البيات عند حماتى

[حفيدة أم حبيبه]

السلام عليكم ورحمة الله وبركاته

كل سنة وإنتم طيبين عندى مشكلة صغيورة محتارة فيها ومش عارفه اللى بعمله دا صح ولا لا

أنا متزوجة من 8 شهور وحامل الان فى الشهر الخامس والحمد لله حماتى وحمايه طيبين جداااااااااا وزوجى شايلنى فى عينيه والعلاقات بين عيلتى وعيلته كويسة جدا الحمد لله المشكلة هيه البيات عند حماتى

فى أول الزواج كل فترة كنا نبيت عندها يوم ونروح وكان لسه فى البيت أخته الصغرى

دلوقتى أخته بقالها شهر ونص تقريبا متزوجة

قبلها بفترة كنت بحاول أروح دايما أساعدهم ونبات لان فرحها مش إسلامى ومش كنت هاحضره فكنت بحاول أكون دايما معاهم مهما كنت تعبانه ومش كنت بقول إنى تعبانه

وقلت لزوجى إن شاء الله نبات أول كام بوم معاهم علشان مش يحسوا إن البيت فضى عليهم

ودا فعلا اللى حصل

دلوقتى أنا ببيات مرتين ليلتين فى الأسبوع يعنى أربع أيام وأنا اللى حددهم لان زوجى كان فى أى وقت بيقولى هنبات

أنا دلوقتى حاسه إنى مضايقه وحاسه إنه فرض عليا ولو قلت له بلاش النهارده يقولى ليه مش إنى اللى محدده الأيام

أنا محدده الأيام على أساس نزولى من البيت لانى بدرس وبحفظ واحفظ قرآن وكل دا جمب بيتنا

أنا حماتى بتشتغل هيه مش بتطلب منى حاجة بس علشان باقت لوحدها بتعمل ممكن كل حاجة فى يوم واحد فتتعب أو مش تستنى أنا أو حد من ولادها البنات يجى علشان يصعب عليها نفسها أو لو قالت لحد يجى من بناتها ومش جه طبها بتصعب عليها نفسها وتعمل هيه وتفضل تعيط وتتألم وطبعا زوجى بيتعب ويزعل علشان أمه

أنا أمى تحتى ومريضة بالقلب وعندى وليا أخت صغيرة مش بتقدر تساعدها قوى وحماتى برضه تعبانه وبتشتغل غير شغل بيتى ودراستى وإهتمامتى دا غير حملى

دلوقتى حماتى بحس إنها دايما عاوزانا نبات عندها ودايما لما نروح عندها تقولنا مش هاتباتوا طبعا لازم أكون قايله لزوجى ومتحيله عليه بلاش بيات النهارده لان عندى وعندى من المهام اللى ورايا ولانى بفضل هناك وخاصه فترة الصبح مش بعمل حاجة لغايه لما هيه تيجى من الشغل سعات مش بنبنات وكتير يقولها لا خلاص هنبات
دا بيخلينى أعند أدام نفسى ومش أخد الدوا أو مش أكل او أكلمه برخامه بس طبعا بينى وبينه

أنا مقدرة جداااااا موقف حماتى وحمايه وفرحهم بينا وبزيارتنا وبياتنا بس أنا مش بستريح إلا فى بيتى ولا بحب أنا عند حد ودا شىء نفسى نفسيتى بتتعير تماما لما ببات عندى إستعداد أفضل لغايه الساعة 1 بس أنام على سريرى لكن دا مش بيحصل لان ساعتها زوجى بيكون راجع تعبان وعاوز ينام وبيكون عاوز برضه يرضى أهله ويدخل على قولبهم السرور بس أنا لو حبيبت أخد شور بنتظر لما حمايه ينام وأستأذن أخد فوطة أو ممكن مش أنشف وبفضل بالعبايه طول اليومين ممكن أنسى أو أفاجأ بالبيات فمش يكون معايا غيارت داخليه فبكون مقروفه من نفسى ومش بكون واثقه من نفسى لما زوجى يجى أنا محتارة

أنا عاوزة أخدم أمى وحماتى وأشيل زوجى فى عنيه وأرضيه بس برضه أشعر بالإستقرار أنا تقريبا مش عند بعد فى بيتى لما تعبت وبقيت أخاف أخرج من زوجى لانى عافه هانعدى على والدته وتقلب بالبيات حد يدلنى أعمل إيه؟؟؟؟؟

