السلام عليكم
هل معقول ان هناك ناس رغم انهم يصلو و يصمو و يعتمرو فقط من اجل الناس و انهم يروها فقط عادات و ليست مراعات لله سبحانه و تعالى.
اعيش في بلد عربي كل يوم انصدم في البشر، و في شجعهم، و في حبهم لاستغلال الاخرين.
مابطول عليكم. احكيلكم القصة
بعيش انا و زوجي، و انا الان حامل الحمد لله. قبل حملي كنت ملانة و طهقانة لانني لا اشتغل. فزوجي لما شافني ملانة قالي ان في واحد بيشتغل معاه و زوجتو كمان بتحس بالملل فقررنا ان نتعرف عليهم و نطلع للبحر سوا او للسوق سوى. قلنا على بركة الله.
عزمتهم مرة للبيت، حضرت ما لذ و طاب و كرمتهم اخر كرم. عجب زوجتو بيتنا المتواضع، رغم انو عادي يعني الحمد لله للعيش الكريم. و بما انني اعتني ببيتي اضفي عليه لمسات اقراها هنا عالمنتدى اصنعها بيدي من اشياء بسيطة، و كنت لبسة لباسي التقليدي بسيط لكن انيق و محترم لكي استقبلهم. و زوجي اللي راح يجيبهم بسيارتنا لان مالهم سيارة.
بعد ما نبسطو و اكلو و شربو زوجي وصلهم مثل الامانة، وصل هاداك صاحبو و زوجتو و بناتو اللتنين. مثل الامانة. بعد كام يوم قررت تعزمني زوجتو عبيتها. الصراحة انا مش من النوع اللي بيقارن حلو بغيره. و لا بيهمني كيف الناس عايشة احسن مني و لا اقل مني المهم عندي هو اني اكون مرتاحة ببيتي و وين ما كان بعيش.
هذا الكلام لا ازكي بيه حالي لكن انا قلته عشان انا جاية في الكلام. الصراحة زوجها مش مشتريلها عفش، عايشين مثل ما يكونو في مخيم، يعني مش موفرلهم العيش الكريم. الله يهديه.
زوجتو قبل ما تجي عندي اول مرة كانت متوقعة انو زوجي مش موفرلي العيش الكريم. زوجها مخيلها ان الكل عايش مثلها عشان ما تطلب شي.
بعد كام يوم اجتني دعوة لحضور حفل زفاف. فقلتلها تجي معي لحفل زفاف. في الاول زوجها قالها انهم بيختطفو النساء في الافراح،فبعد الحاحها وافق.
وبطبيعة الحال الوحدة منا لما بتكون معزومة بتتانق و بتلبس ذهبها و احلا ما عندها. و تعمل شعرها. ..
مريت عليها فبيتها لان زوجي هو اللي الو سيارة و رحنا. و هنااااا بلشنا في المقارنات، انا لم افهم انها عم تقارني فيها. هي اللي كانت لابسة مبهدل في كل الفرح. انا مافهمت ليش كانت جاية هيك. يعني كلنا عندنا اشياء بنلبسها في الافراح. انا ماكان همني لكن تسالت ليش لانها حتى الشاور مش متشورة. انا جاني كلشي غريب. المؤسف في الامر انها هي اللي ماعتنت بمظهرها فليش تحس بدونية.
بعد يوم قلتلها انا رايحة عند دكتور اسنان اذا عندها مشوار هناك ممكن تروح معنا، لانها بتراجع عند نفس الدكتور. فقالت لي اوكي بروح و منها نروح اسوي شوبينغ قلتلها اوكي.
كما العادة نرينا عليهم لبيتهم، و .هداك اليوم كنت حاسة بدوخة مش طبيعية انا مافهمت من ايش جاتني الدوخة. و قلتلها انا ميتة من التعب و دايخة كنا بننتظر، ينادي الدكتور. وقالتلي بتهككم لتكوني حامل، يعني زي ميكون كتير علي اني اكون ام. قلت مع حالي ليش هادي بتتعامل معي هيك، و انا ماسويت الها شي. لما خلصت مع الدكتور ما كان بدو ياخد فلوس و انا كنت خلاص بما انو خلصلي الحشو و ماكان عندي شي تاني ازبطو، المهم هو كان بدو اياني ارجع عشان ياخد فلوس كمان. لما طلعت قلت لزوجي ادخل احكي معه لاني مبديش ارجع و هي سمعتنا و قالتلي لا عشان المراقبة و صارت بتصرخ. قلتلها انا ما بدي مراقبة. لكن غايتها هو عشان زوجي يجيبها. احنا ما كان عندنا مشكل ناخدها عالدكتور مرة تانية. لكن ماتدبسني. زوجها اخد موقف من قراري اني ما بدي ارجع. الله اعلم ليش.
بعد كام يوم اتصل زوجها بزوجي قالو زوجتي رايحة لبلدهم و طيارتها ساعة 4 الصبح. فزوجي اقترح عليه انو يوديهم لانه صعب يلاقو طاكسي فهاذاك الوقت و اذا اتاخرو راح تروح عليهم التذاكر.
زوجي المسكين تقريبا ما نام هذيك الليلة عشان تروح عليه نومة، و لما وصل الوقت زوجها ما اتصل، و زوجي بيستنا بيستنا و يشرب قهوة. و في الاخير اتصل بزوجها اي صاحبه في الشغل، و رد عليه بكريقة جلفة جدااااااااا و بيقولو ايش في، احنا لسا نايمين. زوجي بلعها و قال مش مشكل، و لما راح لبيتهم كان هوا بيجنن الصبح يعني ما بيحتاج لمكيف السيارة. لما كانو طالعين في السيارة للمطار بيحكيلي زوجي صار بيتامر زوجها، و بيقولو سكر الشبابيك و حطلنا المكيف. بالامر يعني مش لو سمحت. زوجي اتحمل وقاحتو.
بعد ما رجعو من العطلة الصيفية. زوجي كان لازم يسوي جداول للشغل، انشغل بمشاكل، و قام هو سوا الجداول و استغل يوم كنا سافرنا فيه عشان كان النا شغل لازم نقضيه، و وقعو من طرف المدير و اعطا الزوجي ارذل جدول شغل، و هو اخد احسن اوقات العمل. و صار بيتعامل بطريقة متكبرة. تصورو كل هذا ليش لانو جاب سيارة. و مش راح يحتاج النا. و زوجي المسكين مصدوم فيه و محبط. لان جدول هالعمل هو بيجامل فيه اصحابه من نفس جنسيتو على احساب زوجي. و بيجامل فيه المدير و طبعا كذلك على احساب زوجي.
في هيك ظلم؟ الله قال هيك؟
فوالله العظيم ما صدر منا شي يخليه يتعامل بهذا الشكل. حسبي الله و نعم الوكيل. حسبي الله و نعم الوكيل حسبي الله و نعم الوكيل.
انا اسفة على الاطالة لكن انا مصدومة.
الروابط المفضلة