معجنات تقليدية من كل البلاد العربية المسابقة انتهت انتظرونا قريبابحفل التكريم

**ragod** · 31-05-2008, 11:22 PM

ربي يسلمك يا أم اللول

والله انشغل بالي
قاعدة و عم قول وين الجماعة ما حدا بين
الظاهر أم البنات نسيانة تشغل الكاميرا تبعها

اجت من حظ سمسماية..............خخخخخخخخخخ

ليش يا قلبي عم تقولي عن حالك هيك
و الله خبزاتك و منقوشاتك بيشهوا

**(( ام ماهر ))** · 31-05-2008, 11:25 PM

ما شاء الله رغووووووووووووووووووووووووود روووووووووووووعه انا افتكرت انك انت فى الصور الاولى هههههههههههههه بمزح

**ragod** · 31-05-2008, 11:26 PM

المشاركة الأصلية بواسطة randd

ما شاء الله رغووووووووووووووووووووووووود روووووووووووووعه انا افتكرت انك انت فى الصور الاولى هههههههههههههه بمزح

لا حبيبتي هاد الصبي يلي بيشتغل بالمحل عندي

ههههههههههههههههههههه

**ام ليانة** · 31-05-2008, 11:30 PM

لا ياقمر

انا زعلانةعلى تراثنا وخيرات بلادنا الي راحو لما هاجرنا ... الموضوع بيقلب مواجع مالها اول من آخر ما وعينا على الطابون ولا السمن البلدي و لا موسم الحصاد ولا جني الفاكهة ... كله راح ولم يبق الا في ذاكرة اجدادنا .... وامهاتنا ما حضروا شي واولادنا هلا ما بيعرفو الا البيتزا والبرجر والناجيت والهوت دوق ... وتراثنا واكلاتنا الله يتولاها وتلاقي حدا يستمر في اعدادها ... علشان هيك موضوع تغريد كتير اثر فيَ الله يعطيها الصحة

الله يفرجها على الفلسطينين وين ما كانوا

وهلا حانزل حاجة جديدة خليك هون لا تروحي ههههههههههههههههه

**ام ليانة** · 31-05-2008, 11:33 PM

السلام عليكم ورحمة الله وبركاته

عدت اليكم من جديد لاقدم طبق آخر في مسابقتنا الجميلة وطبقنا هذه المرة طبق فلسطيني اصيل وهو فطائر اللحم بعجين وفي بيسموها لفائف وبيسموها كمان المزحلق وفي ناس كمان بيسموه مطبق مالح وانا باسميها السمبوسك الفلسطيني هههههه وباقدم كمان فطائر السبانخ والمطبق الحلو وكله بنفس العجينة
نبدا بتجهيز العجينة المقادير وطريقة الفرد واللف والتطبيق

حتلاقوها على هذا الرابط

فطائر لذيذة وشهية وبالصور التفصيلية جربوها وادعولي ....موضوع متميز

انا للحشوة استعملت

500 غرام لحم عجل فيليه ومقطع راس عصفور يعني صغير فرم يدوي مو عالمكينة
5 بصلات متوسطة مفرومة وسط لا خشن ولا ناعم كتير

ملح وسماق وبهار و هيل ناعم ورشة كمون وبابريكا وفلفل اسود او اي بهارات بتحبيها

بنضيف اللحم في مقلاة حتى يجف ماءهاويتغير لونها وتبدا تنضج ثم نضيف قليل من زيت الزيتون او الزيت النباتي ثم البصل المفروم ونحركهم الى ان ينضجوا تماما نضيف الملح والبهارات المفضلة لدينا واهم شي السماق لازم يكون طعمه ولونه ظاهر وانا هون ضفت معلقتين دبس رمان غمق اللون اكتر هههههه ممكن تضيفوا صنوبر مقلي اولادي ما بيحبوه في الحشوة وهنا صورة الحشوة

