سلام صبايا
ان شاء الله الجميع يكون بألف صحة
اليوم الغدا كان عجة بالفرن من الاكلات المفيدة والصحية والكتييييييير طيبة
خلينا نشوف مع بعض ..
رح نحتاج..
3حبات بندورة مقطعة مكعبات 1 فلفل اخضر مكعبات
جزر مبشور و2 بطاطا كمان مبشورة
بصل جوليان و 2حزمة بقدونس مفروم
شوية نعنع اخضر
ملح _فلفل اسود _بهار مشكل
حوالي 7معالق طحين
و8 حبات بيض نص فنجان زيت زيتون
واخيرا كمشة جبنة شيدر مبشورة
وبثثث
بنخلط كل هالمكونات الظريفة وطبعا كل وحدة وعدد افراد اسرتها
وعلى فرن سخن تقريبا نص ساعة وشوية تحمير من فوق وبيصير طبقنا جاهز
بنستنى الصينية تهدى شوي وبعدين بنقطعها
والنتيجة
مممم لذيذ وصحي ومفيد للزغار والكبار
تقبلو مشاركتي
وادعو لسوريا الابية بالنصر والفرج القريب
الروابط المفضلة