كفايا كسل يااموله ويلا صحوه جديده وترتيب ** امال رفقي **

**امال رفقي** · 25-07-2010, 04:06 PM

السلام عليكم
بصراحه انا كنت في الفتره السابق
اي تقريبا منذ ان اصاب ابني فيرس a
حاله من الاضراب النفسي
ليس لي نفس لعمل التنظيم
نظافه من علي الوش زي مابيقولوا عندا في مصر
مواعين اكل غسيل مسح وكنس
لكن موش دي النظافه
النظافه ترتبط بالتنظيم
والحمد لله لحقت نفسي لان الكركبه
تسبب الاكتئاب

تعالوا شوفوا انا عملت ايه
دخلت كل مكان في الشقه ارقيه بسم الله الرحمن الرحيم
ياحي ياقيوم برحمتك استغيث

يلا انا عارفه انكم شاطرين
طيب اللي عندها نفس حالتي من الكركبه هتعمل ايه

هنبدا اول حاجه افتحي سوره البقره
هتلاقيها في التوقيع الخاص بي تحت

طبعا الكل الحمد لله بيصلوا بانتظام
طبعا اوعي تنسي
اول ماتصحي شاور صاقع
مع تغير ملابس النوم
وعده الشغل
بنطلو ن وبلوزه والله هتدعيلي
يلا اكنسي بس استني
اياكي ان تكنسي قبل ما تشيلي الملابس اللي علي كرسي الانتريه والصالون الغسيل
بفوطه ناعمه هنلمع ايدي الانتريه
وشاشه التليفزيون
مفرش منكوش رتبيه
النهارده
الرسبشن والصالون والحمام
متنسيش تعلقي علي الاكل مع تحضير الافطار
لاولادك لانهم في الاجازه

وبعدين امسحي بشويه ديتول
انت دلوقتي شاطره
وممكن لو فيه شويه غسيل
حطيهم في الغساله وهيا هتعيش مع نفسها

وغدا بازن الله

هنعمل
جرد الديب فريزر استعداد لشهر الخير
وهنعرف
ايه الاستعدادت علشان نتفرغ للعباده
وموش طول الوقت في المطبخ
لانك موش هاتخدي

تقدير مع نزول الدوالي

**افنان المصرية** · 25-07-2010, 04:27 PM

ما شاء الله يا امولة نورتى المنتدى بمواضيعك الحلوة والله يشفى احمد شفاء لايغادر سقما وتشفية عريس وتفرحى باولادة يارب

**sasa dodo** · 25-07-2010, 04:56 PM

الله ينور عليك يا امولة
ربنا يشفى احمد يارب
عشان نشوف النشاط والهمة دى كلها

**naheel** · 25-07-2010, 06:21 PM

الله يعطيكي القوة

واسم الله عليه احمد ويسلمو

**oum abdoullah** · 26-07-2010, 03:03 AM

الله ينور عليك يا امولة
ربنا يشفى احمد يارب

**امال رفقي** · 26-07-2010, 11:41 PM

السلام عليكم
انا الحمد لله عملت جرد وتنظيف الديب فريزر

علي فكره الفاكهه لا زم تاخدي بالك
اذا مر عليها عام كامل بيتغير طعمها وخاصه المانجو والمشمش

واحنا بنظم لازم بتاخدي في الاعتبار
بنفرش كيس سميك نايلون شفاف
لمنع اي شي يتساقط
من درج علي الاخر

دربي نفسك علي انجاز الطعام
اي ابدائيه مبكرا
حتي لاتضربي قبل المدفع في رمضان

كل رمضان وانتم طيبيـــن

الغسيل اول باول كلما تجمع سواء ابيض او الوان بخفف عليكي الضغط

لايمنع انك تعملي شويه صلصه

لان الاسبوع الاول من الشهر الكريم
ترتفع الاسعار بطريقه جنونيه

زجاجات التوابل

وانت بترتبيه قماشه بها مسحوق غيل المواعين بتلمعيهم من الخارج
وبفوطه بها خل بتلغي ريحه المسحوق
وفي ورقه شوفي الي ناقص علشان تشتريه
وانت نازله
بوتوجازك حبيبك جهزيه
شويه نضاف سريعه
لو تدفي البوتوجاز وبالمسحوق الخاص بتنظيف الافران ترشي وخلي باللك
من الريحه
وبفوطه منداه هتلاقي دهون كتير طلعت معاكي
انا باعمل الموضوع كل 10 ايام اي دوريا
فلذلك الحمد لله لاتتراكم فيه الدهون

اعملي جرد للملاعق والشوك وتكمله الناقص بالشراء
تحسبا لاي عزومات من الاهل عندك في رمضان

انا عن نفسي يوم باعمل اكل ليومين
والراحه انا بانظف فيه
علي اد طاقتي ا
انا الحمد لله الاسبوع الماضي فكيت السلك الصلب الموضوع علب شباك المطبخ
وفي البانيو بالماء الساخن والفرشه
تيار هوا جميل بدا يتسلل
ويرحمني من حر المطبخ

**مصريه عربيه** · 27-07-2010, 08:05 AM

دعواتي لابنك بالشفاء من عندالله

**امال رفقي** · 28-07-2010, 02:31 AM

السلام عليكم

انا بالقي السلام علي نفسي
وانا داخله المطبخ
بسم الله الرحمن الرحيم

الجو اليوم كان حر جدا مع ارتفاع نسبه الرطوبه
والحمد لله كنت صايمه

وطبعا مطمئنه الكل صايم عندي
وبراحتي خالص قبل الساعه 8 مساء
كنت مخلصه اعداد الاكل

ماشاء الله لا قوه الابالله
والحمد لله
العيش والبقاله اللي كنت محناجاها
جبتها دلفري

ده بيوفر في وقت الزنقه ضربه الشمس
وبدات التخلص من الزيادات
الزجاجات الفرغه
وعملت جرد للكوبايات استعدادا باذن الله للشهر الفضيل
وبدات اشيل الحلل الزياده
وان شاء الله هشيل كل الملاعق واترك اربعه فقط وكذلك الشوك

انا اليوم اتفقت مع ابني المفروض تنضف الحمام
قالي موش عارف ازاي
جبت جردل به شويه كلور ومسحوق
وبالمقشه الخاصه بالحمام
ازاي تكنس والبانيو كذكك لان التعاون حلو
مع زياده المصروف في مقابل التعاون
خلال فتره الاجازه
وكل واحد متعهد بنظافه حجرته
طبعا مع اشرافي
وانا بامسحها
ونمت بعد الفطار
حوالي 3 ساعات
وفمت غسلت المواعين
الحمد لله
عدم تبيت المواعين بيقلل الصراصير

***سمسمية*** · 28-07-2010, 02:41 AM

اللهم إشفه أنت الشافي لا شفاء إلا شفاؤك شفاءا لا يغادر سقما

ربنا معاه ويشفيه ان شاء الله

**alyaman** · 28-07-2010, 11:20 AM

ما شاااء الله يا امولة
كعادتك مواضيع غاية في الروووعة والدقة والنظافة والتنظيم
معاكي يا قمر وان شاء الله كل يوم اعمل الشغل واتناقش معاكي بالي عملناه
تابعي وعين الله ترعاكي

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: كفايا كسل يااموله ويلا صحوه جديده وترتيب امال رفقي

أدوات الموضوع

العرض