للبحث في شبكة لكِ النسائية:
|
اسم التخصص: بكاليوروس هندسة ميكانيكا محطات القوى
مكان الدراسة: كلية هندسة الطاقة بأسوان (أقصى الجنووووب)
النشأة : كان يسمى فى البداية بالمعهد العالى للطاقة والمحطات المائية أنشئ بالقرار الوزارى رقم 796 لسنة 1989م ثم عدلت التسمية لكلية هندسة الطاقة عام 2011
الدرجات العلمية : يمنح المعهد درجة البكالوريوس فى الهندسة
مدة الدراسة : خمس سنوات لنيل درجة البكالوريوس فى الهندسة
هذا بالاضافة الى التدريب الصيفي حيث يلاقي التدريب الصيفي اهتمام كبير من قبل الكلية ويناقش كل طالب في تدريبه كما يوجد بالقرب من الكلية المعمل الهيدروليكي والسد العالي و خزان اسوان ويتم تدريب الطلاب فى هذه الأماكن
نظام الدراسة: تتبع الكلية نظام الساعات المعتمدة ومدة الدراسة عشرة فصول دراسية لجميع الطلاب
ويقسم العام الدراسي إلي فصلين ينتهي كل منهما بامتحان وذلك طبقاً لما هو وارد بالمقررات الدراسية الملحقة بهذا الموقع الى فصل دراسى صيفى
الفصل الدراسي الأول: ويبدأ مع بداية العام الدراسي الجامعي ولمدة 15 أسبوعاً تدريسياً
الفصل الدراسي الثاني: ويبدأ بعد أجازه منتصف العام ولمدة 15 أسبوعاً تدريسياً
الفصل الدراسى الثالث (الصيفى): يتقرر بناء على موافقة مجلس الكلية ويكون تسجيل الطلاب به اختياريا ومدة الدراسة فى هذا الفصل 8 اسابيع بما فيها مدة الامتحان النهائى على ان تتضاعف عدد الساعات الدراسية الأسبوعية المخصصة لكل مقرر، وبحد اقصى ثلاث مقررات اذا ادى ذلك الى نقل الطالب الى مستوى اعلى او استيفاء متطلبات دراسة بعض المقررات
ملاحظة: تستمر دراسة الطلاب الذين تم قبولهم قبل تطبيق نظام الساعات المعتمدة طبقا للائحة التى تم قبولهم عليها حتى تخرجهم
لغة الدراسة: اللغة الإنجليزية
الاقسام العلمية بالكلية:
1- قسم محطات القوى
2- قسم شبكات الجهد الفائق
3- قسم التصميم الميكانيكى والمواد
شروط القبول بالكلية:
1- الثانوية العامة(الشعبة الهندسية)
2- النجاح في اختبارات القبول في الرياضيات واللغة الإنجليزية والذي يعقد للطلاب المرشحين بالكلية
* يتم القبول بكلية هندسة الطاقة بأسوان إقليميا
اهم المواد التي تتم دراستها :
تصميم ماكينات
تحليل عددى
الات كهربية
امن صناعى
ميكانيكا موائع
مواد هندسية
اجهزة قياس
نظرية ماكينات
ديناميكا حرارية
الات هيدروليكي
-تحويل واستخدام الطاقة
مستوى الدراسه فى المعهد ممتاز جدا ويتوفر جميع المعامل ونخبه ممتازه من اعضاء هيئة التدريس
تتمتع كلية الطاقة بمكانة متميزة فى مجالات الكهرباء والطاقة حيث تخرجّ الكلية مهندسين متخصصين على مستوى عالى من التكنولوجيا الحديثة فى مجالات الكهرباء والطاقة
مجالات وفرص العمل عند الإنتهاء من التخصص:
1/ القيام بتنفيذ أعمال الصيانة الميكانيكية والتفتيش وتتبع الأعطال للمعدات الميكانيكية في محطات التوليد مثل المضخات والصمامات والضواغط والقيام بالإصلاح الجزئي والشامل للمعدات والتي تتضمن عمليات الفك والتركيب، اللحام والقطع، الخراطة واستخدام أدوات القياس الدقيقة في عمليات الفحص والضبط