أنا كنت مرتبة نفسى يوم الوقفة دا مثلا مش اعمل حاجة واتفرع للعبادة
كنت عند حماتى الأربعاء وطبخت الخميس معاها وقلت لها لو فى حاجة تتعمل فى البيت قالت لى لا هوه نظيف وبناتها هايجوا لها روحت من عندها الساعه 1 نظفت بيتى الجمعه ولم انتهى منه وفضلت عند ماما السبت والاحد أنظف لانها دورين وصممت أخلص كل حاجة وقلت لها لانى مش هاجى بكره
ويوم الإثنبين صحيت من قبل الفجر وفضلت صاحيه وبدأت أنظف نفسى وأشوف هاطبخ إيه بسرعه وإنى هاخلص كل حاجة قبل العصر بالذات جه زوجى قالى ماماته قالبه البيت عندها وإنها لوحدها وتعبانه فإنزلى حالا ودا كان قبل العصر بساعه أنا نزلت بجد وهيه صعبانه عليه جدااااااااا بس مضايقه لان كل الترتيت باظ اليوم دا روحت من عندها 12 بالليل وفضلت لغايه 3.30 أشتغل فى البيت وصحيت بالعافيه للفجر وكل حته فى جسمى بتقول أه وفضلت تعبانه مكسره يومين

حد يقولى أعمل إيه علشان أرضى ربنا أزوجى وحماتى وأمى ونفسى

[نور العيون123]

اهلا بيك اختنا حفيده وسعداء بك في منتدي لك

وان شاء الله نستفيد منك وتستفيدي مننا ربنا يكمل لك حملك بالسلامه

ويسعدك ويوفقك وماشاء الله تبارك الله ربنا يديم عليك نعمته كون زوجك واهله كويسين معاك

ماشاء الله دي نعمه كبيره قوي الحمد لله وسبحان الله الانسان مهما كان مرتاح وسعيد

لازم يكون عنده حاجه منغصه عليه من اي ناحيه وانت فعلا في مشكله

لان دي حاجه مؤثرة على النفسيه والخصوصيه وموقفك صعب

انت ما قلتي هل زوجك الولد الوحيد لاهله ام لا وكم اخت له متزوجات

لان لو في غيره واكتر من بنت ممكن الكل يتفقوا مع بعض ويلموا مبلغ من بعض

وتجيبوا واحده تنظف لحماتك الشقه كل اسبوع وتعمل لها شوية اكل يتحطوا في التلاجه

والفريزر ده هيخفف الشغل عليها وكمان زوجك يكلم اخواته بطريق مباشر

كل واحده منهم مسؤوله عن امها اسبوع تساعد بنفسها او اذا كان عندها بنت تبعتها تساعد

جدتها لازم البنات يشيلوا مسؤولية امهم ويحسوا بيها ولازم يكون بينهم اتفاق

بمواعيد حتي لو ظروفهم لا تسمح يهيؤو ظروفهم على مواعيد مساعدة الام

لان ده واجب عليهم وانت هيكون ليك معاهم نصيب وده هيخفف على كل واحده

وبناتها لا يعطوا للام فرصه لتطلب منهم لكن يبادروا هم بذلك

ويمكنك لاتفاق مع زوجك ان تغيري الاتفاق وتحديد الايام لانه ليس امر شرعي

ولا الزام شرعي فلا يجب عليه ان يلزمك ويلح عليك

اذا لم تستطيعوا اي حل يمكنك اخذ شوية ملابس لك تخليهم دايما في بيت حماتك

دايما يكون لك ملابس وفوط للظروف ممكن تتفقي مع امك لما تحبي تروحي من عند حماتك امك تتصل عليك تقولك تعالي لاني محتاجاك وتروحي بيتك ترتاحي فيه

وان شاء الله الاخوات يفيدوك ربنا يعطيك الصحه والعافيه ويعينك ويجزيك خير

[غريبة اطوار2]

الله يكون بعونك ويقومك بالسلامة اختي بس انتي حامل وبحاجة للراحة طيب لية حماتك مايكون العمل بينك وبين بناتها مقسم خصوصا في وضعك وحملك وامك لو تجي وحده كل اسبوع تنظف لها البيت احسن باجر بسيط صعب عليك

[تلال رمادية]

