عندك بروة صابونة او يعنى صابونة خلصانة وباقى منها قطعة صغيرة اوعى ترميها
انا هقولك تعملى فيها ايه
اى صابونة اى نوع جونسون كلين اندكلير دوف صنيوبار اى شىء واى نوع انا هقولك الحل كتير مننا بيمرى بروة الصابون صح لا من النهردة مش هنرميها عندى ليكم مفاجاة من اختراعى ويارب تعجبكم
المهم عشان مطولش اكتر من كده
هنقول مكونات الخلطة
بروة صابون اى نوع
ماء ورد
زيت زيتون
ليمون
الطريقة بقى
1-هتجيبى بروةالصابون وتبشريها كويس اوكى وبعدين هتحطيها فى طبق او علبة المتوفر عندك وبعد كده هتجيبى ماء الورد وتحطيه على الصابون المبشور اوك وتسيبيه يا اما من الصبح لبليل او من الليل للصبح المهم تسيبيه فترة بس استنى اول ما تحطى ماء الورد على الصابون لازم تقلبى كويس حتى هتلاقى ان الصابون تحسى انه اتعجن كده او ذاب فى مية الورد ومتكتريش مية ورد لا حبة كده بس عشان ميبقاش خفيف اوى.
2-بعد كده تاخدى الخليط اللى عملتيه وتحطى عليه ليمونة وملعقة ك زيت زيتون وتقلبى كويس لحد ما يتجانسه كويس اوك .
3-كده الخليط بقى جاهز عندنا هتستخدميه بقى عادى لجسمك كله افركى بيه الجسم بحركات دائرية بسيطة وبعدين اغسليه وليفى بالليفة المغربية ماعدا الوجه طبعا.
4- خلصتى يا حلوة رطبى بقى يا اما زيت جونسون يا اما كريم دوف وانا افضل زيت جونسون عشان بيحتفظ بالرتوبة اكتر غير الريحة الحلوة.
بعد ما تخرجى من الحمام اتفرجى بقى على الجمال والبياض والنعومة ما شا الله الله واكبر.
وفرصة تعملى الخلطة دى انهردة واهو بكرة الجمعة وكل الناس بتستحمى حتى اللى مبيستحماش بيستحمى بكرة الجمعة
وقبل ما تعمليها سمى وتوكلى على الله مش فى دى بس ديما اذكرى الله قبل عمل اى شىء هيطلع ذى ما بتريدى واحسن باذن الله.
انا كده خلصت بس دى براءة اختراع اوك واللى عنده اى استفسار او اى شىء انا فى الخدمة يالا يا حلوات جربوا وقولولى ايه النتيجة واكيد مكونات الخلطة موجودة فى كل بيت .
الروابط المفضلة