حلمك ايه ؟؟؟؟

[شيمه الحب]

السلام عليكم ورحمه الله وبركاته

بنات عايزين كل واحده تدخل تقول ايه هى الامنيه او الامانى اللى بتتمنى تحققها فى حياتها

يعنى ايه اللى بيشغلك الفتره دى من حياتك وبتسعى لتحقيقه
بتمنى من كل اللى يدخل يقول لنا احلامه صغيره ولا كبيره كتيره ولا قليله
وهندعى للى لكل واحده تدخل ربنا يحقق لها احلامها


هقول حلمى بس فى الاخر

[أم سنابل]

السلام عليكم ورحمة الله وبركاته
ازيك ياجميل فكرة حلوة زيك
أنا حلم حياااااااتى إنى أسافر
استحلفكم بالله تدعولى من قلبكم بتحقيق الأمنية دى فى القريب العاااااااااااااجل ياااااااارب

[أم عبد الرحمن3122010]

انا حلم حياتى انى اعيش مرتاحة البال مرتاحة من حماتى سواء بقدر ربنا ليها او اى حاجة راضية من عنتد الله

ونفسى احمل تانى طبيعى علشان محسش الشفقة وان محدش يعايرنى انى تعبانة بحاجة

ونفسى اشتغل وانا مطمنة على ابنى

ونفسى احفظ القران

ونفسى اخلص اسنانى على خير

وطبعا املى الكبير الحج والعمرة ياااااااااااااااااااااااااااااااارب نولهانى

[أم عبد الرحمن3122010]

ربنا يكرمك ام سنابل وتسافرى وتلفى العالم مع زوجك يارب وتروحى كل مكان تتمنية

[اندرولا]

اولا الله يقدرلك السفر يا ام سنابل آمين، ويهدي بالك ويحقق يلي بنفسك كله ويعطيكي حتى يرضيكي يا كنزي...
اما عني...
لي احلام لا تحصى ولا تعد...
ذكرتيني يا شيمة الحب ... كانت امي تحكي لي وانا صغيرة عن اسطوره انه في رمضان في ليله من الليالي تأتي ثلاث ملائكه (هذا ان كان الله يحبك ومؤمنه به جداً ) وتصلي ومن ثم تسألك تمني ثلاث امنيات وتقولي لهم ما تريدينه... كنت دوما اسأل نفسي ماذا ساتمنى ... وما اجد نفسي الا ان اتمنى للآخرة.. وان الدنيا زائله...حتى للان كل ما يمر رمضان واعرف ان القصه خرافه الا انو أتذكرها وأقول شو حتمنى هالمرة!!
سألتي شيمة الحب عن الأحلام... يآااه عندي كم هائل من الأحلام... اتمنى ان تتحقق.... إليك أحلامي التي أتذكرها الان...

حلمي الاول الحج وأكون قادرة على حفظ القرآن
وبعده حلم حياتي ان يهدي الله زوجي للحق والدين الصحيح وان يتعامل زوجي معي ومع اهلي واخواي بالمعامله الحسنه والظن بالحسنى.
حلمي بان يصبحو أولادي من الأتقياء الصالحين في الدنيا وان يدخلنا جنة الفردوس جميعا في الآخرة.
حلمي ان أعيش بلا مشاكل
حلمي ان أنام ليله واحده بعمق
حلمي ان اكون هادئه وحليمه مع أولادي واقدر اربيهم تربيه صالحه عالدين والإيمان
حلمي الذي صعب ان يتحقق وهو نسيان الماضي والخلافات الزوجيه
حلمي بانه عندما اضحك او اكون سعيده في وقت من الاوقات الا افكر بلحظتها ياترى شو المشكله يلي حتعكرني بعدها!!
حلمي بان تتزوج ابنتي من زوج يقدرها والا يصادفها مشاكل وتعكيرات بحياتها
حلمي ان أموت وانا في كامل قواي العقليه والصحيه ويكون الله راضي عني....
اكتفي بهذا القدر لانو حتظل الأخوات يدعو لي وما حيكون في وقت زايد للاخوات الأخريات...ههههههه.... بارك الله فيكي لهالموضوع الجميل.

[نور العيون123]

يارب يحقق لكل وحده كل ما تتمنى وأكتر

طبعا في أمنيات اخروية بس أنا هقول الأمنيات الدنيوية بشرط تدعولي ربنا يحققهالي

بصراحة أكتر حاجه شاغلة تفكيري وبدعي ربنا كتير يبعت لبنتي الزوج الصالح االلي يسعدها ويتقي الله فيها

وأمنية حياتي أحفظ القرآن كامل ونفسي في بيت مستقل بنا لأن لسه مش عندنا وكفاية كده قوي عشان

م أكون طماعة الأمنيات كتيرة ربنا يحقق للكل ما يتمنى ويحققلك ي شيمة الحب وكل من كتبت وندوريلا صرحة

تعاطفت معاك جدا ايه ده يابنتي كل ده ؟ربنا يشرح صدرك ويحققلك كل ما تتمني يارب وأكتر

[oum saad]

ربنا يحقق لكم كل اللي تتمنو
انا نفسي في ولد عشان عندي بنتين
ونفسي اشتري بيت
كان نفسي في الحج بس الحمد لله ربنا اكرمني بالحج ونفسي في الاعادة ان شاء الله ادعولي

[لالي الحلوة]

يارب يحقق كل احلامكن واحلامي يااااااااااااارب
احلامي كتيييرة
اتمنى اني احفظ القرآن كاااملا واتمنى اني احافظ عالصلاة بوقتها وما أخرها والتهي بالأشغال
اتمنى اني اعيش في بيت مستقل واجيب كل اللي نفسي بيه وافرشو واعملو جنتي
اتمنى اسافر انا واهلي وعيلتي ونعيش ايام هنية واعيش مرتاحة البال
اتمنى ربنا يرزقني ببنوتة قمر تفرح قلبي وتكون رفيقتي
ادعووووووووولي احقق احلامي

[kamer14]

أما أنا فآمنيتي أن يحقق الله لكم جميع أمانيكم

و نكتب موضوع نبارك لكم أحلامكم التي تحققت

دعائي لكن جميعا

[مودة ورحمة 2005]

السلام عليكم ورحمة الله وبركاته
موضوعك جميل ربنا يبارك فيكي ويعطيكي ما تتمنى
أما أنا فرجائي من الله الذرية الصالحة لأنى متزوجة من 6 سنوات ولم يحدث حمل ابدا يارب ما تحرمنى وكل المسلمين يارب
وايضا ارجو من الله ان ابر بوالدتى ووالدى واخواتى وان يصلح احوالهم وكمان اخواتي البنات يتزوجوا يارب ازواج صالحين عن قريب لأن سنهم بيكبر يارب وفقهم واحفظهم وارزقهم بالحلال وبارك لهم فيه يارب
ورجائي أذهب لأداء فريضة الحج أنا وزوجى وامي وابي وأخواتي يارب حقق لي رجائي يارب
وان يحفظ لنا مصر من كل شر هي وسائر بلاد المسلمين يارب العالمين