وطريقة فرد العجينة ولفها حتلاقوها في الرابط بصراحة كان الجوال عندي معلق ومش راضي يشتغل من كتر مافي صور اكلات مسكين يعاني من تخمة فظيعة ههههههههههههه وبديت اشتغل ولله الحمد بعد كدة تسهلت الامور واشتغل وكملت الصور
واحب الفت انتباهكم ان هذه العجينة هي نفسها عجينة الفطير ونفسها المطبق لان مكوناتها دقيق وماء وملح وميزتها عن الفطائر المضاف لها خميرة انها تكون هشة جدا وفيها قرمشة محببة ... وطبعا لاننسى كمية الزيت المعتبرة والسعرات الحرارية العالية

اللفائف قبل الخبز

وهنا لفائف جبنة وسبانخ ومطبق حلو حشيته بقرفة وكسرات وسكر

وهنا بعد الخبز تفضلوا طعم ونكهة غير شفته الجبنة كمان وممكن نعمل السبانخ بنفس الطريقة وهذا برجع لزوئكم

وهنا فطائر السبانخ

وهنا المطبق الحلو ومع القطر طعمه تحفة وسعرات حرارية لا توصف ههههههههههه

وهاي كمان صورة احتياط لام الامورات لو تاخرت انا عارفاها بتحبه موت مع الشاي
المغربي بالنعناع يا سلام

وهذا طبق الكعك

هديتي لكم يا احلى صبايا علشان تفتكروا التراث الجميل وليالي العيد حين يجتمع جميع افراد العائلة ليتعاونوا في صنع الكعك والمعمول ويكون الحي كله معبق براحته الذكية التي لا تنسى

ربي يجعل ايامكم كلها اعياد وينعاد عليكم بالخير والبركات وان ينعاد على الشعب الفلسطيني وقد استبدل الله حالهم الى احسن الاحوال وان يمن عليهم بالامن والامان دعواتكم غالياتي ان يجمعني مع اهلي عاجلا وليس آجلا وهم جميعا بالف خير

ارجو ان تكون اطباقي المتواضعة عجبتكم وان لا تنسوني من دعواتكم الحلوة

تحياتي غالياتي

ودمتم جميعا بالف خير

**ragod** · 31-05-2008, 11:40 PM

ما شاءالله أم ليانة
شي بياخد العقل
ربي يسلم ايديك و عينيك

و ان شاءالله بتفرج عن قريب و بيرجع الحق لأصحابه و بتفرحي بشوفة أهلك أنت و عيلتك

عن جد هالمسابقة قلبت علينا المواجع

بس والله أنا مبسوطة عليها ...خلتني أرجع للأصول شوي و دور على التراث الغني يلي عنا
بلا بيتزا و بلا بطيخ

الله كريم

**ام البنات ** · 01-06-2008, 12:20 AM

ما شاءالله ما شاءالله ما شاءالله ما شاءالله
ام اللول يا ام اللول ابدعتي حبيبتي
راحت الكلمات و ما عرفت احكي الله يعطيك الف عافية يا رب

**lone~ly** · 01-06-2008, 12:48 AM

ام اللللوللللللل
شو هاد يا قمر
شغل اسطوات
الله يباركلك بصحتك ووقتك واولادك ويفرحك فيهم يارب

رغود ياعينى على السمن البلدى يا اصيله ت
سلم ايدك

ام البنوتات خليلى قطمه من كل طبق شايفه انا مش طماعه
انت عارفه الظروف لازمنى غذا خخخخخ

**RAWAD** · 01-06-2008, 01:28 AM

المشاركة الأصلية بواسطة ragod

السلام عليكم و رحمة الله و بركاته

مرحبا يا حلوات

أولا" بدي اعتذر من أم الأمورات لأني فقعتها و مللتها و أنا أوعدها بالموضوع.
بس والله كان وقتي مضغوط شوي و ما حبيت نزله عالسريع و كيف ماكان...
بحب أعمل الشي على رواااااااااااااااق..

