تويت
سويت تبارك الرحمان هدا كله وتقولي سفرة بسيطة ماشاالله منتهى الابداع
ممكن طريقة الي في الصور قبل الاخيرة معرفتش اسمه وطريقة الحريرة
ممكن طريقة الي في الصور قبل الاخيرة معرفتش اسمه وطريقة الحريرة
-
التعديل الأخير تم بواسطة FARFORA; 17-08-2010, 02:24 PM. -
حطيهم يا فرفورة في الرف الوسطي و خلي درجة الحرارة متوسطة
تعليق
-
مساء الخير يا حبوبات
او على قولة ماما قايلة الخيررررررررررر
الجو برة صهددد رسمي الله يعين
يا كيتي والله ماني ناسية تفكرت طول صوابع لولو لين عيني دمعت /// من البصل اللي في ايدي طبعا ههههههههههههههه
هذا يا سيدي حاجة واخترعتها في رمضان 2008 اني قلت من غير اسم مشي بابا اول ما شدهم وكلاهم قال هذو صوابع لولو ههههه اني طبعا هههههه
هكي القصة وله يا كيتي راه ذاكرتي زفته على الاخر
اني ما لحقتش نقرا كل الردود والله مشغولة في المطبخ
بس درت ماكلتي العادية
شربة ليبية على كيف كيفك
رز بالخلطة
سلاطة عربية
سلاطة مشوية
سلاطة فاصوليا خضراء وسفناري بالمايونيز
ضولمة سلك
امبطن
بوريك بطاطا
ودرت شيش طاووق على اساس نوع لحوم مشوي للتغير يعني
ومش عارفة شنو ثاني الله اعلم ماما كل مرة تشوف وتقيس
والحلوووووووووووووووووو
ما بيتش نعقد روحي الحق خذيت حلويات شرقية من عالم القهوة وساااااااااااااااااد
صحتين على الجميع
ايه حقا يا كيتي اليوم توة نبعث ليك انتي صور عزومتي مش اديري اسمي عليها لين ربي يرحم وانزل فوتو
سلااااااااااااااموووووووووو يا حلووووووووووووووووواااااااااااااات.. { إِنَّ رَبَّكَ لَبِالْمِرْصَادِ }..
تعليق
-
السلام عليكم و رحمة الله و باركاته
ماااااااااااشاء الله بصراحة صفر مش عادية ربي يزيد و يبارك
كل البنات مش حابة ندكر اسماء لانه الصفحات اللي فاتتني هلبة و خايفة ننسى حد
هدي مشاركة جديدة بس الصور قديمة توة كيتي تدكرهم هههههههههههه
لفائف الدجاج لعيون ام جنى الغالية(مشاركة لملف عالم صدور الدجاج)
انتظروا صوريتعليق
-
بسم الله ماشاءالله ابدعتو ياغاليات ...انتظروني للمشاركة معكم ان شاء الله
شكرا من القلب ياأحلى عبق
تعليق
-
كيتي ... فرفورة والله عيونكم ذوقات وحلوات الله يسعدكم اسعدتوني مع اني نعتبر مقلة في الاصناف لكن الحمد لله اهم حاجة عندي منكترش في الكمية ونوع في المكونات
حتى انتم ماشاء الله فن وذوق ونفس حلو باين من الصور الله يبارك
فرفورة حبيبتي بالنسبة للصورة قصدك فطائر الخضار ؟؟
عجينتها اي عجينة بيتزا ناجحة ومعتمدة عندك تفرديها وتقطعيها دوائر اكبر من حجم قوالبك شوية وتغلفيها بالعجين وبالنسبة للحشو.. حشيتها بازيلا جاهزة او مطبوخة المتوفر عندك وحبة طماطم وبصلة صغيرة وحبة فلفل حلو صغيرة تقطع مكعبات ناعمة وتشوح في شوية زيت او تشوي في الفرن وجبن مثلثات مقطعة صغير حوالي 4 حبات ورشة ملح وفلفل اسود وزيتون شرائح ومعدنوس وبيضتين وتخلطيهم كويس وتحشي القوالب بعد ماتخرميهم شوية بالشوكة وتكون كمية الحشو لاقل من حافة العجين بشوية وتخبزيها في فرن حرارة من تحت وبعدين من اعلى لين تتحمر وبعدين تزين بجبن شرائح ورشة سماق ان توفر او نعناع مرحي
