طبعا هتستغربوا من العنوان
لا عادى ما تستغربوش
واحده بتشارك نفسها
عادى يعنى بتحصل فى أحسن العائلات
سبحان الله و بحمده عدد خلقه و رضا نفسه وزنة عرشه ومداد كلماته
النهارده إن شاء الله هقولكوا على طريقة ورقة لحم وراك الدجاج او الرومى بالخضار فى الفرن يا رب تعجبكم
انا هنا عملتها بوراك الرومى بس بوراك الدجاج بتكون اطعم
أنا فى الأول قطعت كل الخضار اللى عندى من بطاطس و جزر و فلفل ألوان أخضر وأحمر و أصفر و بصل وطماطم كله مكعبات و قطعت وراك الرومى قطع صغيره نسبياو حطيتهم على بعض
جبت صينيه بايركس و غلفتها بورق فويل بحيث ان الفويل يبقى طالع من كل جهه و حطى الخضار باللحم عليه
غطى على الخضار باللحم ببقية ورق الفويل
دخليه الفرن على درجة حراره 250 فى الاول و بعدين هدى الفرن على 180 او 200 لحد ساعه مثلاإفتحى عليها الفويل و إختبرى السوا
لو لسه ما استوتش حطيها كمان ربع او نص ساعه و دوقى أحلى ورقة لحم بالخضار
صحيه و خفيفه و طعمها لذيذ
وده طبعا الزوووووووووووووم بتاعى
يا رب تكون الوصفه عجبتكم
الروابط المفضلة