و الأن أقدم لكم أشهر المعجنات الموجودة في مدينة أبي الفداء و مدينة النواعير حماة و هي

السيالات
بالنسبة للعجينة فمقاديرها سهلة
طحين....سميد...ماء
بمقادير متساوية...نضيف لها الخميرة و نخلط حتى يتشكل لدينا عجينة شبه سائلة متل عجينة القطايف
رح حط صور تطبيقي و صور العمل على أصوله لأحد أشهر المحلات في حماة
لأنه بالبيت عملتها على التيفال ماعندي الحجر يلي المفروض تنخبز عليه
هي صورة العجينة:

الخطوة التالية رح نصب العجينة على الحجر الحديدي الكبير و تحته بتكون النار و الصب بيكون بإبريق خاص و رح نعمل شكل الرغيف الكبير
و نصب من برا لجوا حتى تستوي العجينة كلها مع بعض

هاد ابريق الصب و الآن شوفوا طريقة الصب

قبل ما تستوي السيالة رح نرش عليها الجوز المفروم و نغطيها بشكل كامل
عملنا هيك حتى يلتصق الجوز بالعجين

و الآن صور تطبيقي المتواضع

بعد ما غطينا السيالة بالجوز منكون محضرين السمن الحموي الأصلي
نحمي السمنة على النار و نكوي السيالة فيها( هيك بيقولوا) يعني نسقي السيالة بالسمن المحمى
الآن نرش السكر عليها و نغطيها تماما"
و بعد السكر نرش القرفة المطحونة

نكون قد حضرنا سيالة أخرى بس بدون ما نضع عليها شي

رح نستخدمها كغطاء..للسيالة الأولى
نضعها عليها

و نقدمها بالهنا و الشفا

يلي بيحب الحلو زيادة ممكن يحط عليها قطر
الجماعة عندي حبوها بالقطر أكتر..
صحة و مية هنااا

بعد ما درنا شوي بين المدن و بين الريف حبينا نطلع على البادية و نشوف شوفي عندهم ..
وللا البدو مالهم دور بالمسابقة

بادية الشام بتشكل حوالي ربع البلد يعني إلهم حق

و كمان منطقة حوران جنوب سوريا تشتهر بهذه الأكلة
خلصينا بقى قولي شو عندك

خلاص يا أم الأمورات رح قوووول

اللزاقيات
العجينة كمان سهلة و متل عجينة القطايف
طحين و ماء بكميات متساوية و شوية خميرة
صار عنا عجينة سائلة نتركها شوي تتخمر و بعدين نخبزها على فرن الصاج و نكون مشعلين الحطب تحته
و بيتشكل عنا رغيف كبير..رح تصير شبه السيالات الحموية

نقوم بخبز عدة أرغفة
و ندهنها بالسمن العربي ( سمنة غنم) و هي ساخنة

الآن الاختراع بطريقة التقديم...
توضع الأرغفة فوق بعضها بعد دهنها بالسمن و بعدين حسب رغبة الموجودين إما...
* نرش الجوز و السكر و نضع عدة طبقات فوق بعضها حسب الرغبة ، ثم تقطع قطع صغيرة و ت}كل باليد.
* تدهن بالحلاوة و الحليب.
* تدهن بالدبس .
* السكر فقط.
أنا عملت الطريقة الأولى
عملت 3 أرغفة و حطيت بينهم جوز و سكر و طبعا" أول شي دهنت بالسمن العربي و هي ساخنة

نطبق الأرغفة و نقطعها ...ثم نقدمها بالصحة و العافية

ولإضافة اللمسة الخاصة نرش الوجه بالفستق الحلبي المطحون..
اللزاقيات غالبا" تقدم في رمضان بعد وجبة الإفطار.
و مع تطور الزمن صارت تقدم في جميع المناسبات السعيدة و صاروا يضيفوا عليها أشياء حشوات جديدة متل الفستق الحلبي و اللوز و السكر الناعم و بما أنه البدو تمدنوا فصاروا ياكلوها بالشوكة و السكين مشان ما يوسخوا ايديهن..
تمنياتي للجميع بالصحة و السلامة

تخافوا من هالأكلات
لا بتضر و لا بتسمن لأنها تعتمد على خيرات الطبيعة الأصلية

*

ما شاء الله عليك يا رغود
تسلم الايادى يا عسل

ما شاء الله
اغتيالات للرجيم بلا رحمة

**ام ليانة** · 01-06-2008, 01:42 AM

ما شاءالله أم ليانة
شي بياخد العقل
ربي يسلم ايديك و عينيك

و ان شاءالله بتفرج عن قريب و بيرجع الحق لأصحابه و بتفرحي بشوفة أهلك أنت و عيلتك

الله يسمع منك حبيبة قلبي

والف شكر على دعواتك الحلوة وتسلمي من كل شر

ما شاءالله ما شاءالله ما شاءالله ما شاءالله
ام اللول يا ام اللول ابدعتي حبيبتي
راحت الكلمات و ما عرفت احكي الله يعطيك الف عافية يا رب

