبدعة

و اللي رعشني امثر لقطة الشيش طاووق و الرز بالخلطة

يرعشووووووو

و بالنسبة للمعازيم بالسيف من عليهم بياكلو

اللي يشوف هذا كله قلبه يطيح

و يا ودي من غير ما تقولي كملو كل شيء

زابطين شن تقصدي

خخخخخخخخخخخ

فرفورة يا حبوبة ... الزبدة سايحة ديريها

**omsuma65** · 18-08-2010, 01:05 PM

كل عام وانتم بخير
اهدي سلامي لكل من يحضرنا
اليوم انزل لكم مائدتي البسيطه
وبما انه سفرتي او طاولة الاكل صغيره
حطيت الاكل بالتناوب طبعا عملنا الجلسه عربيه

حتى انحسوا شويه بسفرة
رمضان
اولا مائدة الافطار وتتكون من
التمر والحليب والعصير والحلو قطايف

تمرات ايرانيات
يسلام لو كان التمر ليبي
رطيبات مصراته
والا الجفره
اه

ماء ماء مااحلى الماء بعد الافطار

ههههههههه شلنا الصالون وعملنا جلسه عربيه

اولا وزي ماقلت الطاوله صغيره قسمت التصوير على مرتين

اولا السلطه وهي عباره عن خس وخيار
وطماطم وليمون وملح وزيت

شربه ليبيه

العصبان الليبي

ارز بالكبده واللوز

امسير

خبز الفرن
طريقة امي حفظها الله

هذه باقي السفره

كفتة البشاميل وهي من عمل بنتي بتو

اسفه هذه صورة الدجاج سقطت
سهوا نسيته وماصورته الا بعد قدمت
الاكل وهو دجاج بالبقدونس
والكسبر والبصل والثوم لذيذ

هذه فطيرة الكاروهات

خبيزة التونه والزيتون على طريقه الكروسوان

مثلثات اللحم بعجينة الباف العجينه جاهزه

يتبع

**ماما الاء** · 18-08-2010, 01:07 PM

يا عطيهالك يا كيتي خخخخخخخخ
ما تخافيش ما كلو شئ غير الشربه
كله قاعد والله
بس انتي تفضلي الصدر الك والعتبة النا على قولة السوريين
حاجة خاصة ليك يا وده

**omsuma65** · 18-08-2010, 01:08 PM

بسم الله الرحمن الرحيم
وطبعا الحلو كانت الدبله الليبيه

والقطايف

واخيرا كانت الفاكهه وعملتها سلطة
مع عصير الكوكتيل

وهيا من ترد الاولى اهديها هذا الكاس
بس تاكله بعد الفطور
هههههههههههه

واخيرا وليس باأخر
جاء دور البخور
هههههههههههههه

اتمنى ان تعجبكم العزومه ومش
احبكم جميعا
اختكم ام سوما

ღღوصفات متميزةღღسفرتك الرمضانية لشهر رمضان المبارك "متجدد" ^^ الجزء الأول ^^

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق