السلام عليكن و رحمه الله و براكاته
عن عائشة ـ رضي الله عنها ـ قال : قال رسول الله ـ صلى الله عليه وسلم :"ما زالَ جبريلُ يوصيني بالجارِ حتى ظَننتُ أنَّه سيورِّثُهُ"
عن عبد الله بن عمرو ـ رضي الله عنهما ـ قال : قال رسول الله ـ صلى الله عليه وسلم :" خيرُ الأصحابِ عِندَ الله خيرُهُم لصاحِبه ، وخيرُ الجيرانِ عِند الله خيرُهُم لجاره "
والاحاديث كثيره مذكوره عن النبي صلي الله عليه و سلم..
ونحن في الغربه دوما نحرص علي ان نكون خير قدوره و تيمنا بنبينا الكريم ..
لي 6 سنوات جاره لهذه الانسانه التي ساتكلم عنها ..
حاولت بشتي الوسائل ان اكون انسانه بمعني الكلمه
عانيت 5 سنوات قبل ان اشتكي اول مره عليها ..والان اشتكيت للمره الثانيه ..ليفصل بيني وبينها القضاء
الحين بنبدأ القصه ..
تذكرون ذيك الجاره يلي عندها كلب ...
يلي اخذتها علي المحكمه ايام العنابي لان نباح كلبها طفشني و جابلي العصبي ..والسكر و العلل كلها ..
ردت لفعلتها الشنيعه ..
وكلبها قام يصيح و يعوي 5 شهور و انا اترجاها تسكته ..او تسوي شي ما ردت ..
كتبت شكوي للمكتب ..لا والله 3 شكاوي ...ما فادت ..
راح زوجي يكلمها ما لقاها لقي ابنها ..وقاله ان ما انتو في البيت بنلقي احد يتبني الكلب ..رد عليه بقله ادب هذا كلبنا و احنا دافعين ثمنه ..
انا شعطت لما رد علي زوجي ..وسامعته بطريقه كلها قله ادب ..وهو اصغر من بنتي ..قلت انا بوريك يا وجه النحس ..بخليك تعرف قيمه كلبك و فلوسك
الام في اخر الصيف قررت تطلع تغير جو ..طبعا من حقها ..تريح اعصابها و تغير جو و اخذت بنتها معها ..
وتركت الولد في البيت ..والولد اخلاقه زفت مزفت ..
بدا كورس النباح من بعد ايام من غياب الام ..(كان الكلب احيانا يحطوا الجهاز يسكت ..ويرجع يعوي كم يوم ندق علي الحيط يتذكروا و يخرسوه ))
الان الام مو في البيت ندق لها سكتي البلوه يلي عندك ..
والكلب اسبوعين يعوي و يعوي و يعوي ..للساعه اربع الصبح ..وانا خلاص ..طقلي عرق في راسي ..
وكانت بنتي مريضه كتير قبل العيد ..وبديت اشم ريحه غريبه ..
ريحه خااااايسه ...
علي مدي 3 ايام ..وبنتي ساءت حالتها لدرجه ان اطرافها ازرقت ..وبدت تبكي تقولي ماما ماني شاعره باطرافي ..فورا رحت فيها المشفي ..
وطلعت البنت بتموت مافي اكسجين كفايه بجسمها..
من التحليل والاشعه الطبيب سالني في حد عندك بيتعاطي مخدرات ..
قلت مخدرات مره وحده ..يوه ..هي ابوها يدخن بره البيت .الدخان ما تشمه ..بعدين تذكرت صوت الشباب عند ابن جارتي ..والضحك و القرقعه
والريحه الخايسه ...
فعرفت ايش الريحه يلي اشمها في البيت ..
رجعنا البيت بعد ما تحسنت البنت ..
وسالت في المشفي هل من حقي اشتكي ..قالت بنطلب الشريف ..وكلميه ..بالنسبه لنا نعطي لك الحق ان تشتكي للصحه لان ما يصير عيالك يستنشقونه و عندكم اطفال و هذا يعتبر (سكند هاند سموك) كلمت الشريف قال ايوه من حقك تشتكي ان كان جارك بيتعاطي ..وبياذيك .وقلت له عندي دليل فحوصات بنتي ..قال ايوه من حقك حتي بدون دليل...
نويت لها ..زوجي في البدايه عارض ..
