اخواتي العزيزات
كل عام وانتم بخير .. ومبارك عليكم الشهر
اولا: اتمنى من كل من جربت كريمات اوباجي انها تشاركني او حتى اللي تعرف عنه.
انا قلت اولا يا عيني على اوباجي (وهذا بالعنوان) وهذا لاني شفت ست كبيرة يعني جده ما شاء الله وكان وجهها بالضبط مثل بشرة الأطفال رووووعه وناعمه ومتورده ومافيها كل تلك التجاعيد التي المفروض تكون بوجهها بهذا السن .. والكل لما شافها كان يتكلم عن بشرتها ... المهم انا ما قدرت اصبر اكثر وسألت عن السبب .. قالت انها تستخدم نظام أوباجي وانه نظام رااائع ولكن يزعج بالبداية لانه يقشر الوجه. الى هنا كل شئ جميل وحلو.
ننتقل الان الى القسم الثاني من العنوان وهو (ياويلي) ... طبعا انا بعد ما سمعت الموضوع وللعلم بشرتي ما كان فيها شئ، بس مثل ما قالت احد صديقاتي: زيادة الخير خيرين .. رحت للدكتور نفسه وفحص بشرتي واعطاني كريمات بقمية 4000 ريال كجزء اول من العلاج ... ورحت البيت واستعملته اول يوم .. ثاني يوم .. ثالث يوم .. وعينكم ما تشوف الا النور ... صار وجهي شئ يخوف جدااااااااااا ... مافي مكان بوجهي فاضي من القشور حتى المنطقة المحيطه بالعينين .. وقلت معليش هذي ضريبة الجمال .. ووصلت لمرحلة ما كنت اخرج فيها من غرفتي ابدا لان بشرتي كانت غريبه جدا وتخوف المهم بعدها طبعا تهيجت بشرتي لانها حساسه .. وبالتالي رحت اتعالج عند اكثر من دكتور .. المهم انه بشرتي ما عادت مثل الاول ... بالاول كانت صافيه ولونها موحد ومافيها حبوب .. ومرت على هذه التجربة اكثر من سنه وما زلت اعاني من المشاكل ببشرتي .. اقلها ان بشرتي لم تعد تستحمل اي كريم يعني حساسه جدا .. وبالتالي لا استطيع استخدم اي كريم لمعالجتها.
هذه تجربتي مع الاوباجي ... وانتظر ردكم
اختكم .. بنت الســـلطان
الروابط المفضلة