اهلا بالحفيدة السعيدة
اقول سعيدة لأنك حصلت على زوج يحبك ويراعيك هو واسرته
وان شاء الله يتم عليك السعادة بمولود طيب معافى يرزقك بره
حبيبتي ليست المشكلة ما ذكرتي
فكل ما يضايقك من عدم وجود غيارات او لبس العباءة او او ليس هو المشكلة
هذه أمور سهل علاجها بتجهيز شنطة صغيرة بها غيار لك ومستلزماتك هناك واخذها معك في كل مرة
والشاور في الصباح ما في مشكلة والنوم بالتعود سترتاحي الخ الخ
المشكلة في الحقيقة اكبر
انت حامل ومع ثقل الحمل لن تستطيعي القيام بما يطلبه زوجك منك من خدمة الوالدة التي من حقها المساعدة
والحامل تحتاج الى شيئين مهمين الراحة الجسدية بدون كسل والغذاء المتوازن والاثنين لابد لهم من راحة نفسية
وما انت فيه من ارهاق ولغبطة نوم سيؤثر عليك اكيد
ثانيا بعد الولادة ان شاء الله يتمها الله عليك بخير كيف سيكون الحال هل ستتركين سرير الولادة وتلحقي الوالدة اللي قالبة البيت وتريد مساعدة
واذا سهرتي ليلة مع النونو هل ستستطيعي ان تقومي بالمواعيد المحددة للبيات هناك كما يطالبك زوجك الان
الأمر سيكون صعب جدا ولن تستطيعي ساعتها ان ترفضي لأنك ببساطة جعلتي بياتك عندها فرض عليك
لا اريد ان اقلب عليك حياتك مع زوجك فهو يبر ابويه وهذا خير لك قبل ان يكون له
ولكن انت ملزمة بواجبات تخصك وتخص حملك وتخص بيتك ولا يحملها احد عنك فإذا اردت ان تحملي غيرها فبشكل لا يؤثر على واجباتك الأصلية
الوالدة خفف الله عنها تعمل اي انها بصحة وعافية والحمدالله يعني بشوية تنظيم لبيتها ستسير حياتها
بناتها كما قالت عيون لابد لهم من المشاركة فليكن لكل واحدة منكم يوما للبيات والمساعدة وعلى الاقل فقد اصبحتي تحملين بالتساوي المسؤلية مع بناتها
يمكن ايضا تخصيص خادمة تساعدها يوما في الاسبوع ترفع عنها حمل التنظيف باقي الاسبوع
يمكن تجهيز اكلاتها في بيتك لاسبوع وزوجك يحملها اليها
اجلسي مع زوجك وتكلمي بدلال وهدوء ان الايام القادمة لن تعينك على تنفيذ جدول ايام البيات وان الحمل يجهدك وانك تحتاجين الى مزيد من الراحة والاسترخاء في بيتك واطلبي منه عدم الغضب منك اذا قصرت في يوم من الايام الخاصة بوالدته لأن هذا خارج عن ارادنك واقترحي عليه الحلول السابقة
وذكريه ان الوضع مستحيل يستمر بهذه الطريقة بعد وجود طفل
فإن كان بعض الازواج يعاني من اهمال زوجته بعد وجود طفل فكيف ستقومين بواجبات اكثر خارج بيتك
انصجك لا تغضبي زوجك ولا امه الطيبة ولا تفعلي شيئا يغير العلاقة الطيبة بين الاسرتين
ولكن مع مراعاة الظروف والتغير الذي تمرين به حياتك وزيادة المسؤليات عليك
اكرر لا تعاندي مع زوجك ولا تتشددي بالامر ولكن بهدوء رتبي حياتك معه ولا يلحظ ابدا انك تتضايقين من الامر بل هي القدرة على الاستمرار والاجهاد الذي تشعرين به
يسر الله حملك واتمه عليك ورزقك العافية التي تستطيعي بها مساعدة امك وامه والقيام بواجباتك على اكمل وجه

[زوجي تاجي]

مبارك حبيبتي الزواج والحمل والزوج الصالح واهل الزوج المحترمين ..
الاخوات ما قصروا ،، ولكن احببت ان الفت انتباهك لجانب اخر ،، مما قرأت فهمت انك تعانين من الجانبين مسؤولياتك تجاه اهل الزوج ومسؤولياتك تجاه اهلك ،، وهذا مرهق جدا لفتاة ما زالت في اولى عتبات الزواج ، وتسعى لتأسيس علاقة زوجية متينة ..

