السلام عليكم ورحمة الله وبركاتة
حبيت اشارك الغالية بيرو بملفها اللون الابيض
اللون الابيض من اجمل الالوان بالنسبة الي خصوصا بالحلويات
اول حلو بدي اقدمو كيكة الباربي عملتها لبنتي الصغيرة ميسو بيوم ميلادها وكتير كتير عجبتهم وانبهرو فيها
المقادير
كيكة شوكولاتة معتمدة عندك
انا استخدمت مقادير كيكة عادية
٤ بيضات مع فانيلا
كاسة ونص سكر
كاسة الا ربع زيت
كاسة حليب سائل
كاسة ونص طحين مع بكنج باودر
ونص كاسة كاكاو
طبعا الطريقة الكل بعرف كيف
بعد ماخلصتها
دهنت بايركس السلطة وانتبهو صبايا انا بحكي بايركس يعني لازم يكون اصلي او نوعيتو منيحة
دهنتو بطحينة وهاد سر هههه
ادهني القالب بطحينة بدل الطحين والنتيجة اكتر من رائعة
خبزت الكيكة
وخليتها تبرد
كان عندي قطر خفيف خلطتو مع ماء الاناناس
بعد ماقسمت الكيكة ٣ اقسام حطيت عكل قسم من ماء الاناناس لجعلها ندية وطرية
استخدمت كريمة الخفق
ازا مو متوفرة استخدمي دريم ويب
كل كاسة حليب الها ٤ بكيتات دريم ويب وحبتين كيري
عملت شكل الوردة والصبايا حطو كتير مواضيع عن كيفية عملها
اخر مرحلةحطيت اللعبة
وهي صورة الاصناف كاملة
كلها نزلتها بالركن
ازا في اي استفسار انا حاضرة
نيجي للنوع التاني
كيك سواريه
استخدمت مقادير الكيكة الاسفنجية
عملت هون نصف المقدار
وبنصحكم تجربو بنص المقدار
٣ بيضات مفصولات
تلات ارباع كاسة سكر ناعم منخل
تلات ارباع كاسة طحين كيك منخل مرتين
تقريبا ٣ ملاعق من الماء
وطبعا فانيلا وبرش ليمون وملعقة عصير حامض
وملعقة صغيرة خل
بنخفق البياض لحتى يتضاعف حجمو
بنضيف رشة فانيلا والسكر
وبس يجمد منيح بنضيف عصرة الليمون منشان يحافظ. عتماسكو
طبعا البياض اهم اشي بنجاح الكيك
الصفار بنخفقو مع الفانيلا والسكر
بنضل نخفق لحتى يتضاعف حجمو ٥ مرات اكتر
بنضيف الماء وبعدين الطحين وانا بستمر بالخفق بالخلاط الكهربائي
بنضيف البياض ع٣ دفعات وبنخلط من فوق لتحت للحفاظ عالهواء الموجود بالخليط
نضع ورق زبدة بعد دهن الصينية بشوية زيت
بنخبز الكيكة عدرجة حرارة ١٧٠
بس يبرد الكيك قسمتو نصفين
حطيت مية اناناس وكريمة واناناس
غطيت الكيك بالكريمة
وقسمتو بالسكينة قطع متساوية
وزينت كل قطعة حسب الذوق
استخدمت التوفي الجاهز
فيكي تستخدمي اي شي للتزيين
بتمنى مشاركتي تعجبكم وتجربوها بهاد الشهر الفضيل لانها كتير سهلة وخفيفة
اللهم انك عفو تحت العفو فاعفو عني
الروابط المفضلة