2/ القيام بتشغيل محطات معالجة المياه بنظام التناضح العكسي واختبارالخصائص الكيميائية للماء الناتج منها والقيام بأعمال السباكة واستبدال المرشحات وتشغيل المضخات والدوائر الكهربائية وتشغيل نظام الري بالتنقيط
3/ القيام بتجهيز وتشغيل ومراقبة وتفتيش جميع المعدات داخل المحطات ومتابعة التشغيل للأنظمة المساعدة للمحطة وذلك من خلال التفقد الميداني أو من غرفة التحكم وذلك لضمان استمرارية إنتاج الطاقة
وأيضا القيام بالرصد والإبلاغ الفوري للأعطال وتسجيل قياسات الأنظمة المختلفة وعمل تقييم شامل لأداء المحطة واحتياجاتها وذلك فى محطات التوليد الغازية والبخارية ومحطات التوليد بالديزل
صورة مبنى الكلية
المدخل (الطريق ده طوييييييييييييل جدا ياما رجليا دابت فيه فى سبيل العلم وفى درجة 41 م مااقولوكوش)
صورة بعض الماكينات التى يعمل عليها الطلاب
الكلية بتقبل عدد محدود من الطلاب بحد اقصى 500 يكون خمسهم فقط بنات يعنى ما يعادل 100 بنت عشان كده الصورة خالية من البنات
ايامى كانت الدفعة 100 طال والبنات 20 بنت
صورة معمل الكمبيوتر
صورة لبعض المدرجات
صورة للمكتبة
مظاهرة صغنونة داخل الكلية (كنا غاويين مظاهرات واعتصامات وياما اترشينا بمية عربيات المطافئ لتفريق المظاهرات)
افتتاح المؤتمر الدولي الأول لهندسة الطاقة بمدينة أسوان بكلية هندسة الطاقة بفرع جامعة جنوب الوادي بأسوان تحت رعاية الدكتور هاني هلال وزير التعليم العالي والدولة للبحث العلمي والدكتور حسن يونس وزير الكهرباء والدكتور عباس منصور رئيس جامعة جنوب الوادي وتحت إشراف الدكتور عبد الفتاح هاشم نائب رئيس الجامعة لشئون الدراسات العليا والبحوث
ملاحظاتى:
الدراسة ممتعة لكن تحتاج لتفرغ وجهد وذكاء وجد ومثابرة لصعوبتها
الحمد لله تفوقت وحصلت على تقدير عام جيد جدا وتقدير ممتاز فى مشروع التخرج
المجال غير مناسب للبنات الا ان كانت ستعمل فى المجال الاكاديمى والتدريس اما المجال العملى والمحطات فصعب ومرهق ومتطلب جدااااااااااااااااااااااااا خاصة بعد الزواج وانجاب الاولاد لذلك تركت العمل
نسيت اقولكم:
طبعا الكلية اتطورت جدا بعد مااتخرجت منها
اصل انا قديييييييييييييييييييمة ايام التسعينيات
ما شاء الله يا سمسوم
هندسة ميكانيكا ,, طيب ليه يا بنتي تعملي كده في نفسك (:
أكيد حاجات كتير بتتغير بعد الزواج والإنجاب والحمد لله على كل حال
موضوع رائع وشامل للتفاصيل ,, تسلمي يا سكرة (:
اللهُم أرِنَا الحق حقاً وارزقنا اتبَاعه
...........................................وأرِنَا البَاطِل باطلاً وارزُقنا اجْتِنَابه
رب لا تذرني فردا وانت خير الوارثين
يااااااااااااااااااه يا اسماء .. جنوب الوادى !!!! دا انتى اتشحططى اوى فى سبيل العلم ... هههههههههههههه
انا كمان اخويا مهندس ميكانيكا ... بس برضو جامعة طنطا .. يعنى كليته كانت فى الشارع اللى ورانا هههههههههههههه
الحمد لله انك اتخرجتى وربنا يبارك لك فى جوزك واولادك
ما شاء الله يا سمسوم
هندسة ميكانيكا ,, طيب ليه يا بنتي تعملي كده في نفسك (:
أكيد حاجات كتير بتتغير بعد الزواج والإنجاب والحمد لله على كل حال
