ღღوصفات متميزةღღسفرتك الرمضانية لشهر رمضان المبارك "متجدد" ^^ الجزء الأول ^^

السلام عليكم جميعا منورين الملف
ام السنفور مشكورة على طريقة الاكلير ربي يسلمك ويخليك
غيدونا وام احمد ومينا وحبيبة ماشاء الله عليكم تسلم الايادي على قولة فتافيت
غيدونا ممكن نعرف طريقتك في الزلابية شكلها يسهف
مينا طريقة عجينتك عجبتني وان شاء الله نجربها بس نبي نعرف طريقة الافخاذ درتهم مرة ماجونيش اقنينيين منها ماعاودتهم
نوسة وين طريقة الحلو ياحلو
حبيبة ماعندي مانقول عنك بصراحة مبدعة للآخر وانا متابعة لوصفاتك الحلوة ودايما ندعيلك بالذرية الصالحة ..... نبي نعرف طريقة اللفائف والكفتة اذا مافيه غلبة عليك
عارفة روحي كترت عليكم بس سمحوني
ابريكة كيف حاللك ياحبيبة
كيتي وينك ماعادش بنتي وشن حال الوالد ربي يشفيه
فرفورة كيف حاللك مع الصيام
ملكة لاباس عليك ان شاء الله حالك باهي توة
مغتربة وينك
ليبيا قلبي ماشفتهاش بينكم وجنان وسود الهداب ووووو ماتسعفنبش الذاكرة ان شاء الله الكل بخير وصحة وسلامة

اسيرة السهر معليشي نسيت ما كتبتلكش الطريقة

اولا طريقة العمبرة اللي فوقها لوزة
كوب زبدة لينة _ كوب زيت _ كوب ماء ورد او عطر _ نصف كوب جلجلان _ ملعقتين صغار بيكنج بودر
شكليها على شكل دمعة و حطيلها لوزة و بعد الخبز عسليها

طريقة اصابع الجلجلان
كوب زبدة لينة نصف _ كوب زيت _ بيضة _ فانيليا _ كوب لوز مطحون ناعم
نصف كوب سكر ناعم _ ملعقة صغيرة بيكنج بودر _ حوالي 3 و نصف اكواب دقيق ممكن يحتاج زيادة
شكليها اصابع و بعد الخبز عسليها و غمسيها في جلجلان محمص
خفيفية و هشة اكيد تعجبك

و اصابع البكلاوة تقريبا معروفة للجميع
عجينة كلاج جاهزة و مكسرات مجروشة لفيهن اصابع و بعد الخبز عسليهم

مشكوووووووووووووورة

مشكوره ع ردك ياا سمحه - وربى يهنى ايامك


بس عندى استفسار كيف ورقه مسلوقه يعنى البوريك نسلقه !!

انا نستعمل فى رواق البوريك العادى

السلام عليكم ورحمة الله وبركاته
صحه فطوركم كلكم كلكم
اسيره حاضر توا انقولك الطريقه ياحبيبه
بيبي دوح توا كلام تقوليه انت غل تعالي نفرشلك الحوش ورد ياعسل مش صفره توري وتانسي ياريتك جارتي هههههههههههه
بالنسبه للبشاميل انا اندير 3ملاعق زبده و3ملاعق دقيق وشويه ملح وشويه فلفل اسود انحطهم علي النار بعدها انحط كوبين حليب ونص كوب ماء ونحركهم حتي يختر وبعد مايبرد انحط بيضه وحده ونخليه علي الجنب ونسلق مكروبه انا انحبها مكرونه بينه نسلقها في ميه وملح وشويه زيت نخليها نص طياب ونطيب كيمه عاديه بالبهارات مش شرط مفروم لحم حتي دجاج نقطع الصدر قطع صغيره ونطيبه زي الكيمه طبها حمراء يعني فيها زياده بهار وفلفل وادا بالدجاج جطي شويه زنجبيل وزعتر وحبق انحي السالسه بنتها حلوه المهم بعد ماطيب الصالصه نتبل كل من الباشميل والمكرونه بشويه دهان الصالصه طبعا السالسه خاتره يني فيها شويه دهان وبعدين انحط البشاميل علي المكرونه ونخلي شويه بشاميل للطبقه الاخيره ونجيب الطاجين ونحط المكرونه الي مخلطه بالباشميل نصها نحطها في الطاجين ونحط فوقه المفروم او الكيمه وبعدها نغطي بالنص التاني امتع المكرونه بالبشميل ونجي لباقي الباشميل وونضعه علي المكرونه طبقه ونجيب جنته شرائح او مازوريلا الي تحبيه ورشها طبقه في الاخير وتحطيه في الفرن وتاكلو بالهني هدي طريقتي وتجي بصراحه حلوه وبنينه

نوسه مشكوره ياحلوه ان شاء الله راح انديرها في القريب تسلمي يارب

تعرفي ياسويت ديما انفكر انغامر وندير المحشي في الفرن ونخاف لكن مدام انت اكتي فطيران المحشي في الفرن

بسم الله ماشاء الله عليكم كلكم
ام احمد نورتينا وصحة شربتك والحلو متاعك شنى هو؟؟؟
فرفورة سامحينى بكري ماشفتش ردك متاع المحشي لانه كتبتلك رد الاسكالوب واتصل بيا الشنبير قالي بنروح انى وصاحبي علي الفطور فا نضت للمطبخ
حبيبة زوجها ماشاء الله اكلاتك يهبلووووو وقوالب الارز بدجاج جونان جوووووونان منظرهم واكيد البنة احلى على فكرة خبزة البيداء درتها تهبل والله يعطيك الصحة بنزل موضوع تطبيقها وماسخرش المولى
مينا صحة صحة الضولمة خدتلي عقلي خاطري فيها موووت وندور في السلق مانحصلش فيه وبيني وبينك مانزبطاش كيف شكله نعرفه زي الورقه الكبيرة وخلاص بس هنايا شفت حاجة زيها قالولي مش سلق

هنو ماشاء الله علي فطورك صحة صحة والكلير يمي يمى جاك احلى من متاعى يسلمو ايديككككك

مشاء الله ابداع يابنات ليبيا مبدعات عن جدتحتار العين لشنو تشبح يارب سفركم عامرة ديما
وربى يطرح الصحه والعا فيه بكل وحده طبخت وصورت وقدمت لاهل بيتها و لمتابعات الملف الرمضانى وكمان شرحو اجابات بكل رحابة صدر من كل حبوبه اخواتى الله لايحرمنا من اللمه الحلوة ويارب يتمم علينا بطله الحبوبه كيتى وتطمنا على والدها
حبيبه زوجها كل عام وانتى بخير يا غاليه والله ليك وحشه وربى يبارك فيك على الصفر ة اللى تبدع مشاء الله
وربى يسلم ايدين ام احمد على اطباقها المشهيه لكن لو تسمى لنا اطباقها بالذات المعجنات
حت نبلش معها بالسوال
وصحه وعافيه عليكم ياهناء فطور مرتب ونازك
وسامحونى اذا نسيت وحده من المبدعات هى صورالوصفات تحكى

اه نسيت حبيبه زوجها قوالب الدجاج اللى بالرز كل حاجه تطيبيها بروحها صح