عملت كتير رجيمات و جربت كتير حلول لمشكلتي وماقدرت اتخلص من مشكلة الوزن الزائد .
تناولت كتير انواع من لحبوب المنحفة الغالي الثمن الصراحة جابت نتيجة بس مو مرضية لاسف.
صار عمري هلاء 20 سنة و ما قدرت التخلص من هالمشكل الي مربكني في حياتي اليومية خصوصا انو الحمدلله انعم الله علي بالجمال . فيكن تتصورو حالتي حلوة و سمينة مو زابطة يعني كلمتان متناقضتان جدا .
مرات كتير بصمم انو هالمرة اخر مرة و بصير اعمل رجيم و رياضة و عين الله علي حتى فجاة بيتوقف كل شيء بسبب الملل علما انو كنت جيب نتائج و الله حلوة بس شو اسبوعين او ثلاث بس بعدين بيرجع وزني تقريبا مثل ما كان لانو ما بحافظ ع الرياضة و ما بغير نظام اكلي الغير صحي و يبلش المورال يهبط شوي شوي لحتى اوصل للكابة بعيد الشر عن قلوبكن و صير اتفشش بالاكل تفشيش و ما حدا الو عندي شيء معصبة و منرفزة للاخر و تكمل الصورة بمشكل عاطفي و هيك شيء و تعوا تفرجوا علي بصير مثل الوحش بهجم ع الاكل هجوم مع انو ما كون جوعانة و الله العظيم بس من شان انسى الي عم بيصير معي .
و روحي يا ايام و تعي يا ايام و انا متل ما انا 72.9 هو وزني الحالي كان من قبل 75 يعني شو الفرق كبير ؟؟؟ بتصدقوا كانو القدر عم بيحول بيني و بين الرشاقة لانو كل قول رح بلش الا و تطلعلي مشكلة بتنزعلي كل شيء و ما في داعي خبركن ازا تخانقت انا و خطيبي شو بيصير اي و الله لو بيزيد وزني ساعتها 100 كيلو ما بيهمني .
و هلاء بعد هالحكاية البشعة بدي اغير شيء بحياتي يكون من الاساسيات و هو نظامي الغذائي بس بدي كم وحدة من السمينات يلي وزنها بحدود وزني تنضملي و نتبادل التشجيع .
بس في شروط يا حلوات :
اليوميات كل يوم تكتبيها الزامي
الرياضة كل يوم الزامي
شرب الماء الكتير الزامي
وضع شريط الوزن للتشجيع كمان الزامي
انا وقفت وقفة صريحة مع ذاتي و قلت كل شيء كان بقلبي بدون مخاوف او احراج لانو ما رح ينفع شيء وقت الجد ولا شو قلتو بدكن ضلوا هيك طول عمركن سمينات ؟؟؟؟؟؟
يلا انا بانتظاركن لانو اليوم هو تاريخ جديد بحياتنا ان شاء الله بس بدنا نقوي قلبنا و نشد بايادي بعض و ما نخبص ان شاء الله .
الروابط المفضلة