السلام عليكم. تعبانه ومقهوووره ومنهاره ومصدومه وكل شيء فيني ودي امووووت محتاجه حد افضفضله ويساعدني انسى ويقولي ايش اسوي. انا متزوجه صارلي 4 سنين ونص وزوجي له سوابق مع البنات وكل مره اكشفه يعتذر ويقول ماراح اعيدها ويفهمني انها مجرد تسليه والشيطان السبب وانو مايحبها. وصارلي فتره احسه رجع للموضوع بس كنت اكذب نفسي لانو عنده ضغوطات ماديه ونفسيه ومشاكل مع اهله حتى انا ماعاد يسولف معاي او حتى ينام او يقولي كلام حلو حالته مررررره زفت. وكنت لما اقوله انو انت متغير عليا يقولي بسبب الضغوطات ومشاكله مع اهله وكنت اصدقه فعلا وماعاد فتحت الموضوع لين ماتنفرج علينا. امس كنت فاتحه جهازه كنت باخذ حاجه منه ولقيت محادثاته مع بنت كان يكلمها وجلست اقرا المحادثات من جد انصدمت يكلمها بغزل وشوق وحب وتعرف اسمه واسمي واسم ولدنا ويرسلها صوره وصور ولدي بعد وكمان صورها وصور ولدها ترسلها له وفوق هذا كله يتكلم فيني يقولها زوجتي مافيها ايا شيء حلو الا شكلها والباقي فيها مايسوى حتى مخها وتفكيرها صغير مخ ولدي اكبر منه وبعد يكلمها على الجوال. صرت ابكي واضرب نفسي واصيح باعلا صوتي وهوا يهديني ويقول ايش فيك ولما قلتله اعتذر وقال ماراح اكررها وانو نادم علي اللي سواه فيني وانو كان راح يتركها حتى لو ماعرفت. هوا كل مره يقولي كذا بس المره هاذي غير علاقته غير كل شيء تعرفه وفوق هذا يحرقرني ويتكلم فيني عند وحده ماتسوى ماعندها شرف. انا ماعاد اصدقه صرت اشوفه كذاب وماعاد في ثثقه بيننا اللي قاهرني انو راح اكمل معاه عشان ولدي وهو يقولي راح ابطل واتركها بس انا مو مصدقته كيف راح اكمل معاه كيف انسى السالفه واكمل حياتي والله انا مو مقصره معاه في شيء كل شيء اسويه له ومااحبه يزعل وفي الاخير يسوي فيني كذا حرام عليه. ساعدوني قولولي ايش اسوي كيف انسى الموضوع والله صعب عليا حتى ماقدرت انام كيف اخليه يردلي اعتباري وكرامتي. انتطركم لاتبخلو عليا انا في حاله من الهم والقهر مايعلم فيها الا ربي
الروابط المفضلة