وتقدري تزودي في الكمية حسب العائلة وتنوعي بالحشو كذلك
بالنسبة للحريرة ساهلة والصراحة خفيفة قبل كنت نحس فيها مصعبينها لكن ماتأخدش وقت
الكمية ل 6 اشخاص
بصلة متوسطة مفرومة ناعم + لحم مقطع مكعبات صغيرة +نصف كوب حمص +ملعقتين عدس اسود +زيت زيتون + نقليهم علي نار هادية وبعدين نضيف ملعقتين كبار كرافس مفروم وزيهم كسبر مفروم وعود قرفة وحبة زنجبيل وملعقة صغيرة معجون طماطم ونصف ملعقة صغيرة ملح وربع فلفل اسود وشوية بزار وفلفل احمر ونحركهم علي النار شوية وبعدين نضيف ماء ونتركها تغلي علي نار متوسطة حتى يستوي اللحم والحمص
نجهز ملعقة كبيرة معبية دقيق ونحلها في نصف كوب ماء ونضيفها مع التحريك للشربة ونضيف ملعقة كبيرة شعيرية ونخليها تغلي حوالي 10 دقايق ونطفي النار ونضيف عصرة نصف ليمونة حامضة ونتركها لوقت التقديم
ملاحظة حجم القدر يكون صغير وقبل مانضيف مزيج الدقيق يكون مستوى الشربة ل 3/4 القدر
وبالهناء والعافية
تعليق
-
ألو يا ألو عاش من شافك نورتينا بطلتك ياقمر ...
ربي يعينك اكيد من ايدك كل شي غير وان شاء الله تمشي الامور زي ماتحبي واكثر
حنونة تسلمي ياقمر انتي الاصل ولو
ناني تشرفينا بابداعاتك ياعسل ..
ربي يزيدكم من نعيمه
تعليق
-
السلام عليكم
هدي سفرتي في احد الايام اللي فاتو مش عارفة اما يوم ههههههههه
كنت نوتي في الفطور اتصلت بيا كيتي تسأل علي القزلامة ههههههه و اني كنت كيف بنحط طاجين المكرونة بالفرن بعدها جاني زوجي قالي شن رأيك انادو علي حوش اختك يفطروا معنا بالمناسبة البنوتاتين كانوا بايتين عندي فكانت هده الصفرة
على فكرة العريسات ساعدوني في عمل القوارب
الفطور كان شربة حوت عربية و شربة لحم عربية
مكرونة بالباشاميل
امبطن
سلاطة فقاع و ذرة و زيتون و طماطم
سلاطة مشوية
قوارب المفروم و قوارب الجبنة(اللي هبلت عليهم كيتي يوما ما هههههه
بوريك بالدحي و كان فاضل شوية من بوريك الجبدة
و ام نور و انام جابت معها :بيتسا و الاصابع بحشوة المفروم و البطاطا المقلية
و طبعا الحليب و العصير و المية و التمر
و الحلو كان لقمة و قزلامة
و تورتة بعتتهالي حماتي للامانة
تعليق
-
يسلمو على
الطرحتعليق
-
يسلمو
اختيتعليق
-
صحة ليك يا ألو ... ذاكرة مية مية و يعطيك الصحة على الإختراع الحلو
و ربنا يعينك على العزومة
لكن اللي درتيه ما شاء الله روعة ... يصفرتك راح تكون متنوعة ما شاء الله
و خلاص ابعثي الصور ليا و راح نخدمهم بالفوتو خخخخخخخخخخخ
تحملي شن بيجيك مني ... و شن الألوان اللي بنختارهم
حيه عليك و مرات نكتب عليهم من لوطة و بخط حجمه 2 اسمي خخخخخخخخخخخخخ