راحت الكلمات ولا الاطباق هههههههههههههههههه

انا حسبت حسابك بطبق احتياطي هههههه

ربي ما يحرمني منك يا عسل كلك زوء حبيبتي

ام اللللوللللللل
شو هاد يا قمر
شغل اسطوات
الله يباركلك بصحتك ووقتك واولادك ويفرحك فيهم يارب

الف شكر لنلون

جزاك الله كل خير على الدعوات الحلوة ولك مثلها يا غالية

**ام البنات ** · 01-06-2008, 01:57 AM

مرحبا

صراحة انا كنت حضل من المتفرجات

لانه كان عندي مشكلة بالصور

بس لما شفتي مشاركة الجميع و بالخصوص باقي الثلاثي غررررررررت هههه

تفضلوا السفنج البلدي على اصوله

الوصفة ديه تعلمتها من حماتي الله يشفيها

حكتلي انه بزمناتهم ما فيش بيت مبيضايفش احبابه بهاي الوصفة
و للان سبحان الله بالبادية لسه بيعملوها
و بيتفقوا يتجمعوا فاحد البيوت و كل وحدة حاملة طبقها معها
و بتكون جمعة مباركة بيحكوا و بيضحكوا و بياكلوا
و فنفس الوقت بيحكموا مين الاحلى

بتحتاجو نفس كمية دقيق القمح و نفس كمية الدقيق
رشة سكر و ملح و خميرةخبز
و ماء دافئ للعجن
نمزج الكل و نعجن لمدة 10د
حتى الحصول على عجين رطب و بيلصق بالايد شوي
نتركه يختمر نصف ساعة ل 45د حتى يتضاعف
نبسطه برشة خفيفة دقيق و نقطع حلقات
تترك تختمر من جديد من ربع لنص ساعة
تقلى فزيت و تقدم مع سكر و عسل

بس تعرفوا

هي احلى كثير و هي سخنة مع عسل

تفضلوا و يا رب تعجبكم

**ام ليانة** · 01-06-2008, 01:59 AM

تسلم الايادي يا غالية

هلا دوري باللطش ... سبقت الكل

روعة حبيبتي شفت كيف الدونات اصله عربي اصيل و هم اخذوه وطوروه ... فعلا وصفة ولا اروع ومن ايديك شكله غير وبتقولي بدي اتفرج بس

ولسة هاي اول تحفة بدنا التحف الباقية

تسلم الايادي ومن يد ما نعدمها ان شاء الله

**lone~ly** · 01-06-2008, 02:00 AM

هم انا جيت

اخ سبقتنى ام اللول

يلا صحه وهنا

انا بحافظ على اللياقه ههههه

تسلم الايادى ام البنوتات

**ام ليانة** · 01-06-2008, 02:07 AM

لنلون يا قمر ولا يهمك الطبق التاني الك

وكمان باتنازل عن طبقي الك وانا باعملها تطبيق لام الامورات

احنا لازم نتوصى فيك لازمك غذا

يعطيك الف عافية

**lone~ly** · 01-06-2008, 02:13 AM

هههههههه ام اللول لازمنى غذا مش تسمين
ما شاءالله كل وصفاتكم متوصييييين فها بالسعرات الحراريه
وهى يلى بتدى الوصفه الاصاله والطعم الطيب
مش متل اكلنا هلق مصوصى وبنسمن من الهوا ههههههه

معجنات تقليدية من كل البلاد العربية المسابقة انتهت انتظرونا قريبابحفل التكريم

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

معجنات تقليدية من كل البلاد العربية **المسابقة انتهت انتظرونا قريبابحفل التكريم**

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

معجنات تقليدية من كل البلاد العربية المسابقة انتهت انتظرونا قريبابحفل التكريم