موضوع رائع وشامل للتفاصيل ,, تسلمي يا سكرة (:
شوفتى يااوختى
بابا الله يرحمه زعل جدا اما قعدت فى البيت
قال لى بعد كل التعب والسهر والمصاريف
كنت عملت تمهيدى الماجستير وهاتعين معيدة فى الكلية خلاص
بس كل اللى ربنا يقدره للعبد خير وبيت الست واولادها اهم من اى شيئ واولى الاولويات
يااااااااااااااااااه يا اسماء .. جنوب الوادى !!!! دا انتى اتشحططى اوى فى سبيل العلم ... هههههههههههههه
انا كمان اخويا مهندس ميكانيكا ... بس برضو جامعة طنطا .. يعنى كليته كانت فى الشارع اللى ورانا هههههههههههههه
الحمد لله انك اتخرجتى وربنا يبارك لك فى جوزك واولادك
ههههههههههههههه
يلبختكم
كان عندنا زميل رجع من الكويت كانوا قدموا له فى المنصورة راح شافها ما عجبتوش قال ايه الزرع والغيط اللى هتحطونى فيه ده؟؟ (بيتنطط سيادته)
حولوه علينا اول ما جه اذبهل : ايه الصحرا دى
وفضل طول السنة يصوت ويقول : كان ماله الزرع ...كان ماله الغيط اهئ اهئ
وعنها وحول تانى سنة على خاص 6 اكتوبر هههههههههههه
كانت ايااااااااااااااااااااااااام
فكرتونى بالذى مضى
ماشاء الله يا مهندستنا يا كبيررررة
مش تقولى يا بنتى انك مهندسة كنا ضربنا تعظيم سلام
تقرير مميز حبيبتى
ربنا يوفقك يارب
ويبارك لك فى اهل بيتك
ههههههههههههههههه
طب يللا اضربى
فى العمارة الجديدة اللى نقلت فيها من كام سنة اكتشفوا بالصدفة انى مهندسة
الجارة بتقول لى : هندسة من ام 5 سنين؟؟؟؟؟؟؟؟؟؟؟؟؟؟؟؟؟؟
قلت لها: لا من ام 2.5 !!!!!!!!!!!!!!!!!!! ههههههههههههه
مش مصدقين انى مهندسة وقاعدة فى البيت مع انى اعرف تقريبا 50 مهندسة قاعدين فى البيت
زوجى بيقول لى : ادى البنات اهاليهم والحكومة تصرف عليهم وفى الاخر يقعدوا وما يجيش منهم فايدة
ما يختاروا من الاول حاجة مناسبة
تصدقى ان فى السويس مفيش دكتورة ست انف واذن وحنجرة
ولا جراحة
ولا تخدير
ولا عظام
حوووووووووووووووسة
بقولك ايه الله يخليكى ما تقلبيش عليا المواجع
مانا اهو علوم وفى البيت واختى دكتورة اسنان وبرضو فى البيت
وحياة ربنا لو كنت اعرف كنت خدتها من قصيرة وعلى مدرسة الصنايع
اخد دبلون صنايع اد الدنيا بدل على رايك التعب والسهر والمصاريف وحرقة الدم واصابات المعامل والتشوهات اللى اخدناها فى سبيل العلم
بقولك ايه الله يخليكى ما تقلبيش عليا المواجع
مانا اهو علوم وفى البيت واختى دكتورة اسنان وبرضو فى البيت
وحياة ربنا لو كنت اعرف كنت خدتها من قصيرة وعلى مدرسة الصنايع
اخد دبلون صنايع اد الدنيا بدل على رايك التعب والسهر والمصاريف وحرقة الدم واصابات المعامل والتشوهات اللى اخدناها فى سبيل العلم
هههههههههههههههههه
لالالالالالالالالالالالالالالالالا
بس برضه وسعنا مداركنا واتنورنا وادينا بنعرف نذاكر للاولاد ونفهم بيقولوا ايه عشان ما يضحكوش علينا هههههههههه
والله اصل انا ابنى لسه صغير فا مش حاسة لسه بالموضوع ده بس متهيألى برضو مش هاعرف اجاريه هههههههههههههههه
احنا اول كلمة نطقناها مثلا بابا ولا ماما لكن ابنى اول كلمة نطقها no way
تفتكرى ده هاقدر اتكلم معاه اصلا ؟؟
الروابط المفضلة