السلام عليكم ورحمة الله وبركاته
اخواتي في الله الحمد لله ربي على كل حاااااااال بس احس بالضيق،،وخاااايفة من بكرة مو عارفه ايش مخبي لي،،لكن ثقتنا بالله وبالقضاء والقدر هو الي يخفف عنا وهو عزوتنا،،ما اطول عليكن الحمد لله رب العالمين الله رزقني بجمال متوسط،،ولما كنت في الإعدادية بدأ الخطاب يطرقون الباب وكنت اردهم بحجة اكمال دراستي حتى اكملت دراستي والتحقت بالجامعه وعندما كنت سنة أولى خطبني شاب من بلد عربي غير بلدي،،بصراحة لما كلمني ابوي انه خطبني كنت مرتاحه وكنت راح اوافق بس ابوي هو الي رفض بحجة انه مو من نفس بلدي،، ولكن بعدها بفترة بسيطه خطبني شاب من نفس بلدي وسألنا عنه وعن اهله وسمعنا عنه كل خير،،لذلك وافقت وتمت الخطبة وصار لنا مخطوبين فترة والزفاف بيكون بعد سنه من الآن،،والحمد لله خطيبي يحبني كثيرا وخلوق ومهذب،،ولكنني احسه لا يرفض لوالده اي طلب يطلبه وحتى لو هالشي فيه مضره لي او له من باب طاعة الوالدين انا لا اقول انه ما يطيع ابوه بس كمان لازم يكون له كلمته وشخصيته ومو اي شي يقولوا له ينفذه والي زاد من ضيقي اني سمعت كلام انو اهله ما خطوبني إلا عشان وظيفتي لأن عائلتهم ميسورة الحال،،واحنا الحمد لله مرتاحين،،بصراحه هالشي كثير مضايقني وابغى اعرف هوا نفسه خطبني عشان انه يبيني لشخصي ولا عشان وظيفتي راح انجن والله كيف اعرف بس هو يحبني ويقولي انه الي يهمه اني اكون سعيدة ويوعدني اني بكون اسعد انسانه معه بس وربي خايفه حتى لما احتكيت بأخواته حسيتهم يحبوني بس مو عشان شي لأني كثير طيبه معهم واي شي يطلبوني اعطيهم احسهم بس يحبوا يستغلوا طيبتي بس انا ما اقدر ارد لهم اي طلب،،مو عارفه ايش اسوي،،الله يوفقكم ادعوا لي ،،وانصحوني هل اطلب من خطيبي انه نفترق اكيد بيسألني ليش بس هو معي كثير طيب ومو مثل اهله.
الروابط المفضلة