نصحيتي لك ،، ان تخففي الذهاب عند والدتك وخدمتها فالحمد لله الوالدة بخير واختك ما زالت عندها ، واهلنا حينما يزوجونا يعلمون اننا لن نبقى بناتهم في البيت وان ظروفنا ستختلف ومسؤولياتنا تختلف ، احيانا لا نستطيع ان نذهب للزيارة بسبب الظروف الاسرية ، فما بالك بالخدمة والمتابعة لبيتين عدا عن بيتك وزوجك وهما الاساااااااااااااااااااس ،،

اذن اولا : خففي ذهابك عند والدتك ولا تخبريها بالسبب وانما تعذري بالحمل وتعبه وووووو ولا تجيبي سيرة دار حماك لان الام يبقى في قلبها غضب على من اتعب ابنتها او نكد عليها ، فحفاظا على العلاقات العائلية لا تخبريها بالسبب ..
سيعود زوجك فيجدك لم تذهبي لأمك، لماذا ؟ لاني متعبة واخبرتها انني لن استطيع الذهاب عندها كالسابق ،، هنا حينما تتعذرين عن الذهاب لوالدته سيقتنع لانك بادرت من عندك بالتخفيف من جهة اهلك ،، يعني المشكلة ليست في اهله المشكلة انك متعبة ،، ارجو ان تكوني فهمت قصدي ...

الامر الثاني : اولا فكرة تحديد ايام انت هكذا فرضت امرا عليك وحملت نفسك ما لا تطييق وهذا ما لا يرضاه الله ، بكل هدووووووووووء ابدأي بتغيير النظام دون المصادمة مع زوجك او اهل زوجك ، احفظي ما بينكم من حسن العشرة والمحبة واستغليها لترتيب حياتك بهدووووووء ،، يعني مرة تعذري ومرة اذهبي ،، انقطعي مرتين والمرة الثالثة اذهبي ،، وتعذري بالحمل وتعبه وانك لم تعودي تراه كالسابق ، وعايزين نجلس برواق مع بعض وووووو ,, دون التصادم ارجوك ،، ان اصر عليك في البداية طاوعيه ولكن ابقي على التعذر حتى يبدأ يلين ويقتنع ،،،

ارجو ان اكون افدتك اختي الغالية

[حفيدة أم حبيبه]

ماشاء الله دي نعمه كبيره قوي الحمد لله وسبحان الله الانسان مهما كان مرتاح وسعيد

لازم يكون عنده حاجه منغصه عليه من اي ناحيه وانت فعلا في مشكله

لان دي حاجه مؤثرة على النفسيه والخصوصيه وموقفك صعب

جزاكم الله خيرا أختى عيون ربنا يبارك فيكى وفعلا أنا فى نعم لاتعد ولا تحصى والمشكلة قبل مايكون تعب جسدى هوه تعب نفسى لان عندى إحساس بالإلزام وعدم الإستقرار

وزوجى هوه فعلا الولد الوحيد وله بنتين متزوجين والبنتين وحماتى بيشتغلوا وكل بنت يدوب تخلص شغلها وتشوف طلبات زوجها وبيتها فممكن تيجى مرة أم مرتين فى الأسبوع بالكتير وأزواجهم بيرفضوا البيات

[حفيدة أم حبيبه]

الله يكون بعونك ويقومك بالسلامة اختي بس انتي حامل وبحاجة للراحة طيب لية حماتك مايكون العمل بينك وبين بناتها مقسم خصوصا في وضعك وحملك وامك لو تجي وحده كل اسبوع تنظف لها البيت احسن باجر بسيط صعب عليك

ربنا يبارك فيكى حبيبتى
أنا حماتى مش بتلزمنى بعمل بفضل الله لكن فجأة ألاقيها هاتعمل حاجة فطبعا لازم أساعدها
المشكلة إنها حاسه بالوحدة وإن الكل بقى له حياته وهيه لواحدها فتحسى إنها زعلانه لما اكون وزجى هناك الروح ترد فيها فتقوم بقى علشان تعمل حجات كتير لينا فترهق نفسها وترهق اللى معاها ممكن نفضل 5 سعات نحضر للطبيخ والطبه لان مش كل حاجة متحضرة فى الفرزيز دا مثلا

