السلام عليكم يا غاليات....
كل عام وأنتم بخير رمضان علي الأبواب..
..مشاركتي اليوم مشاركه بسيطه في ملف حلويات بارده هي وصفه بسيطه أتمني أن تنال الأعجاب...
الصنف هو..."بافرواز المانجو"...
..اليوم أعددت وصفتي مع بعض الأضافات والتعديلات البسيطه من عندي لأحولها لوصفه حلي بسيطه وسهله...ندخل عالمقادير..
المقادير:
-كميه من أي فاكهه تحبيها أو متوفره محفوظه أو طازجه"أنا كنت حابه أعملها بقمر الدين لكن مش متوفر عندي الحقيقه"
-جيلاتين ورق أو بورده"أستعملت الورق"
-فاكهه مجففه"أستخدمت القراصيا"
-بسكوت ساده مطحون
-قشطه وعسل نحل
الكميه اللي أنا عملتها بسيطه والمقادير تقديريه..
الطريقه:
-حضري قالب "أستخدمت البريوش لأن الكميه مش كبيره"وبطنيه بورق تغطيه"فيلم بلاستك"...وقومي بوضع القراصيا في الجوانب مع الضغط عليها "هتلزق لوحدها "
-نذيب الجيلاتين في الماء المغلي ...بعد تمام الذوبان يضاف ألي المانجو ويضرب في الخلاط مع أضافه السكر
-صبي الخليط في القالب ودخليه الفريزر حتي يتماسك
-أطحني البسكوت وضيفي عليه القشطه والعسل وأمزجيه جيدا
-قومي بأضافه البسكوت ألي قالب البريوش ودخليه التلاجه..
-بعد التماسك أقلبيه وقدميه مع تزيين بسيط والصور هتوضح أكتر..
بسم الله ماشاء الله
هنا بعد التقطيع بس ساح مني شويه لأن الجو حر جدااااااااااااااا كنت بتسابق علشان أخد صوره قبل ما ينهار..هههههه
صورته كتير كان شكله جميل ماشاء الله...
لو عجبكم رجاء لا تنسوني من صالح الدعاء في الشهر الفضيل بأن يعوضني الله خيرا مما فقدت ...
أشوفكم علي خير
الروابط المفضلة