حقوق الطبع محفوظة خخخخخخخخخخخخخ
حنونة يا غالية ... و ننسى هذاكه اليوم لما ضقت لفائف الدجاج من تحت ايديك
يومها لقيتها حاطتلي طرفين في صونيتي و فعلا كليتهم الطرفين و يعدين جاني تعليقها و قالتلي عرفتك راح يعجبك هذا علاش حطيتلك زوز
حسيت روحي طلعت مفجوعة خخخخخخخخخخخخخخخخخ
و بطني كبيرة
خخخخخخخخخخخخخخخخخخخ
لكن الحق يا بنات فيهم طعم غير عادي و بنة بنة بنة
ربنا يبارك فيك يا حبوبة و ينولك اللي في بالك
ناني يا حبوبة مرحبتين بيك في موضوعنا و نورتينا
تعليق
-
ماشاء الله حنونة سفرة اهل كرم وجود الله يزيد من نعيمه وياااااارب العام الجاي بفرحة قلبك بذرية صالحة
وربي يبارك في اوخيتك ويحفظ لك احبابك
ماشاء الله فنانة ونفسك حلو ربي يعطيك الصحة
وصحة والف هناء
تعليق
-
الله يبارك فيك يا سويت و يحفظك
حنونة يا حبوبة
سئلتك بالله ... طريقة قوالب الجبنة مرة ثانية لو سمحتي
يا بنات راهي مش عادية و بنتها حلوة و خفيفة هلبة
نراجي فيك حنون
تعليق
-
هههههههههههههههههه ضحكتيني كيتي و الله جو عليك صحيحة كان لقيت وكلتك الطاجين كله و لا يهمك
كنت بنزلها توة طريقة قوارب الجبنة بس مش عارفة موقع التحميل photobucket خيره معاي اليوم شكله تعبه بالله لو تعرفوا موقع كويس ايعتوهولي النجدة
و بالنسبة للطريقة حبيبة راهي عادي جدا يعني السهل الممتنع خخخخخخخخخخخ
العجينة:
كوب زيت
كوب زبدة
شوية زهر او عطر و ما يعجن دقيق
شوية بيكنج بودر
الكوب صغير مش كبير لانه يطلع كمية لا باس بيها
الحشو:
جبنة كيري او فيلادلفيا
الجبنة الحمراء
و اي نوع جبنة
يعني خليط من الاجبان مع بعض
معدنوس
و اضربي عليهم بيضة باش الحشو يتماسك و ينتفخ
و توة بديت انضيفلها في حبق مجفف لانني بجد نموت فيه بس يومها ما كانش فيها حبق
سويت بااارك الله فيك و الله انت اللي ابدعت ربي يحميك و يخليك ماشاء الله عندك ترتيب و تنظيم مش عادي متاع وحدة بالفعل حسها فني راقي
تعليق
-
السلام عليكم ورحمة الله وباركاته اني أخت ماما لاء الصغيرة ومشاء الله عجبتني صفرتك قصدي كاملة وصوانيك ايهبلو يا سعدودهم بيك يلي كلو الماكلة من تحت ايديك وتسلم ايدك وصيحة عليكم كلكم
السلام عليكم
ماشاء الله عليكم بصراحة ارقوا روحكم من العين الله يبارك
كيتي ياغالية تبارك الله عليك ربي يجزاك ماتتمني
هنو لابأس عليك ياقمر ربي يحفظك .. ماشاء الله عليك سفيرات يشهوا النفس
ربي يباركلكم في أرزاقكم
كل البنات الله يسعدكم ويحرسكم
وصحتين وهناء
تفضلوا سفرتي لأمس متواضعة وبسيطة ... قدام ابداعاتكم وسفركم الشهية .. يمي يمي
تتكون من
حريرة مغربية
سلطة كرنب وجزر
مدمس قرعة ( بكيوة )
محشي كرنب
خبيزة ملفوفة
فطائر خضار وجبن
فروبي مانجا
وماء شعير
وصحتين والف هناء لقلوبكــــــــم.. { إِنَّ رَبَّكَ لَبِالْمِرْصَادِ }..
تعليق
تعليق