وفكرة أن كل أسبوع حد ينظف ليها فكرة طيبة ممكن أقترح كدا لو وافقت

جزاكم الله خيرا

[حفيدة أم حبيبه]

اهلا بالحفيدة السعيدة
اقول سعيدة لأنك حصلت على زوج يحبك ويراعيك هو واسرته
وان شاء الله يتم عليك السعادة بمولود طيب معافى يرزقك بره

اللهم أمين

جزاكم الله خيرا أختى تلال ربنا يبارك فيكى وإن شاء الله أصلى صلاة حاجة واتكلم مع زوجى
وعلى فكرة أنا أمى تحتى بدورين يعنى بنفس العماره فأنا بروح عندها وأنا طالعه وانا نازله غير لو فضلت عند أمى مش زى عند حماتى سبحان الله أكتر بيت الان أستريح فيه هو بيتى ثم بيت أهلى الذى نشأت فيه بكون بحريتى أكتر

إدعى لى ربنا يرزقنى بر زوجى وأهلى واهل زوجى لانى أخاف بشدة من العقوق
وكما تدين تدان

[صاحبة البيت]

السلام عليكِ غاليتي
مرحباً بكِ بيننا
أعانك الله وأرضاكِ بالذرية الصالحة بإذن الله
غاليتي
مشكلتك بسيطة جداً بإذن الله
ويكفي أن معكِ زوج متفهم ويقبل التشاور
بالنسبة للبيات عند حماتك حاولي أن تتأقلمي عليه
فكل واحدة عندما تتزوج تكون في طوع زوجها
ولذلك فهو صعب عليه أن يرى أمه بحاجة لمن يساعدها
ولا يكون هو في مقدمة المساعدين
ولو حتى بزوجته
جزاكِ الله خيراً على ذلك
حاولي أن تكون لكِ بعض من الغيارات الضرورية
عند حماتك كما ذكرت الأخت عيون
فهذا سيخفف حدة صدمة البيات نوعاً ما
وسيكون هذا الوضع
إلى ان تلدي مولودك
وتتعدل الأمور ويكون إبنك هو شغلك الشاغل
وهو الحجة الخاصة بكِ
وفعلاً سيكون حجتك الكبرى في الجلوس بالبيت
أغلب الوقت
وبالتاكيد سيكون لأخوات زوجك دور في مساعدة امهم
مقابل مساعدتك لها أيضاً
وربنا يعينك
وصدقيني بالتنظيم سيكون الأمر أسهل مما تتوقعين
ولكِ الجزاء من الله على ما تفعلين
تقبلي مروري

[حفيدة أم حبيبه]

الامر الثاني : اولا فكرة تحديد ايام انت هكذا فرضت امرا عليك وحملت نفسك ما لا تطييق وهذا ما لا يرضاه الله ، بكل هدووووووووووء ابدأي بتغيير النظام دون المصادمة مع زوجك او اهل زوجك ، احفظي ما بينكم من حسن العشرة والمحبة واستغليها لترتيب حياتك بهدووووووء ،، يعني مرة تعذري ومرة اذهبي ،، انقطعي مرتين والمرة الثالثة اذهبي ،، وتعذري بالحمل وتعبه وانك لم تعودي تراه كالسابق ، وعايزين نجلس برواق مع بعض وووووو ,, دون التصادم ارجوك ،، ان اصر عليك في البداية طاوعيه ولكن ابقي على التعذر حتى يبدأ يلين ويقتنع ،،،

ارجو ان اكون افدتك اختي الغالية

ربنا يبارك فيكى أختى زوجى تاجى وإسمك بجد جميل جدا ربنا يبارك فيكى

أنا حددت أيام لانى مش بحب المفاجاأت مش بحب فجأة وأنا ورايا مليون حاجة لسه فى الشقة يقولى إلبسى حالا هانروح عند ماما وبكره لما نكون هناك أفاجأ إننا هانبات وأنا ورايا حجات تانيه هاعملها فى البيت أو ورايا إرتباطات أخرى فعلشان كدا حددت بس صعبان عليا إنى أربع أيام بره البيت والخامس عند أمى والسادس بنزل أحفظ فيه ولم يتبقى لى سوى الجمعه لو مفيش حد عزمنا فيه فبشعر بالإرهاق من كثرة الخروج .. لاتنسنيى من دعائك