مساء الخيرات
اليوم حبيت أشارككم بشي من تحضيري
سندويشات الكباب المد..
نأتي للمقادير:
لحمة ( حسب الرغبة )
بندورتين
بقدونس
3 فصوص ثوم
معلقة صغيرة نعنع
ولو في نعنع ورق تازة بيكون أفضل..
(بس أنا ما كان عندي بوقتها )
معلقة فليفلة حمراء ناعمة
رشة ملح
رشة زعتر أخضر
معلقتين كبار طحينة سائلة (طبعاً الطحينة بتساعد على تمازج المكونات سوا وتماسك طبقتين الخبز على بعض)
معلقتين زيت زيتون
وهي صورة لبعض المكونات
طبعاً لازم نقشر البندورة ونفرمها ناااعمة وكمان البقدونس والثوم
هي بعد ما خلطنا كل المكونات مع بعض
وهي بعد ما مديتها على رغيف الخبز
( من هون سموها سندويشات المد )
وهي على الشواية...امممم الريحة بتشهي شامين؟؟
وهي صورتها بعد ما قطعتها ( جاهزة للتقديم )
وهي عن قرب أكثر
بس طبعاً سامحوني على الصور مو كتير واضحين متل ما بدي
بس لأني كنت مستعجلة..وبصور بايدي اليسار
لكن الطعم طلع غييييير شكل
كتير طيبين والله..وبشهادة الذواقة
إن شاء الله تكون عجبتكن هالسندويشات
بانتظار رأيكم
وصحة وألف هنا ياارب
اللهم صلِّ وسلم وبارك على سيدنا محمد
الروابط المفضلة