تويت
:: بودنج التفاح المكرمل والكسترد :: من مطبخ بيرو بالصور :: مشاركة فى حلويات شتوية ::
بودنج التفاح المكرمل والكسترد 
كوب كسترد - نصف كوب صلصة كراميل
لعمل الكسترد (بالطريقة المألوفة)
كوب لبن حليب - 2 ملعقة كبيرة سكر - ملعقة كبيرة بودرة كسترد
ونخلط وعلى نار هادئة لغاية ما يتخن
ولعمل صلصة الكراميل
بعملها بنفس طريقة عمل صلصة التوفى بس بخلى السكر يتحرق أكثر
والطريقة هنا
2 تفاحة .. زى ما تحبى (انا عملت واحدة حمراء وواحدة صفراء)
شرائح توست
اول حاجة سخنت الفرن على درجة حرارة 200 درجة قبل ما ابدأ اعمل حاجة
اقطع التفاحة نصفين وافرغها من البذور
وابشرها (ممكن فى الكيتشن ماشين بسلاح المبشرة)
واصب الكراميل فى القوالب (استخدمت القوالب الفخار)
وعليه التفاح المبشور (اعصرى ليمون على التفاح بعد ما تبشريه علشان لونه ما يتغيرش)
قطعت التوست مكعبات
وخلطته مع الكسترد
وضفته على التفاح
ورصيت القوالب فى صينية
وغطيتها بورق الومنيوم وحطيت فى الصينية ماء مغلى
لغاية نصف القوالب
ودخلته الفرن لمدة ساعة
ولما طلع قلبته فى طبق التقديم
وقدمته دافئ
دى النتيجة
اتمنى تعجبكم
تعليق