قال لا تعاديهم تخافي ياذون العيال و من الكلام يلي لا يودي و لا يجيب ..
قلت بالله عليك يعني نشم المخدرات ما يتاذون عيالي...ولا انا ..اكثر منها اذيه وش تبي ؟؟؟
وخاف ان ياذونهم بره .قلت لا ما عندها الا هذا و بعدين يلي علي غلط يخاف ما يخوف ..بعدين هي بلد فوضي في قانون و في نظام ..
في اليوم الثاني ..
بدات الريحه الخاااايسه تعبي بيتي ..
كان الظهر ..كلمت الشرطه و بلغت ..
جت الشرطه طقوا الباب ما فتح ..انتظروا ربع ساعه ما فتح ..طلبت منهم يدخلون بيتي و يشموا الريحه ..
هز الشرطي راسه و قال لزميله مروانا...
يا خرابي ..مروانا ....((اقولكم كيف ريحتها ..مثل السكنك المدعوس ..او ريحه اطارات السيارات الكاوشوك (التاير)المحترقه نفس الريحه ..خااااايسه و تخنق))
ثواني ..ولا جاره من عماره مقابله جت تركض ..
ابو اللقافه بس ..وش حشرها ما ادري ..
جت تسال و تستفسر وش فيه ..وش صاير و انا منبهتها من قبل ..لا تدخل فيني ..ولا تحشر انفها باي شي يخصني ..لانها ملقوفه بزياده و مسويه فيها زعيمه علي الحاره ..وانا ما احب الملقوفين بزود ..ويلي يسوون زعيم ..
قامت تمدح بالولد و تقول هو بالمدرسه ..مو في البيت ..مافي حد في البيت ..
وغادرت الشرطه ..
انا طار عقلي ..قلت لها هيي انت تعالي .. قالت نعم ..
قلت مين قالك مو في البيت .انت شفتيه بعينك طلع ؟؟؟
تقول لا
قلت ومين قالك انه بالمدرسه ..يجي يوقع عندك خروج و دخول و كلمتي مدرسته و قالوا لك انه يداوم ؟؟؟
قالت لا
قلت انت ساكنه بعمارتي هنا في المبني هذا ؟؟
قالت لا
قلت ال باي حق تجي تعطي افاده للبوليس ..!! الحين ان كتبت فيك تقرير و حطيتك بالسجن لاعطاء افاده مغلطه للشرطه وش بتسوين ..
قمت تصارخ ..وتقول الولد بالمدرسه ..قلت السياره هذه الواقفه لمن ..؟؟قالت ما ادري ..
قلت يا ريت ثاني مره تقفلي فمك ان منتي عارفه ..هذه سياره الولد .,.والولد يتعاطي مخدرات ..
وفاتورتي فوق الالفين دولار من تحت راسه ..وفوقها لي اسابيع اسمع صوت كلبها بنبح فوق راسي ..
لين الصبح ..
وحضرتك جيتي قلتي للشرطه ان الولد مو في البيت ..
البيت مافيه حد
تلونت ..وطلعتعلي بالصوت..فرديت قلت راح اكتب تقرير باللي صار ..
وللاسف راح اتهمك باعطاء افاده كاذبه ..
لاني سبق و نبهتك ما تدخلي بلي ما يعنيك ..
وفعلا ..كتبت شكويتين
وحده ضدها و ضد الولد ..وصورته و هو خارج و الكاميرا تعطي اليوم و الساعه لان بعد مغادره البوليس ب ربع ساعه طلع ..وركب سيارته و راح
وانا طبعا متاكده انه في البيت فكنت انتظر لين يطلع ..
معي رقم سيارته ..
كلمت الشرطه و بلغت عنه ..فورا لحقوه ..وانمسك بتهمه السواقه تحت تاثير المخدرات..
الحين مو هذه المشكله ...
المشكله الاكبر ..الكلب ...
يعوي و يعوي و يعوي ..صارت 2 الصبح و هو يعوي ..وثلاثه و اربعه ..من التعب نمت علي الكنب ..
وبعدين مع العيشه هذه ..
صرت انام احلم بكلاب ..واصحي علي صوتها كمان ..
الساعه 10 الصباح خلاص حسيت بيصيبني انهيار عصبي ان ما بلغت ..
فاتصلت علي الانمل كنترول و بلغت ..
تابع ..
الروابط المفضلة