بسم الله نبدأ
ان شاء الله أولا بنعمل الوردتين
انا حربط فتلتين الخيط من البدايه بهذه الطريقه
اشتغلى 5 سلسلة واغلقى بمنزلقة
السطر الأول اشتغلى 3سلسلة (كأول عامود )+عامود+2سلسلة+2عامود+2سلسلة+2عامود+2سلسلة+2عا مود+2سلسلة+2عامود+2سلسلة+2عامود+2سلسلة واغلقى بمنزلقة
السطر الثانى اشتغلى منزلقة فوق أول عامود فى السطر السابق بعدها اشتغلى بالترتيب التالى فى كل فراغ من السطر الأول حشو+3 عامود+حشو وكررى لنهاية السطر واغلقى بمنزلقة حيكون عندك 6 بتلات
السطر الثالث كله هيكون سلاسل ادخلى الابرة فى أول غرزة حشو عندك من السطر السابق واسحبى من خلالها الخيط يعني منزلقه واشتغلى 4سلسلة واغلقيهم فى أول غرزة حشو من بتلة الوردة اللى بعدها
وكررى لنهاية السطر واغلقى بمنزلقه
ملاحظة هنا السلاسل بتكون علشان نشتغل عليها ورق الورد للسطر التالى
وهنا بعد ما عملنا الاربع سلاسل فوق كل بتله
السطر الرابع اشتغى فى كل فراغ كالتالى حشو+5 عامود+ حشو وكررى لنهاية السطر واغلقى بمنزلقة
السطر الخامس كررى نفس طريقة السطر الثالث مع زيادة عدد السلاسل هتكون 6 سلاسل وبتكررى لنهاية السطر وبتغلقى بمنزلقة
وهنا بعد ماعملنا الست سلاسل فوق كل بتله
السطر السادس اشتغلى بالترتيب التالى حشو+نصف عامود+7 عامود+نصف عامود+حشو وكررى لنهاية السطر واغلقى بمنزلقة
السطر السابع كررى نفس السطر الثالث والخامس مع زيادة عدد السلاسل هتكون 9
وهنا بعد ماعملنا التسعه سلاسل فوق كل بتله
السطر الثامن اشتغلى بالترتيب التالى حشو +نصف عامود+9عامود+نصف عامود+حشو وكررى لنهاية السطر واغلقى بمنزلقة واقطعى الخيط واشتغلى الوردة الثانية
الروابط المفضلة