استفسار عن البف باسترى والجبنه الفيلا دلفيا...جزاكن الله كل خير

**لبنان وحبايبه** · 13-01-2009, 07:14 PM

حبيبتي بالنسبة للسؤال الأول ان شاء الله اخواتنا يلي بمصر بيردوا عليك وما بيقصروا..

اما السؤال الثاني الجبنة يا عسل بتدخل في الحلويات مع اضافة السكر ولا تشعري بالملوحة..

اساساً اغلبية الحلويات يضاف لها رشة ملح وذلك لتعزيز الطعم...

**نووودى** · 13-01-2009, 10:02 PM

حبيبتى عجينة الباف باسترى موجوده فى مصر

هتلاقيها فى السوبر ماركت الكبيره زى كارفور أو اولاد رجب أو سبينز اللى فى سيتى ستارز فى القاهره
وغالبا بيكون مستورده...هتلاقى احسن نوع هو السنبله و هو انتاج سعودى
وهتلاقيها ان شاء الله فى ثلاجات المعجنات مع السمبوسه و الجلاش و الحاجات دى

ودا شكلها حبيبتى فى الصوره

**noorelhoda** · 13-01-2009, 10:16 PM

ماشاء الله نودى كفت ووفت
وكما قالت لك مشرفتنا لبنان
فعلا مابتحسى بالملوحه ابداااااااااا

**نووودى** · 13-01-2009, 10:30 PM

حبيبتى شوفت انك اسكندرانيه

يبقى ممكن تلاقيه فى كارفور اسكندريه أو فتح الله ان شاء الله

**صاحبة الـ@ـسك** · 13-01-2009, 11:59 PM

الأخوات كفوا ووفوا والحمد لله
والعجينة فعلا موجودة فى كل السوبر ماركتات الكبيرة والجبنة الفيلادلفيا ممكن الإستعاضة عنها بالجبنة الكيرى هى هى نفس الطعم بالظبط

**دور1** · 14-01-2009, 12:22 AM

العجينة يا حبي موجودة في السوبر ماركتات الكبيرة

او الهيبر ماركت زي كارفور فية نوعين السنبلة و الكرامة

الاثنين حلوين بجد وممكن تلاقي انواع تانية

بيمون مكتوب عليها عجبنة الرقائق و بتبقى هي هي نفس العجينة

و بالنسبة لفلاديلفيا ها تلاقيها بردو في كارفور انا على طول بشوفها

هنا في القاهرة في سبينييز او كارفور بس هي للأمانة غالية على الفاضي

و ممكن تستعيضي عنها بجبنة كيري او جبنة قشطة من اللي بتتباع بالوزن

انا على طول بأستخدمها و بتطلع الحلويات خرافة بس اهم حاجة دوقيها قبل ما تجبيها

لازم تتأكدي انها هي و الملح بتاعها خفيف جدا جدا ممكن السكر يغطية

و تقبلي مني التحية يا قمر و يا رب اكون افدتك

**um almajd** · 14-01-2009, 08:29 AM

ماشاءالله كل اصبايا افادوكي حبيبتي
بس حبيت اضيف انه استعمالنا للفيلاديلفيا
في الحلويات يرجع لانها جبنة كريمية او قشطية
يعني جايه مابين القشطه والكريمه والملوحه
فيها خفيفه كتير .. بتغطيها كمية السكر اللي
راح تحطيها في الحلى .. كمان ممكن تستعملي
جبنة الماسكربون .. وهي نفس النوع والطعم اطيب

وكمان بتلاقيها بجانب الفيلاديلفيا في السوبرماركت
وطبعا لو ما لقيتيها ممكن تستعملي جبنة الكيري

**حب الاسلام** · 14-01-2009, 12:09 PM

جزاكن الله كل خير ياجماعه والله افدتونى
من زمان بشوف وصفات هنا فى المنتدى خصوصا بالصور وحس انى حتهبل عليها بس اول ما الاقى فيها جبنه كنت بخاف
لكن ان شاء الله بعد ماطمنتونى حجرب وانا مطمئنه
واخواتى ربنا يجزاكم كل خير و يحقق لكل واحد اللى تتمناه

**النفس المطمئنة** · 14-01-2009, 02:16 PM

الاخوات مقصروش الصراحة .... جزاكن الله خيرا
بس كان ليا تساؤل انا كمان ... الجبنة الفيلادلفيا فعلا غالية اوي ...الاخوات قالوا ممكن الاستعاضة عنها ب جبنة كيري او الماسكربون...سؤالي هل الماسكربون كريمية برضو ولا ايه وسعرها ايه نظامه ؟؟؟ غالية زي فيلادلفيا ولا معقولة .؟؟؟
والاخت (دور 1) قال اننا ممكن نجيب جبنة قشطة انا اول مرة اسمع عنها الصراحة ممكن اعرف بتتجاب منين وبتبقى سايبه يعني ولا ايه وهل دا اسمها فعلا ...
يااارب مكنش طولت عليكم ...واسفة على كتر الاسئلة
جزاكم الله خيرا

**um almajd** · 15-01-2009, 06:22 AM

هلا فيكي يا النفس المطمئنة (اسمك حلو يا قمر

)

للأسف آآه يا غالية .. الماسكربون بنفس سعر الفيلاديلفيا ان ما كانتش أغلى كمان
بس يمكن تختلف الأسعار من مكان للتاني .. يعين ممكن تشوفي كيف السعر في منطقتك يا عسل

جبنة قشطة اللي فهمته من كلام روزا حبيبتي .. انها بتنباع بالكيلو .. يعني ممكن
تسألي البائع عنها .. واسمها عباره عن وصفها .. لانها جايه مابين الجبنة والقشطة
واذا كانت متل الفيلاديلفيا والماسكربون .. يبقى على الأغلب ما بتكونش سايبه

وان شا ءالله تمر علينا العسل روزا ... تشوف أسئلتك عنها حبيبتي
لاني فعلا انا ما عمريش اشترتها بالكيلو

استفسار عن البف باسترى والجبنه الفيلا دلفيا...جزاكن الله كل خير

استفسار عن البف باسترى والجبنه الفيلا دلفيا...جزاكن الله كل خير

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق