كل عام وانتم الف خير وان شاء الله ينعاد علي الجميع بهداه البال وتحرير سوريا وجميع الدول العربيه
اول شئ تفضلوا علي ضايفه العيد
كعك بزيت الزيتون والطحين الاسمر تطبيقي لام موسي الله يشفيها يارب
وصحن فواكه مجففه تطبيقي لتغريد ام انس الله يسعدها
امس كان عنا عيد والحمد الله طبعا العيد هون هم بعرفوا بس بالاجنده بس ما في اي مظاهر الاحتفالات زي في بلادنا بس احنا والجاليه المسلمه بنحاول ان نميزه عن باقي الايام عنا وخاصه لاطفالنا ويشعروا بطعم العيد والشوق لقدومه
اول شئ طبعا انا صار لي قبل العيد برتب البيت وبشتري ملابس للصغار اذا في شئ ناقص عليهم خاصه مع قدوم الشتا يعني كسوه مره وحده ان اشتريت لاحمد بعيد عنكم بوط منه للعيد ومنه للشتاء لانه دافي وللست ديانا بنطلون جيز وبلوزه وطبعا اشتريت للاتين جاكيتات للشتا ولبسوهم بالعيد لانه الحمد الله ايجا الجو بارد ولقيوهم بوجههم
المهم انا صحيت علي الساعه 1.30 الصبح علشان ابلش ارتب البيت لانه ما عرفت ارتب والصغار وابوهم قاعدين
طبعا انا كنت عامله حنه للست ديانا ورابطه ايدها ونامت وهي متحنيه وصحيت معي غسل ايدها وقدت معاي وبعد شوي صحي الفريق التاني وقعدوا بوجهي المهم انا مشتريه شراشف غالي من عمان حق الشرشف 10 دينار كله خرز وبرق طرف عليه المحارم باين بالصوره فوق وهو زيها تقريبا ان اما بحطهم غير يوم العيد وبرتب شوي البيت وبعمل قهوه ساده كمان وطبعا انا زينت ونفخت بلالين قبل بيوم وركبت الضواو كمان
ورجعت نمت علي 4 تقريبا وصيحنا علي 6.30
العيد العيد المسجد عامل 3 اوقات للصلاه
7.30
8
8.30
احنا روحنا بدري وما احلي سماع التكبيرات ان اصورت لكم شويت صور لانه في غرفه النسوان حاطين تلفزيون بنقل الخطبه من عند الزلام وكانوا الزلام جالسين علي الارض مع الشيخ وبكبروا ومزيين الجامع
طبعا للاسف انا ما صليت ولا صومت كمان
وبعدها وزعوا دونت واحنا ما اخذنا كانوا الصغار جوعانين وروحنا علي مطعم اسمه ihope
بعمل بان كيك وجميع انواع الامليت والقهوه فريش وهاس بلارون وروحنا مع صحابها بس صوت لكم اسمه طبعا بنروح عليه كل عيد وطبعا معي كوبون 20 بالميه خصم
وبعدها في محل عربي عنده ساحبه كبيره كل سنه بجيب jumping house للصغار ولجيمع الاعمار وللبنات وللولاد
بوزع بالونات واكياس حلو زي الصرر للصغار ببلاش
وبوزع الدونات والبقلاوه والقهوه والشاي ببلاش
وبجيب خيول بركبوا عليها الصغار ببلاش
وكمان بجيب حيوانات للصغار فيها ديوك ودجاج وغنم وبقر وحصن صغار بس كله حجم صغير وبط وارانب وبصيروا الصغار يطعموهم
بس ببيع الشوارما ما بعرف قديش بس مش غالي
وهون hotdog ببلاش للناس
وركوب القطار للصغار وببلاش كمان
وبعض الحيان بيجوا لاشرطه وسياره المطافئ حقيققه بحبوا لاصغار بتصوروا فيها وداخلها
وطبعا كان في شرطه لظبط الوضع
وكمان كان في ساحه المسجد شرطه هم بطلبوها علشان ينظم السير داخل البارك
طبعا كان الجو بارد وروحنا وانا وديانا اخذنا ناب وبعدها اتصل صاحب زوجي بده يروح لاول مره علي محل لاطفال في دلاس اسمه amazing jack
المحل فيه العاب مكان مسكر بحطوا فيه يد كل طفل زي الاسواره وبتدفعي مع البوفيه بيتزا وسلطه ومشروبات وبعطوكي لكل طفل كرت عليه مبلغ وبروح يلعب هو مشوار شوي بعيد عنا بس حلو كتير بس السلطه مش نافعه والبيتزا كانت فريش لانه مش ملحق بكل الانواع
واهم شئ كان مليان مسلمينننننننننننننننننننننننننننننننننن وعرب
الله يكثرهم يارب
عندهم ريس كار هون لازم حدي كبير يسوقها مش الصغار طبعا انا ابدعت مره مع احمد ومره مع ديانا
وهون bumping car \
هون الصغار ساقوها لوحدهم
وهون القطار
وهون كمان لعبه وللاسف الكامرا كانت مع زوجي ما عرفت اخذ صور كتير وفيها لعب جيمز وتسلق الجبل واشياء حلوه كتير
واحنا دفعنا لمده 3 ساعات للصغار لعب وطبعا الاكل شامل والشرب وكل شئ وحتي كانوا العرب يصلوا جماعه الزلام قصدي وكان حلو كتييير وهذه اول مره بروح عليه وان شاء الله نرجع عليه
وان شاء الله تكون عجبكم يومنا هو مختصر والصور كمان مختصره وان شاء الله العيد القادم يكون الجميع علي جبل عرفات يارب
الروابط المفضلة