هدية بسيطة لحبيبات قلبى مشرفات أركان الأطباق الجدد
Heart Marble Cake
الماربل كيك .. كلنا عارفينه وبنعمله بطرق مختلفة
انا النهاردة جايبة طريقة سهلة جدا
الجديد هنا .. تشكيل الكيك نفسه .. خليت الكيك الشيكولا من جوة على شكل قلب ..
والطريقة سهلة جدا برضوا
وكنت شفت الفكرة فى موضوع للأخت الغالية اسورة أيام المركز الصيفى لكن أنا غيرت فيها ليصبح الشكل على هيئة قلب
<< رومانسية البت
نشوف مع بعض ويارب تعجبكم
المقادير للأخت الغالية هند
3 أرباع كوب سكر
ثلثي كوب زيت
ثلثي كوب ماء
4 ملاعق كبيرة لبن بودر
بيضتين + فانيليا
كوب ونص دقيق+ ملعقة كبيرة مملوءة بيكنج بودر
2 ملعقة كبيرة كاكاو
فى الخلاط الكأس نخلط اول أربع مقادير
وبعدها نضيف البيضتين مع الفانيليا ونخلط
ثم نضع الخليط على الدقيق والبيكنج بودر ..
ونقلب باسباتيولا
وعندما يمتزج جيداً نضع ثلثين الخليط فى القالب المدهون بالزبدة او السمن
ونضع الكاكاو على الثلث الباقى
ثم نبدأ فى أخذ ملعقة ملعقة من الخليط البنى ونعمل دوائر على الخليط الأبيض
بمعنى
أنا أخذت مقدار ملعقة واحدة ووضعته فى بخفة فى أحد الجوانب الأربعة فى قالب الكيك
وتليها ملعقة اخرى فى جانب آخر ثم الجانب الثالث فالرابع
وأبدأ من جديد فى وضع ملعقة من الخليط على احد الجوانب .. وأعيد الكرة من جديد حتى ينتهى الخليط ..
السر هنا هو وضع الخليط بخفة وليس مرة واحدة
ليكون القالب عندى بهذا الشكل
ثم أدخل الكيك فرن درجة حرارته 180 مسخن مسبقاً .. لمدة ربع ساعة
ثم اخفض درجة الحرارة إلى 160 لمدة 25 دقيقة اخرى أو حتى نضج الكيك
لتخرج بهذا الشكل
وبعد ما تبرد أقلبها واقطعها
وهنا النتيجة
إيه رأيكم .. ؟؟
وإيه رأيكم فى البنوتة الجديدة اللى على الصور
الروابط المفضلة